TITUS
Vetus Testamentum iberice: codd. Oshki & Jerusalem
Part No. 169
Previous part

Chapter: 7 
7


Verse: 1  Link to mcatLink to igavnigLink to bakaratLink to sept   ქალწულთა და დედუფალთა ეტყჳს სიძჱ: "რაჲ იხილოთ უდულამელის თანა, რომელი მოვალს, ვითარცა გუნდი ბანაკთაჲ?"

Verse: 2  Link to mcatLink to igavnigLink to bakaratLink to sept   სიძჱ სძალსა ეტყჳს: "ვითარ შუენიერ არს სლვაჲ შენი, ასულო [ამი] ნადაბისო? ჟამიერად ქმნული მუჴლთა შენთაჲ მსგავს არს მძივთა დაცუმულთა, საქმჱ ჴელოვნისაჲ;

Verse: 3  Link to mcatLink to igavnigLink to bakaratLink to sept   უპე შენი -- ტაკუკ წახნაგებულ, მოუკლებელ, ზავებულ; მუცელი შენი, ვითარცა ხუავი იფქლისაჲ, გარემოცვული შროშნითა;

Verse: 4  Link to mcatLink to igavnigLink to bakaratLink to sept   ორნი ძუძუნი შენნი, ვითარცა ორნი თიკანნი მარჩბივნი ქურციკისანი;

Verse: 5  Link to mcatLink to igavnigLink to bakaratLink to sept   ყელი შენი, ვითარცა გოდოლი პილოჲსძუალისაჲ; თუალნი შენნი, ვითარცა ტბანი ესებონისანი, ბჭეთა ასულთა შორის მრავალთა; ცხჳრნი შენნი, ვითარცა გოდოლი ლიბანისაჲ პირისპირ დამასკისა;

Verse: 6  Link to mcatLink to igavnigLink to bakaratLink to sept   თავი შენი შენ ზედა, ვითარცა კარმელი; თხზული თავისა შენისაჲ, ვითარცა ძოწეული, ვითარცა მეფჱ შარავანდდადგმულ ასპარეზსა.

Verse: 7  Link to mcatLink to igavnigLink to bakaratLink to sept   რავდენ შუენიერ ხარ და რავდენ დასტკბნი, სიყუარულო, ფუფუნებასა შინა!

Verse: 8  Link to mcatLink to igavnigLink to bakaratLink to sept   ემსგავსა სიმაღლჱ შენი ფინიკსა და სასძეურნი შენნი ტევანთა მისთა.

Verse: 9  Link to mcatLink to igavnigLink to bakaratLink to sept   და ვთქუ: "აღვჴდე ფინიკსა ამას და შებმა-უყო სიმაღლესა მისსა, იყვნედ ძუძუნი შენნი, ვითარცა ტევანნი ვენაჴსა, და სული ღრძილთა შენთაჲ, ვითარცა ვაშლი;

Verse: 10  Link to mcatLink to igavnigLink to bakaratLink to sept   და სასაჲ შენი, ვითარცა ღჳნოჲ სულნელი". სძალი ეტყჳს: "მიხუალ კუალსა ძმისწულისა ჩემისასა სიწრფოებით, მყოფ არს ბაგეთა ჩემთა და კბილთა.

Verse: 11  Link to mcatLink to igavnigLink to bakaratLink to sept   მე ძმისწულისა ჩემისა და ჩემდა მოქცევაჲ მისი.

Verse: 12  Link to mcatLink to igavnigLink to bakaratLink to sept   მოვედ, ძმისწულო ჩემო, და განვიდეთ აგარაკად, ვიყოფვოდით დაბნებსა;

Verse: 13  Link to mcatLink to igavnigLink to bakaratLink to sept   აღვიმსთოთ ვენაჴებად, ვიხილოთ, თუ ყუავიან ვენაჴნი, ანუ თუ წარმოეტეოს ნაძუსა, ანუ თუ ყუავოდის მროწეული. მუნ მიგცნე ძუძუნი ჩემნი შენ.

Verse: 14  Link to mcatLink to igavnigLink to bakaratLink to sept   გამოსცეს სულნელებაჲ თჳსი მანდრაგორთა და კართა ჩუენთა თანა ყოველთა ხეთა ხილოვანთა ახალი ძუელისა თანა რომელი მომცა მე დედამან ჩემმან, ძმისწულო ჩემო, დაგიმარხო შენ.



Verse: 8V    სიმაღლჱ ] სიმალჱ O.





Next part


This text is part of the TITUS edition of Vetus Testamentum iberice: codd. Oshki & Jerusalem.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.