TITUS
Biblia Iberica: Psalterium et Odae
Part No. 139
Previous part

Chapter: 139 
Verse: 2  Link to mcat Link to sept Link to armat   განმარინე მე, უფალო, კაცსა უკეთურსა, კაცისა ცრუჲსა და მზაკუვარისაგან მიჴსენ მე,

Verse: 3  Link to mcat Link to sept Link to armat   რომელთა ზრახეს უშჯულოებაჲ გულითა მათითა, ყოველსა დღესა განვმზადებიედ ბრძოლად;

Verse: 4  Link to mcat Link to sept Link to armat   აღილესნეს ენანი მათნი ვითარცა გუელისანი, და გესლი ასპიტთაჲ ბაგეთა მათთა.

Verse: 5  Link to mcat Link to sept Link to armat   მიცევ მე, უფალო, ჴელისაგან ცოდვილისა და კაცისა უკეთურისაგან მიჴსენ მე, რომელთა ზრახეს დაპკოლებაჲ სლვათა ჩემთაჲ;

Verse: 6  Link to mcat Link to sept Link to armat   და დამირწყუეს მე ამპარტავანთა მახჱ, საბელი განჰმზადეს მახედ ფერჴთა ჩემთა და გარემო ალაგთა ჩემთა ხაცთური დამიდგეს მე.

Verse: 7  Link to mcat Link to sept Link to armat   ვარქუ უფალსა: ღმერთი ჩემი ხარი შენ, ისმინე, უფალო, ჴმაჲ ლოცვისა ჩემისაჲ.

Verse: 8  Link to mcat Link to sept Link to armat   უფალო, უფალო, ძალო ცხორებისა ჩემისაო, მფარველ მეყავ თავსა ჩემსა დღესა ბრძოლისასა.

Verse: 9  Link to mcat Link to sept Link to armat   ნუ მიმცემ მე გულის-თქუმასა ცოდვილთასა, რამეთუ ზრახეს ჩემთჳს; ნუ დამაგდებ მე, რაჲთა არა აღმაღლდენ. ზრახვანი მათნი ნუ აღესრულნენ.

Verse: 10  Link to mcat Link to sept Link to armat   თავსა დასასრულისა მათისასა შრომამან ბაგეთა მათთამან დაჰფარნეს იგინი.

Verse: 11  Link to mcat Link to sept Link to armat   დავცემოდის მათ ზედა ნაკუერცხალი ცეცხლისაჲ, დაემჴუნენ იგინი და გლახაკებასა ვერ დაუდგენ.

Verse: 12  Link to mcat Link to sept Link to armat   კაცსა ენოვანსა არა წარემართოს ქუეყანასა ზედა, კაცი ცრუჲ ძჳრმან მოინადიროს განსაჴრწნელად.

Verse: 13  Link to mcat Link to sept Link to armat   უწყი, რამეთუ ყოს უფალმან საშჯელი გლახაკისაჲ და სამართალი დავრდომილთათჳს.

Verse: 14  Link to mcat Link to sept Link to armat   ხოლო მართალთა აღუვარონ სახელსა შენსა, და დაიმკჳდრონ წრფელთა წინაშე პირსა შენსა.


Next part


This text is part of the TITUS edition of Biblia Iberica: Psalterium et Odae.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.