TITUS
Biblia Iberica: Psalterium et Odae
Part No. 13
Previous part

Chapter: 13 
Verse: 1  Link to mcat Link to sept Link to armat   თქუა უგუნურმან გულსა თჳსსა: არა არს ღმერთი. განირყუნეს და ბილწ იქმნნეს იგინი უშჯულოებითა მათითა, არა არს რომელმანმცა ყო სიტკბოებაჲ.

Verse: 2  Link to mcat Link to sept Link to armat   უფალმან ზეცით მოხედნა ყოველთა ძეთა ზედა კაცთასა, ხილვად იყოს თუ ვინმე გულისხმა-ყოს გამოძიებად ღმრთისა.

Verse: 3  Link to mcat Link to sept Link to armat   ყოველნივე მისდრკეს ერთბამად და უჴმარ იქმნეს, არავინ არს, რომელმანმცა ყო კეთილი, არავინ არს მიერთადმდე.

Verse: 4  Link to mcat Link to sept Link to armat   არა გულისჴმა-ყვეს ყოველთა, რომელნი იქმან უშჯულოებასა, რომელნი შეშჭამენ ერსა ჩემსა, ვითარცა ჭამადსა პურისასა და ღმერთსა არა ხადეს.

Verse: 5  Link to mcat Link to sept Link to armat   მუნ შეეშინოს მათ შიშით, სადა-იგი არა იყოს შიშ, რამეთუ ღმერთი არს შორის ნათესავსა მართალთასა.

Verse: 6  Link to mcat Link to sept Link to armat   ზ[რა]ხვასა გლახაკისასა არა ჰრცხუენეს, რამეთუ უფალი სასო მათდა არს.

Verse: 7  Link to mcat Link to sept Link to armat   ვინ მოსცეს სიონით ცხორებაჲ ისრაელსა? რაჟამს მოაქციოს უფალმან ტყუე ერისა თჳსისაჲ, იხარებდეს იაკობ და იშუებდეს ისრაელი.


Next part


This text is part of the TITUS edition of Biblia Iberica: Psalterium et Odae.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.