სიტყუაჲ, რომელ ჰრქუა იერემია წინაწარმეტყუელმან ბარუქს, ძესა Page of ms. J: B34r ნერისსა, რაჟამს დაწერნა სიტყუანი ესე წიგნსა/ პირისაგან იერემიაჲსისა წელსა მეოთხესა იოაკიმისსა, ძისა იოსიაჲსა, მეფისა იუდაჲსა.
ესრე თქუა უფალმან, ღმერთმან ისრაჱლისამან, შენ ზედა, ბარუქ,
რამეთუ სთქუ; ვაჲ მე, ვაჲ მე, რამეთუ შესძინა უფალმან შრომაჲ სალმობასა ჩემსა; დავწევ კუნესით, და არა ვპოე განსუენებაჲ.
ესრეთ თქუა უფალმან, ესრე არქუ მას, აჰა ესერა რომელ აღვაშჱნე, მე დავარღჳო, და რომელ მე დავჰნერგენ, მეცა აღვფხურნე მით ქუეყანითურთ ყოვლით.
და შენ ითხოვდე თავისა შენისა დიდდიდსა, ნუ ითხოვ, რამეთუ აჰა ესერა მე მოვავლინო ძჳრი ყოველსა ზედა ჴორციელსა, იტყჳს უფალი, და მიგცე სული შენი მოპოვნებულად ყოველსა ადგილსა სადა ხჳდოდი შენ მუნ.
