TITUS
Movses Kalankatowaci, Patmowtiwn Alowanic Asxarhi
Part No. 22
Previous part

Chapter: 22  
Page: 82  
Line: 13 
ԳԼՈՒԽ Ի՜Բ.

Line: 14  Երանելւոյն Յոբայ ճգնաւորի հաւատացուցանելն զմեծագոյն
Line: 15  Արցախագաւառն Պարսկանց։


Line: 16       Եւ պատմեաց վանացերէցն եւ ասէ. "Երէց
Line: 17    մի էր Վեկերտու Յոբ անուն, ճգնաւոր եւ յոյժ
Line: 18    առաքինի վարուք կեցեալ յաշխարհի, ունէր եւ
Line: 19    առաքելական շնորհս. քանզի զմեծագոյն աշխարհ
Line: 20    մի Արցախայ՝ Պարսական անում, դարձուցանէր
Line: 21    ՛ի մոլորութենէ եւ առնէր աստուածածանօթս
Line: 22    անճառելի խորհրդոց խորհրդակիցս եւ Երրորդութեանն
Line: 23    պաշտօնատարս։ Սա եկեալ բազում անգամ
Line: 24    կատարէր զյիշատակ սրբոյն Գրիգորիսի եւ
Page: 83   Line: 1    ասէր երկիցս եւ երիցս առաջի բազմաց, եթէ
Line: 2    թագաւոր հաւատացեալ յառնելոց է յաշխարհիս
Line: 3    Աղուանից, եւ խնդիր առնէ տեղւոյս եւ սուրբ
Line: 4    նշխարացս Գրիգորիսի։ Եւ դարձեալ այլ ոմն անապատաւոր
Line: 5    հիւր եկեալ մեզ եւ մեր ընդ յառաջ
Line: 6    ելեալ՝ ընկալաք զնա որպէս սովորոթիւն է եղբարց
Line: 7    եւ լուացեալ զոտս՝ ճաշակէր փոքրագոյն
Line: 8    ինչ։ Եւ եղեալ ՛ի տեղւոջդ յայդմ՝ ՛ի քուն մըտեալ
Line: 9    հանգչէր եւ յարուցեալ վաղվաղակի՝ խաչ
Line: 10    արարեալ իւրով իսկ ձեռամբ՝ կանգնէր ՛ի տեղւոջդ
Line: 11    եւ պատուիրէր ասելով, մի́ ոք զխաչդ ՛ի
Line: 12    բաց հանցէ, այլ մեծագոյն խաչ տուք արկանել
Line: 13    ՛ի տեղիդ, եւ այգուն եւ երեկուն աղօթս կատարել
Line: 14    եւ խունկ ծխել, զի մեծ սքանչելիս տեսանեմ
Line: 15    ՛ի տեղւոջս։ Եւ այլ աբեղայ ոմն հիւր եկեալ՝
Line: 16    մեք ճաշ հրամայեցաք տալ. եւ մինչ նա հաց
Line: 17    ուտէր եւ մանուկ մի գինի տայր բաժակաւ, եւ
Line: 18    ՛ի շինին ամբոխ իմն լինէր, եւ մեր ամենեցուն
Line: 19    զհիւրն թողեալ միայնակ՝ յաղաղակն երթայք. եւ
Line: 20    հիւրոյն յարուցեալ զբաժակն առեալ գնայր եւ
Line: 21    տարեալ վաճառէր. զգինսն առեալ ՛ի դպրոց
Line: 22    մտանէր եւ ուսանէր թոշակաւն։ Եւ տեսանէր
Line: 23    ՛ի տեսլեան բաժակագողն զայր մի եպիսկոպոս՝
Line: 24    նստեալ աթոռով առ խաչին, զոր անապատաւորն
Line: 25    կանգնեաց. սպիտակազգեստ հանդերձիւ եւ յոյժ
Line: 26    ահաւորագոյն տեսլեամբ. եւ զինքն կապեալ տանջել
Line: 27    հրամայէր ՛ի վերայ սրբոյ գերեզմանին։ Եւ
Page: 84   Line: 1    յարուցեալ ցուցանէր բազմաց զմարմինն, զի
Line: 2    կապուտակացեալ էր հարուածովք ահագին տանջանացն,
Line: 3    եւ այնպէս օր ըստ օրէ հրամայէր տանջել.
Line: 4    եւ նորա ՛ի բռնութենէ տանջանացն ապաստանել
Line: 5    ՛ի սուրբ քաղաքն Երուսաղէմ՝ խնդրելով
Line: 6    զբոյժ տանջանացն։ Բայց տեսանէր դարձեալ
Line: 7    անդ զնոյն եպիսկոպոսն, զի դժնդակագոյն եւս
Line: 8    հարկանել հրամայէր եւ ասէր. "Չի́ք հնար բուժիլ
Line: 9    քեզ ՛ի տանջանացդ, եթէ ոչ երթեալ խոստովանեսցիս
Line: 10    ՛ի նմին տեղւոջ՝ ուստի զբաժակն
Line: 11    գողացար"։ Եւ յարուցեալ աբեղայն առնոյր
Line: 12    զգինս բաժակին, եւ գնացեալ յԵրուսաղեմէ գայր
Line: 13    յԱմարաս. եւ մտեալ յեկեղեցին՝ կոչէր զվանացերէցն
Line: 14    առ ինքն, սկսանէր լալով խոստովանել
Line: 15    զիրսն, եւ բազում աղաչանօք խնդրէր առնուլ
Line: 16    զգինս բաժակին՝ եւ եկեալ ցուցանէր զտեղին ուր
Line: 17    խաչն կայր՝ "Այդր եպիսկոպոս նստէր՝ ասէ,
Line: 18    լուսաւոր զգեստու եւ ահաւոր կերպարանօք".
Line: 19    զտեղին ցուցեալ զգերեզմանին, եթէ այդր զիս
Line: 20    հարկանել հրամայէր. եւ ընկալեալ զառողջութիւն
Line: 21    տանջանացն գնայր խաղաղութեամբ։ Եւ բազումք
Line: 22    ՛ի գեօղս ասեն, թէ որ անորդի լեալ են եւ եկեալ
Line: 23    ուխտեալ եւ հող առեալ ՛ի տեղւոյս՝ որդեծնութեան
Line: 24    զաւակի հասան։ Եւ ամենայն ջերմոտք
Line: 25    հող առեալ վաղվաղակի ընդունէին զառողջութիւն
Line: 26    անձանց իւրեանց։ Եւ մինչ զայս ամենայն
Page: 85   Line: 1    նշանագործութիւն պատմէին առաջի արքային,
Line: 2    ՛ի սոյն խորհուրդ եւ



Next part


This text is part of the TITUS edition of Movses Kalankatowaci, Patmowtiwn Alowanic Asxarhi.

Copyright TITUS Project, Frankfurt a/M, 23.8.2008. No parts of this document may be republished in any form without prior permission by the copyright holder.