TITUS
Biblia Iberica: Psalterium et Odae
Part No. 72
Previous part

Chapter: 72 
Verse: 1  Link to mcat Link to sept Link to armat   ვითარ კეთილ არს ისრაელისა ღმერთი გულითა წრფელთა.

Verse: 2  Link to mcat Link to sept Link to armat   ხოლო ჩემი კნინღა და შემიძრწუნდეს ფერჴნი ჩემნი, მცირედღა და შემიცთებოდეს სლვანი ჩემნი.

Verse: 3  Link to mcat Link to sept Link to armat   რამეთუ მშურდა მე უკეთურთაჲ და მშჳდობასა ცოდვილთასა ვხედევდ.

Verse: 4  Link to mcat Link to sept Link to armat   რამეთუ არა არს შეცოდებაჲ, სიკუდილისა მათისაჲ, განმტკიცებულ არიან გუემანი მათნი;

Verse: 5  Link to mcat Link to sept Link to armat   შრომასა კაცთა თანა არა შურებიან და იგინი კაცთაებრ არა იტანჯნენ.

Verse: 6  Link to mcat Link to sept Link to armat   ამისთჳს შეიპყრნა იგინი ამპარტავანებამან მათმან სრულიად, შეიმოსოს უღმრთოებაჲ და სიცრუე.

Verse: 7  Link to mcat Link to sept Link to armat   და გამოჴდეს ვითარცა ცმელისაგან სიცრუენი მათნი რამეთუ ვიდოდეს იგინი ზრახვითა გულისა მათისაჲთა.

Verse: 8  Link to mcat Link to sept Link to armat   იზრახეს და თქუეს უკეთურებაჲ და სიცრუესა მაღლად რაჲ იტყოდეს.

Verse: 9  Link to mcat Link to sept Link to armat   დასხნეს ცათა შინა პირნი მათნი, და ენაჲ მათი ეთრია ქუეყანასა ზედა.

Verse: 10  Link to mcat Link to sept Link to armat   ამისთჳს მოიქცეს ერი ჩემი აქავე და დღენი სრულნი იპოვნენ მათ თანა.

Verse: 11  Link to mcat Link to sept Link to armat   და ვთქუ: ვითარ-მე აგრძნა ესე ღმერთმან? ანუ არს-მე მეცნიერებაჲ მაღლისა თანა?

Verse: 12  Link to mcat Link to sept Link to armat   აჰა ესერა ცოდვილნი ესრეთ წარმომართებულ არიან, დგანან და უპყრია სიმდიდრე სოფლისაჲ.

Verse: 13  Link to mcat Link to sept Link to armat   და ვთქუ: ცუდად სამე განვიმართლე თავი ჩემი, დავიბანენ სიწმიდითა ჴელნი ჩემნი.

Verse: 14  Link to mcat Link to sept Link to armat   ვიყავ მე ტანჯულ ყოველსა დღესა და მხილებაჲ ჩემი განთიად.

Verse: 15  Link to mcat Link to sept Link to armat   და ვთქუ: ვითარ-მე უთხრა ესე: აჰა ესერა ნათესავსა შვილთა შენთასა აღუთქუ?

Verse: 16  Link to mcat Link to sept Link to armat   გულსა მომიჴდა და ვთქუ, ვითარმედ: ესეცა შრომავე არს ჩემ წინაშე,

Verse: 17  Link to mcat Link to sept Link to armat   ვიდრემდის შევიდე მე სიწმიდესა ღმრთისასა და გულისჴმა-ვყო აღსასრული მათი.

Verse: 18  Link to mcat Link to sept Link to armat   ხოლო ზაკვისა მათისათჳს დასთრგუნენ და დაამჴუენ იგინი ამპარტავანებითა მათითა.

Verse: 19  Link to mcat Link to sept Link to armat   ვითარღა იქმნეს იგინი მოსაოჴრებელად მყისსა მისა? შეიმუსრნეს, მოაკლდეს და წარწყმდეს უსჯულოებითა მათითა .

Verse: 20  Link to mcat Link to sept Link to armat   იქმნეს იგინი, ვითარცა სიზმარნი განღჳძებულთანი; უფალო, ქალაქსა შენსა წერილი ხატისა მათისაჲ შენ შეურაცხ-ჰყავ.

Verse: 21  Link to mcat Link to sept Link to armat   რამეთუ ცეცხლებრ აღტყდა გული ჩემი, და თირკუმელნი ჩემნი იცვალნეს.

Verse: 22  Link to mcat Link to sept Link to armat   მე შეურაცხ ვიქმენ და არა გულისჴმა-ვყავ ვითარცა პირუტყუი შევირაცხე მე შენ წინაშე.

Verse: 23  Link to mcat Link to sept Link to armat   და მე მარადის შენ თანა ვარ; მიპყარ ჴელი მარჯუენე ჩემი.

Verse: 24  Link to mcat Link to sept Link to armat   და ზრახვათა შენთა მიძღოდე მე, დიდებითა შენითა შემიწყნარე მე.

Verse: 25  Link to mcat Link to sept Link to armat   რაჲ ძეს ჩემი ცათა შინა? ანუ შენგან რაჲ ვითხო[ო] ქუეყანასა ზედა?

Verse: 26  Link to mcat Link to sept Link to armat   მოაკლდა გულსა ჩემსა და ჴორცთა ჩემთა ღმერთი გულისა ჩემისაჲ, ნაწილ ჩემდა არს ღმერთი უკუნისამდე.

Verse: 27  Link to mcat Link to sept Link to armat   რამეთუ არა ესერა რომელთა განიშორნეს თავნი თჳსნი შენგან, იგინი წარწყმდეს. და მოისრნეს ყოველნი, რომელნი განგიდგეს შენგან.

Verse: 28  Link to mcat Link to sept Link to armat   ხოლო ჩემი მიახლებაჲ ღმრთისა კეთილ არს; და დადებად უფლისა მიმართ სასოებაჲ ჩემი, მითხრობაჲ ყოველი ქებულებაჲ შენი ბჭეთა ასულისა სიონისათა.


Next part


This text is part of the TITUS edition of Biblia Iberica: Psalterium et Odae.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.