TITUS
Biblia Iberica: Psalterium et Odae
Part No. 5
Previous part

Chapter: 5 
Verse: 2  Link to mcat Link to sept Link to armat   სიტყუათა ჩემთა ისმინე, უფალო გულისხმა-ყავ ღაღადებაჲ ჩემი,

Verse: 3  Link to mcat Link to sept Link to armat   მომხედენ ჴმასა ლოცვისა ჩემისასა, მეუფეო ჩემო და ღმერთო ჩემო; რამეთუ შენდამი ვილოცავ, უფალო.

Verse: 4  Link to mcat Link to sept Link to armat   განთიად შეგესემინ ჴმისა ჩემისაჲ, განთიად წარვდგე შენდა და გეჩუენო შენ.

Verse: 5  Link to mcat Link to sept Link to armat   რამეთუ შენ, ღმერთი, არა ეგრე ხარ, ვითარცა გინდა ურჩულოებაჲ; არა დაიმკჳდრონ შენ თანა უკეთურთა,

Verse: 6  Link to mcat Link to sept Link to armat   არცა დადგენ ურჩულონი წინაშე თუალთა შენთა; მოიძულენ შენ ყოველნი მოქმედნი ურჩულოებისანი.

Verse: 7  Link to mcat Link to sept Link to armat   წარწყმიდენ ყოველნი, რომელნი იტყჳან სიცრუვესა; კაცი მოსისხლე და მზაკუვარი სძაგს უფალსა.

Verse: 8  Link to mcat Link to sept Link to armat   ხოლო მე მრავლითა მოწყალებითა შენითა შევიდე სახლსა შენსა, თაყუანის-ვსცე ტაძარსა წმიდასა შენსა შიშითა შენითა.

Verse: 9  Link to mcat Link to sept Link to armat   უფალო, მიძეღუ მე სიმართლითა შენითა და მტერთა ჩემთათჳს წარჰმართე ჩემ წინაშე გზაჲ შენი.

Verse: 10  Link to mcat Link to sept Link to armat   რამეთუ არა არს პირსა მათსა ჭეშმარიტებაჲ, გული მათი ამათ არს, სამარე ზე-აღებულ არს ჴორცი მათი, ენითა მათითა ზაკუვენ.

Verse: 11  Link to mcat Link to sept Link to armat   დასაჯენ იგინი, ღმერთო; დაეცნენ იგინი ზრახვათა მათთაგან; დიდძალითა უღმრთოებისა მათისაჲთა განიშორენ შენ იგინი, რამეთუ განგამწარეს შენ, უფალი.

Verse: 12  Link to mcat Link to sept Link to armat   იხარებდენ შენდამი ყოველნი, რომელნი გესვენ შენ უკუნისამდე. იშუებდენ შენ შენდამი და შენ დაემკჳდრო მათ შორის. იქადოდიან შენდამი ყოველთა, რომელთა უყუარს სახელი შენი.

Verse: 13  Link to mcat Link to sept Link to armat   რამეთუ შენ აკურთხე მართალი, უფალო, რამეთუ შენ ვითარცა საჭურველითა, სათნოებითა შენითა გჳრგჳნოსან მყვენ ჩუენ.


Next part


This text is part of the TITUS edition of Biblia Iberica: Psalterium et Odae.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.