TITUS
Biblia Iberica: Psalterium et Odae
Part No. 102
Previous part

Chapter: 102 
Verse: 1  Link to mcat Link to sept Link to armat   აკურთხევს სული ჩემი უფალსა და ყოველი გონებაჲ ჩემი სახელსა წმიდასა მისსა.

Verse: 2  Link to mcat Link to sept Link to armat   აკურთხევდ. სულო ჩემო, უფალსა და ნუ დაივიწყებ ყოველსა მოცემულსა მისსა,

Verse: 3  Link to mcat Link to sept Link to armat   რომელმან მოგიტევნა შენ ცოდვანი შენნი და რომელმან განკურნა ყოველი სნეულებაჲ შენი;

Verse: 4  Link to mcat Link to sept Link to armat   რომელმან იჴსნა განჴრწნისაგან ცხორებაჲ შენი და გჳრგჳნოსან-გყო შენ წყალობითა და შეწყნარებითა;

Verse: 5  Link to mcat Link to sept Link to armat   რომელმან აღავსო კეთილითა ნებაჲ შენი თა განაახლა, ვითარცა ორბისა, სიჭაბუკე შენი.

Verse: 6  Link to mcat Link to sept Link to armat   ყვნის წყალობანი უფალმან და სამართალნი მისნი ყოველთათჳს დაწუნებულთა.

Verse: 7  Link to mcat Link to sept Link to armat   უჩუენნა გზანი მისნი მოსეს და ძეთა ისრაელისათა - მცნებანი მისნი.

Verse: 8  Link to mcat Link to sept Link to armat   შემწყნარებელ და მოწყალე არს უფალი, სულგრძელ და დიდად მოწყალე.

Verse: 9  Link to mcat Link to sept Link to armat   არა სრულიად განრისხნეს უფალი, არცა უკუნისამდე დაჰმარხოს მანკიერებაჲ;

Verse: 10  Link to mcat Link to sept Link to armat   არა ცოდვათა ჩუენთაებრ მიყოს ჩუენ უფალმან, არცა ურჩულოებათა ჩუენთაებრ მომაგოს ჩუენ.

Verse: 11  Link to mcat Link to sept Link to armat   რამეთუ რავდენ მაღალ არიან ცანი ქუეყანისაგან, ეგრე განაძლიერა უფალმან წყალობაჲ მისი მოშიშთა მისთა ზედა;

Verse: 12  Link to mcat Link to sept Link to armat   რავდენ განშორებულ არიან აღმოსავალნი დასავალსა, ეგრეთ განმაშორენ ჩუენგან ურჩულოებანი ჩუენნი.

Verse: 13  Link to mcat Link to sept Link to armat   ვითარცა ეწყალიან მამასა შვილნი, სწყალობნ უფალი მოშიშთა მისთა.

Verse: 14  Link to mcat Link to sept Link to armat   რამეთუ მან უწყის დაგადებაჲ ჩუენი; მოიჴსენა, რამეთუ მიწანი ვართ.

Verse: 15  Link to mcat Link to sept Link to armat   კაცისანი ვითარცა თივა არიან დღენი მისნი და ვითარცა ყუავილი ველისაჲ, ეგრე ყუავინ;

Verse: 16  Link to mcat Link to sept Link to armat   ჰბეროს მას ქარმან, არღარა იყოს, არცაღა ჩნდეს ადგილი მისი.

Verse: 17  Link to mcat Link to sept Link to armat   ხოლო წყალობაჲ უფლისაჲ უკუნითი უკუნისამდე მოშიშთა მისთა ზედა, და სიმართლე მისი - შვილითი შვილამდე,

Verse: 18  Link to mcat Link to sept Link to armat   რომელთა დაიმარხნენ აღთქუმანი მისნი, მოიჴსენნენ მცნებანი მისნი და ყვნენ იგინი.

Verse: 19  Link to mcat Link to sept Link to armat   უფალმან ზეცას განუმზადა საყდარი მისი, და სუფევაჲ მისი ყოველთა ზედა ეუფლების.

Verse: 20  Link to mcat Link to sept Link to armat   აკურთხევდით უფალსა ყოველნი ანგელოზნი მისნი, ძლიერნი ძალითა, რომელნი ჰყოფენ სიტყუათა მისთა, სმენად ჴმაჲ ბრძანებისა მისისაჲ.

Verse: 21  Link to mcat Link to sept Link to armat   აკურთხევდით უფალსა ყოველნი ძალნი მისნი, მსახურნი მისნი, რომელნი ჰყოფთ ნებათა მისთა.

Verse: 22  Link to mcat Link to sept Link to armat   აკურთხევდით უფალსა ყოველნი ქმნულნი მისნი ყოველსა ადგილსა უფლებისა მისისასა; აკურთხევს სული ჩემი უფალსა.


Next part


This text is part of the TITUS edition of Biblia Iberica: Psalterium et Odae.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.