TITUS
Biblia Iberica: Psalterium et Odae
Part No. 4
Previous part

Chapter: 4 
Verse: 2  Link to mcat Link to sept Link to armat   ხადილსა ჩემსა ესმა ჩემი ღმერთსა სიმართლისა ჩემისასა. ჭირსა ჩემსა მილხინე, მიწყალე მე, შეგესემინ ლოცვისა ჩემისა.

Verse: 3  Link to mcat Link to sept Link to armat   ძენო კაცთანო, ვიდრემდის გულ-ფიცხელ ხართ? რად გიყუარს ამაოებაჲ და ეძიებთ სიცრუვესა?

Verse: 4  Link to mcat Link to sept Link to armat   გულისხმა-ყავთ, რამეთუ საკჳრველ ყო უფალმან წმიდაჲ თჳსი; უფალსა შეესემინ ჩემი ღაღადებასა ჩემსა მისა მიმართ.

Verse: 5  Link to mcat Link to sept Link to armat   გულის-წყრომასა თქუენსა ნუ ჰსცოდავთ; აწ რაჲ თქუან გულთა თქუენთა, სარეცელთა თქუენთა ზედა შეინანეთ.

Verse: 6  Link to mcat Link to sept Link to armat   შეწირეთ მსხუერპლი სიმართლისაჲ და ესევდით უფალსა.

Verse: 7  Link to mcat Link to sept Link to armat   მრავალთა თქჳან, ვინ გჳჩუენოს ჩუენ კეთილი? გამოგჳჩნდა ჩუენ ნათელი პირისა შენისაჲ, უფალო.

Verse: 8  Link to mcat Link to sept Link to armat   მოეც სიხარული გულთა ჩუენთა ნაყოფისაგან, იფქლითა, ღუინითა, ზეთითა მათითა განამრავლენ შენ იგინი.

Verse: 9  Link to mcat Link to sept Link to armat   მშჳდობით მას ზედა დავწევ, დავიძინე, რამეთუ შენ უფალმან მხოლომან სასოებით დამამკჳდრე მე.


Next part


This text is part of the TITUS edition of Biblia Iberica: Psalterium et Odae.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.