TITUS
Vetus Testamentum iberice: codd. Oshki & Jerusalem
Part No. 394
Previous part

Chapter: 15  
Verse: 1   Link to mcat Link to sept   და იყო ჩემდა მომართ სიტყუაჲ უფლისაჲ, და თქუა;

Verse: 2   Link to mcat Link to sept   და შენ, ძეო კაცისაო, რაჲ მე ეყოს ძელსა მას ვენაჴისასა ყოველთაგან ძელთა რტოთა, რომელნი არიან ძელთა შორის მაღნარისათა.

Verse: 3   Link to mcat Link to sept   უკუეთუ მოიღონ მისგან ძელი საქმედ საქმარისა, უკუეთუ მოიღონ მისგან მანაჲ დაკიდებად მას ზედა ყოველივე ჭურჭერი,

Verse: 4   Link to mcat Link to sept   თჳნიერ მისა რომელ იგი ცეცხლსა მიეცეს დასაწუველად, წელილადითი წელიწადად განწმედილი იგი მისგანი, რომელი შეჭამის ცეცხლმან, და მოაკლდის სრულიად. ნუ უკუე საჴმარ იყოს იგი საქმარად.

Verse: 5   Link to mcat Link to sept   არცაღა იყოს და თუ იგი თავადი, ვერვე იყოს იგი საქმარად, გარნა რომელ იგი ცეცხლმან შეჭამოს სრულიად, და არღარა იყოს საქმარად.

Verse: 6   Link to mcat Link to sept   ამისთჳს არქუ მათ; ამას იტყჳს უფალი უფალი; ვითარცა იგი ხჱ ვენაჴისაჲ ხეთა შორის მაღნარისათა, რომელი მივეც ცეცხლსა შესაწუველად, ეგრეთ მივსცნე მკჳდრნი იჱრუსალემისანი.

Verse: 7   Link to mcat Link to sept   და მივჰსცე პირი ჩემი მათ ზედა. ცეცხლისაგან გამოვიდენ, და ცეცხლმან შეჭამნეს იგინი. და ცნან რამეთუ მე ვარ უფალი, რაჟამს განვიმტკიცო პირი ჩემი მათ ზედა.

Verse: 8   Link to mcat Link to sept   და მივჰსცე ქუეყანაჲ მათი განსარყუნელად, ამისთჳს, რამეთუ შეცჳვეს იგინი შეცოდებათა, იტყჳს უფალი უფალი.;/ Page of ms. J: B70r 

Next part


This text is part of the TITUS edition of Vetus Testamentum iberice: codd. Oshki & Jerusalem.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.