TITUS
Vetus testamentum iberice: Biblia Bakarii
Part No. 7
Previous part

Chapter: 7 
7


Verse: 1  Link to oskijerLink to mcatLink to igavnigLink to sept   მოაქციე, მოაქციე, სულამინ, მოიქეც, მოიქეც და ვიხილოთ შენ შორის. რაჲ იხილეთ სულამიტიდისა მომავალისა, ვითარცა მწყობრნი ბანაკთა?

Verse: 2  Link to oskijerLink to mcatLink to igavnigLink to sept   რაჲ განშუენდეს სლვანი შენნი ჴამლთა შინა შენთა, ასულო ამინადაბისო? ნასხამნი გვერდისა შენისა მსგავს მანიაკთა, ქმნილი ჴელთა ჴელოვნისათა;

Verse: 3  Link to oskijerLink to mcatLink to igavnigLink to sept   უპე შენი - სასუმელი გამოქმნილი, არამოკლებული სიპოხისა; მუცელი შენი - ვითარცა ხუავი იფქლისა, გარემოცული შროშანთა შინა;

Verse: 4  Link to oskijerLink to mcatLink to igavnigLink to sept   ორნი ძუძუნი შენნი, ვითარცა ორნი თიკანნი მარჩბივნი ქურციკისანი;

Verse: 5  Link to oskijerLink to mcatLink to igavnigLink to sept   ქედი შენი, ვითარცა გოდოლი სპილოსძვალისა; თვალნი შენნი, ვითარცა ტბა ესებონსა შინა, ბჭეთა შორის ასულთა მრავალთა; ცხჳრი შენი, ვითარცა სვეტი ლიბანისა, მხედველი პირსა დამასკოსა;

Verse: 6  Link to oskijerLink to mcatLink to igavnigLink to sept   თავი შენი შენ ზედა, ვითარცა მთაჲ კარმელი; და ნათხზენი თავისა შენისა, ვითარცა პორფირი სამეუფო, შეკრული თანაწარმავალთა შორის.

Verse: 7  Link to oskijerLink to mcatLink to igavnigLink to sept   რაბამ განშუენდი და რაბამ დასტკბი, საყვარელო, სიტკბოთა შინა შენთა!

Verse: 8  Link to oskijerLink to mcatLink to igavnigLink to sept   ესე დიდებულებაჲ შენი მიემსგავსა ფინიკსა და ძუძუნი შენნი - ტევანთა მისთა.

Verse: 9  Link to oskijerLink to mcatLink to igavnigLink to sept   ვთქუ: `აღვიდე ფინიკსა ზედა და ვიპყრნე სიმაღლე მისი, და იყუნენ ძუძუნი შენნი, ვითარცა ტევანნი ვენაჴისანი, და ყნოსა ცხჳრთა შენთა, ვითარცა ვაშლთა;

Verse: 10  Link to oskijerLink to mcatLink to igavnigLink to sept   და სასა შენი, ვითარცა ღჳნო კეთილ. სლვაჲ ძმისა მიმართ სიწრფოებით, კმა არს ბაგეთა ჩემთა და კბილთა.

Verse: 11  Link to oskijerLink to mcatLink to igavnigLink to sept   მე ძმისა ჩემისა და მოქცევა მისი ჩემდამო.

Verse: 12  Link to oskijerLink to mcatLink to igavnigLink to sept   მოვედ, ძმაო ჩემო, და განვიდეთ აგარაკსა ზედა, განვისვენოთ დაბათა შინა;

Verse: 13  Link to oskijerLink to mcatLink to igavnigLink to sept   აღვიმსთოთ ვენაჴთა შინა, ვიხილოთ, უკუეთუ აღყვავნა ვენაჴი, აღყვავდეს თუ ხილნი, აღყვავდეს თუ ვარდნი. მუნ მიგცე შენ ძუძუნი ჩემნი.

Verse: 14  Link to oskijerLink to mcatLink to igavnigLink to sept   მანდრაგორთა გამოსცეს სულნელება და კართა თანა ჩუენთა ყოველნი ნიგოზთანი ახალ ძუელადმდე, ძმაო ჩემო, დაგიმარხენ შენ.



Verse: 2V    განშუჱნდეს B; მგზავს B.
Verse: 7V    განშუჱნდი B.
Verse: 8V    მიამგზავსე B; მისთა B.
Verse: 14V    ძუჱლადმდე B.




Next part


This text is part of the TITUS edition of Vetus testamentum iberice: Biblia Bakarii.

Copyright TITUS Project, Frankfurt a/M, 28.10.2007. No parts of this document may be republished in any form without prior permission by the copyright holder.