და მიერითგანნი მთავარნი და ჴელმწიფენი, კარანნი და სეფეწულნი და ყოველნი მწიგნობარნი პატივ-სცემდეს ჰურიათა, რამეთუ შიში მარდოქჱსი დაცემულ იყო მათ ზედა. რამეთუ შეცოდებულ იყო სუსეს ქალაქსა სახლი ჰამანისი და მტერობაჲ იგი მისი მიმო-და-განითქუა ყოველსა საშარავანდოსა.
და მოწყჳდნეს ჰურიათა სუსეს ქალაქსა კაცნი ვითარ შჳდას ოდენ.
და ფარსანცა და ძმაჲ მისი და ფარნასარ
და გაბა და ფარდათა
და მარმესიმ და იზადუთ - და ათნი ძენი ჰამანისნი, მტერნი ჰურიათანი
და აღიჭრეს ყოველი ნაყოფი მათი.
მაშინ ჰრქუა მეფემან ესთერს: ვითარ გნებავს შენ აქათაჲ, ანუ სოფლებსა რაჲ უყონ?
ჰრქუა ესთერ: მიეც ჴელმწიფებაჲ ჰურიათა და რომელთაჲ უნდეს, მოსრან და რაჲ პოონ, წარმოიღონ.
და მიანება მას.
და წარწყმიდეს შჳდ ბევრ და ას კაც.
და დაწერა მარდოქე სიტყუაჲ ესე წიგნსა და მიუძღუანა ჰურიათა, რომელნი იყვნეს ასუერ მეფისა ზე ბრძანებელსა შორიელთა Page of ms. O: 509r და მახლობელთა
და დაამტკიცეს დღჱ იგი საგალობელად და საშუებელად გლოვისა და ტირილისა მის წილ მეათორმეტჱ იგი და მეათხუთმეტჱ მის თჳსაჲ
და მიმოდაუძღუანეს ქველისსაქმარი გლახაკთა და მიიღეს მათ.
ამისთჳს სახელი დასდვეს მათ დღეთა ფარაია მის წილისათჳს, რომელ-იგი აღმოუჴდა მათ დღეთა საჴსენებელად იგი.
