TITUS
Biblia Iberica: Psalterium et Odae
Part No. 15
Previous part

Chapter: 15 
Verse: 1  Link to mcat Link to sept Link to armat   მიცევ მე, ღმერთო, რამეთუ მე შენ გესავ.

Verse: 2  Link to mcat Link to sept Link to armat   ვარქუ უფალსა: ღმერთი ჩემი ხარი შენ, კეთილი შენი ჩემდამო შენ მიერ არს.

Verse: 3  Link to mcat Link to sept Link to armat   წმიდათა შენთა და რომელნი არიან ქუეყანასა შენსა, საკჳრველ ჰყავ შენ ყოველივე ნებაჲ ჩემი მათ შორის.

Verse: 4  Link to mcat Link to sept Link to armat   განმრავლდეს უძლურებანი მათნი და ამისა შემდგომად ისწრაფეს; არა შევკრიბო კრებულები მათი სისხლითა, არცა მოვიჴსენო სახელები მათი ბაგითა ჩემითა.

Verse: 5  Link to mcat Link to sept Link to armat   უფალი ნაწილ არს მკჳდრობისა ჩემისა და სასუმელისა ჩემისა; შენ ხარ, რომელმან მომაგე მკჳდრობაჲ ჩემი ჩემდამო.

Verse: 6  Link to mcat Link to sept Link to armat   წილ-მხუედა მე რჩეულთა თანა და სამკჳდრებელი ჩემი მტკიცე არს ჩემდა.

Verse: 7  Link to mcat Link to sept Link to armat   ვაკურთხო უფალი, რომელმან გულისხმა-მიყო მე, რამეთუ ღამემდე უმეტჱს განმსწავლეს თირკუმელთა ჩემთა.

Verse: 8  Link to mcat Link to sept Link to armat   წინაჲსწარ ვხედევდ უფალსა, წინაშე ჩემსა არს მარადის, რამეთუ მარჯულ ჩემსა არს, რაჲთა არა შევიძრა.

Verse: 9  Link to mcat Link to sept Link to armat   ამისთჳს იხარებდეს გული ჩემი და გალობდეს ენაჲ ჩემი, უფროჲს ჴორცთაცა ჩემთა დაიმკჳდრონ სასოებით.

Verse: 10  Link to mcat Link to sept Link to armat   რამეთუ არა დაუტეო სული ჩემი ჯოჯოხეთს, არცა იხილონ ჴორცთა ჩემთა განსახრწნელი.

Verse: 11  Link to mcat Link to sept Link to armat   მიჩუენენ მე, უფალო, გზანი შენნი ცხორებისანი და აღმავსენ ჩუენ სიხარულითა პირისა შენისაჲთა, სიტკბოებითა და შუენიერებითა მარჯუენისა შენისაჲთა სრულიად.


Next part


This text is part of the TITUS edition of Biblia Iberica: Psalterium et Odae.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.