TITUS
Biblia Iberica: Psalterium et Odae
Part No. 14
Previous part

Chapter: 14 
Verse: 1  Link to mcat Link to sept Link to armat   უფალო, ვინ დაეშენოს კარავსა შენსა, ანუ ვინ დაემკჳდროს მთასა წმიდასა შენსა?

Verse: 2  Link to mcat Link to sept Link to armat   რომელი ვიდოდის უბიწოდ, იქმოდის სიმართლესა, იტყოდის ჭეშმარიტსა გულსა თჳსსა;

Verse: 3  Link to mcat Link to sept Link to armat   რომელი არა ზაკუვიდეს ენითა თჳსითა, არცა უყო მოყუასსა თჳსსა ბოროტი, ყუედრებაჲ მახლობელთა მისთაჲ მან არა მოიღოს.

Verse: 4  Link to mcat Link to sept Link to armat   შეურაცხ იყოს მის წინაშე უკეთური, ხოლო მოშიშნი უფლისანი იდიდნენ; რომელი ეფუცა მოყუასსა თჳსსა [და იგი] არა ეცრუვა მას;

Verse: 5  Link to mcat Link to sept Link to armat   ვეცხლი მისი არა მისცეს აღნადგინებად და ქრთამი უბრალოსა ზედა მან არა მოიღოს; რომელმან ყოს ესე, იგი არა იძრას უკუნისამდე.


Next part


This text is part of the TITUS edition of Biblia Iberica: Psalterium et Odae.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.