TITUS
Mxitar Heraci, Jermanc Mxitarowtiun
Part No. 37
Previous part

Book: 36     
Page: 107  
Line: 1 
ԳԼՈՒԽ Լ՜Զ.

Line: 2 
ՎԱՍՆ ՍՏԱԾՄԱՆ ԵՒ ԲԺՇԿՈՒԹԵԱՆ ԱՅՆ ՍՈՒՐ ԵՒ ԱՅՐԵՑՈՂ ՋԵՐՄԱՆՆ, ԶՈՐ
Line: 3 
"ՀՈՌՈՄՆ ԵՐԿՈՒ ԵՒ ԵՐԵՔ ԿՐԿՆԱԿ ՏԵՏՌԱՏԷՕՍ" ԿՈՉԷ ԵՒ ՏԱՃԻԿՆ "ՂՊԼԱԶՄԱՅ",
Line: 4 
ԶՈՐ Ի ՅԱՐ ՏԵՏՌԱՏԷՕՍ ԱՆՈՒԱՆԷ։


Line: 5    Sentence: 1   Այս ջերմս ընծայի երբ մաղձն մէն բորբոսի ցներքսէ
Line: 6    երակացն հաւասար ընդ ամենայն մարմինն։ Sentence: 2   Այլ գիտացիր
Line: 7    որ այս ջերմանս ստածումն զերդ այն տետռատէօս
Line: 8    ջերմանն լինի, որ մաղձն ցդրուցէ երակացն
Line: 9    բորբոսի, եւ իւր նոպայն օր ընդ մէջ լինի։ Sentence: 3   Բայց պատեհ
Line: 10    է որ զքո ջանքն եւ զյոյսն յեփելն այրնես եւ ի
Line: 11    հովցնելն, եւ տաս սրքնճպին՝ որ յիւր ջուրն եփած
Line: 12    լինի հնդիպէի հունդ, եւ խիարի հունդ ջանջխնած.

Line: 13    Sentence: 4   յետ երկու պահու գարեջուր տուր. Sentence: 5   եւ զկերակուրն
Line: 14    պարկեշտ տուր։ Sentence: 6   Եւ հիւանդութեան սկիզբն լուծման
Line: 15    դեղ մի տաս, զատել մրգաջուր տուր եւ մանիշակի
Line: 16    շարապ։ Sentence: 7   Եւ այլ ամենայն դիմօք զքո ջանքն եւ զյոյսն ընդ
Line: 17    այրեցող ջերմն եւ ընդ այն ջերմն՝ որ ընդ դրուց երակացն
Line: 18    ընծայի, որ յիստակ տետռատէօս կոչի՝ ի մէջ
Line: 19    արա, որ ի միջավայր լինի ընդ երկուսն. Sentence: 8   օգտակար
Line: 20    է Աստուծով։

Line: 21    Sentence: 9   Էհաննայ ասէ ի նոյն պատճառդ, եթէ այս ջերմս
Line: 22    առանց խարտէշ մաղձին չլինի։ Sentence: 10   Եւ իւր պատճառն
Line: 23    այն է՝ որ մաղձն ի ներքս ի յերակսն ընդ ամենայն մարմնոյն
Line: 24    բորբոսի, ապա այս ջերմս յերեւան գայ, զոր տաճիկն
Line: 25    "ղպլազմայ" անուանէ, եւ որ թարգմանի հանապազ
Line: 26    եւ ի յար. Sentence: 11   եւ Հոռոմն "տիս" "տրիտէօն" անուանէ, որ
Line: 27    թարգմանի երկու երեքօրեայ. Sentence: 12   զի զօր ընդ մէջ ջերմն երեքօրեայ
Line: 28    անուանեն։ Sentence: 13   Զի այս ջերմս երկու վասն այնոր
Line: 29    ասացին, որ մէկ օրն խիստ լինի նոպայն, եւ մէկայլ
Line: 30    օրն թեթեւ. Sentence: 14   եւ այն երեքօրեայն՝ որ չունի կրկին՝
Line: 31    ի դուրս ի յերակացն բորբոսի մաղձն, եւ իւր նոպայն
Line: 32    օր ընդ մէջ գայ։ Sentence: 15   Ապա այս ջերմանս որ երեքօրեայ
Line: 33    ասեն, մի օրն խիստ գայ իւր նոպայն եւ խիստ
Line: 34    դողացնէ, զերդ սլաքով խոցատէ եւ զանդամունսն, եւ
Page: 108   Line: 1       ծարաւն շատ լինի, եւ այն օրն խիստ դատէ զհիւանդն.

Line: 2    Sentence: 16   եւ մէկայլ օրն թեթեւ եւ թոյլ լինի նոպայն։

Line: 3    Sentence: 17   Եւ այս ջերմս առաւել երիտասարդաց հանդիպի,
Line: 4    եւ այնոց՝ որ տաք կերակուր շատ ուտեն, եւ այնոց որ
Line: 5    գինի շատ խմեն, եւ այնոց՝ որ ի մերձաւորութիւն խարբ
Line: 6    լինին. Sentence: 18   եւ վասն այդ պատճառանացդ մաղձն նոցա
Line: 7    խառնուածոցն յաղթէ եւ բորբոսի։

Line: 8    Sentence: 19   Եւ իւր ստածումն այս է, որ սկիզբն հիւանդութեանն
Line: 9    զհով եւ զգիճային իրուին ի բանի պահէ, եւ
Line: 10    հետ այնոր զբնութիւն լուծանէ մրգաջրով եւ շիրխշտով
Line: 11    եւ թառանկպինով. Sentence: 20   գարէջուր եւ դդմի ջուր եւ
Line: 12    խիարի ջուր, թթու եւ քաղցր նռան ջուր, խառնեալ
Line: 13    ընդ շաքարով սրքնճպին ի բանի պահէ. Sentence: 21   եւ ամենայն իրք՝
Line: 14    որ զմարմնոյն խառնուածքն հովցնեն եւ գիճացնեն,
Line: 15    օգտէ նորա, զերդ զհազարն եւ թախթն եւ խիարն եւ
Line: 16    կութայն եւ դդումն, եւ ամենայն ինչ որ նման են սոցա։

Line: 17    Sentence: 22   Ապա թէ գլուխքն հիւանդութեանն՝ որ է նիւթն,
Line: 18    ի ստամոքսն լինի, վերաբերութիւն տուր այրնել, օգտէ։

Line: 19    Sentence: 23   Ապա թէ գլուխքն հիւանդութեանն ի յաղիքն
Line: 20    լինի, կակուղ հուկնայով զբնութիւնն լոյծ, զերդ որ
Line: 21    ի յերկրորդ ի գիրքն յիշեցաք։ Sentence: 24   Ապա թէ հիւանդութեան
Line: 22    գլուխն ի ներքս ի յերակսն լինի, տուր զդեղերն՝
Line: 23    որ զգոզն յորդորեն, զերդ զեփած կարօսն, եւ
Line: 24    հալիլէ եւ օշինդր, եւ այլ ամենայն ինչ՝ որ նման են սոցա։

Line: 25    Sentence: 25   Եւ երբ ջերմն արձակի, եւ կերակուրն ի ստամոքացն
Line: 26    հալի, ի բաղանիս մտէ, եւ յեղկ ի յաւազան մտէ՝
Line: 27    օգտակար է թէ Աստուած կամի։

Line: 28    Sentence: 26   Մահամատի Զաքարիայն ասէ, եթէ ստածումն
Line: 29    այս կրկնակ ջերմանս՝ որ երկու տետռատօս կոչեն,
Line: 30    այս է. Sentence: 27   առաւօտուն դամոյնի ջուր տուր , եւ երբ
Line: 31    արեգակն ծագէ գարեջուր տուր, եւ կէս օրն խիարի
Line: 32    ջուր կամ դդմի ջուր, եւ ի պառկելոյ ժամն պզրկատունի
Line: 33    լուղապ տուր։ Sentence: 28   Ապա թէ բնութիւնն կակուղ
Line: 34    լինի, ի դամոյնի ջրին տեղին՝ ծեծած նռան ջուր
Line: 35    տուր, եւ զմարմինն հովացէ այն իրօքն, որ զմարմնոյն
Line: 36    խառնուածքն հով եւ գէճ այրնեն։ Sentence: 29   Եւ տգէտ մարդկաց
Line: 37    խօսից մի լսեր. Sentence: 30   զի այս ջերմանս քան զհով ջուրն
Line: 38    այլ աղէկ չլինի իրք. Sentence: 31   նոյնպէս եւ զհով մրգանքն ի
Line: 39    բանի պահէ, բայց մի շատ։ Sentence: 32   Ապա թէ հիւանդութիւնն
Page: 109   Line: 1    խիստ լինի, եւ հիւանդին զօրութիւնն ուժով լինի,
Line: 2    յայն օրն՝ որ չունի զմեծ նոպայն, երակ առ
Line: 3    օգտակար է կամօքն Աստուծոյ։



Next part


This text is part of the TITUS edition of Mxitar Heraci, Jermanc Mxitarowtiun.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.