TITUS
Antiochos Strategos, Expugnatio Hierosolymae
Part No. 18
Previous part

Chapter: XVII  
Paragraph: 1  
Line of ed.: 3       და კუალად სხუაჲ-ცა საქმჱ სატირელი იხილეს
Line of ed.: 4    თუალთა ჩემთა. რამეთუ იყვნეს ორნი ვინმე ყრმანი ჴორციელად
Line of ed.: 5    ძმანი და მარჩბივად შობილნი ერთსა შინა ჟამსა, და
Line of ed.: 6    ესენი ტყუე იქმნნეს წმიდით ქალაქით. 2. და საქმჱ განსაკჳრვებელი
Line of ed.: 7    გუესმა მათთჳს რომელსა მშობელნი და მახლობელნი
Line of ed.: 8    იტყოდეს მათთჳს, ვითარმედ დიდი სიყუარული იყო
Line of ed.: 9    ყრმათა მათ შორის, ვიდრემდის \ურთიერთას განშორებასა
Line of ed.: 10    ჟამ ერთ-ცა ვერ შეუძლებდეს, რამეთუ ერთსა შინა დღესა
Line of ed.: 11    იყო შობაჲ მათი და ერთსა შინა დღესა ნათლის-ღებაჲ მათი.
Line of ed.: 12    და ერთად დედაჲ მათი ზრდიდა მათ, და ერთი იყო სარეცელი
Line of ed.: 13    მათი; და ერთმან მათგანმან არა მიიღის ძუძუჲ უკუეთუ
Line of ed.: 14    მეორემან არა მიიღის, და არცა უწინარეს ძმისა თჳსისა ჭამის
Line of ed.: 15    რაჲმე, და არცა თითოეულსა მათგანსა უჩნდა სამოსელი
Line of ed.: 16    თჳსაგან, არამედ ზოგად იყო ყოველი-ვე მათი, საზრდელი
Line of ed.: 17    და სამოსელი; და ვერ შეუძლებდა თითოეული მათი
Line of ed.: 18    ვითარ-მცა ჟამ ერთ-ცა განეშორა ძმასა თჳსსა სიყუარულისა
Line of ed.: 19    მისგან. და ამას ყოველსა საწყალობელი იგი დედაჲ მათი
Line of ed.: 20    ცრემლით და გოდებით გჳთხრობდა ჩუენ. 3. და ვითარ
Line of ed.: 21    აღიზარდნეს ყრმანი იგი და იქმნნეს ათის წლის, იგი-ვე
Line of ed.: 22    სიყუარული იყო მათ შორის და იყვნეს იგინი შეერთებულ
Line of ed.: 23    ურთიერთას ვითარცა ერთი სული განყოფილი ორთა შინა
Line of ed.: 24    გუამთა; და უკუეთუ ერთი მათგანი ტირნ, მეორეცა იგი
Line of ed.: 25    ტირნ; \და უკუეთუ ერთი მათგანი იცინინ, მეორეცა იგი
Line of ed.: 26    იცინინ; და იყო მათ შორის სიყუარული რომელსა ვერვინ
Line of ed.: 27    შემძლებელ არს მითხრობად. Paragraph: 4   არამედ ისმინეთ რაჲ იგი
Line of ed.: 28    შეემთხჳა მათ, და გოდებდით მათთჳს; და ვინმე არა
Page of ed.: 54   Line of ed.: 1    ტიროდის და ვინმე არა წუხდეს, რაჟამს ესმას საქმჱ მათი?
Line of ed.: 2    რამეთუ ოდეს იქმნნეს ყრმანი იგი ათერთმეტის წლის,
Line of ed.: 3    მოიწია რისხვაჲ იგი საშინელი და წარიტყუენნეს შუენიერნი
Line of ed.: 4    ესე კრავნი, და განაშორნეს ურთიერთას ვითარცა მართუენი
Line of ed.: 5    ტრედისანი; და არა ხოლო ერთი-ერთსა განაშორეს, არამედ
Line of ed.: 6    მშობელთა-ცა პირნი არღარა იხილნეს. Paragraph: 6   ხოლო რაჟამს
Line of ed.: 7    განეშორებოდეს ურთიერთას, საქმჱ საგლოველი იხილვებოდა
Line of ed.: 8    მათ შორის; რამეთუ ძმაჲ ძმასა მოხუეულ იყო და სისხლისა
Line of ed.: 9    ცრემლი დასდიოდა თუალთა მათთა. Paragraph: 7   მაშინ მტერნი იგი
Line of ed.: 10    ბოროტნი იძულებით \და უნებლიაჲთ განაშორებდეს მათ;
Line of ed.: 11    და ვითარ ერთი ერთსა შეეკრძალა და არა განეშორებოდეს,
Line of ed.: 12    მაშინ უკეთურთა მათ იწყეს ცემად მათა და უნებლიაჲთ
Line of ed.: 13    განჭრნეს იგინი. Paragraph: 8   ხოლო მათ აღუტევეს ჴმაჲ ღაღადებისაჲ
Line of ed.: 14    ტირილითა დიდითა და გოდებითა მრავლითა, ვიდრემდის
Line of ed.: 15    ქუეყანაჲ-ცა ეგლოვდა მათ. Paragraph: 9   ხოლო სპარსთა მათ წარიტაცნეს
Line of ed.: 16    იგინი, ერთი აღმოსავალით კერძო და ერთი დასავალით, და
Line of ed.: 17    მშჳდობისა დატევებად არღარა უტევნეს განშორებასა მათსა;
Line of ed.: 18    და იქმნეს მსგავს იოსებისა, რომელი იგი განეშორა მამასა
Line of ed.: 19    თჳსსა და ძმათა. Paragraph: 10   და შემდგომად ამისა კუალად განახლდა
Line of ed.: 20    მწუხარებაჲ იგი მათი, რომელ დაშრეტილ იყო; რამეთუ
Line of ed.: 21    იხილა ძმამან ძმაჲ თჳსი წამ ერთ სლვასა შინა შემდგომად
Line of ed.: 22    დღეთა მრავალთა. Paragraph: 11   და ვინმე ჰგონებდა შეკრებასა მათსა,
Line of ed.: 23    რამეთუ, ცოცხლივ, ვითარცა მკუდარნი დავიწყებულ იყვნეს?

Paragraph: 12  
Line of ed.: 24    და გზასა მას ტყუეობისასა, ვითარცა საფლავით გამოსრულნი,
Line of ed.: 25    მიმოდაიხედვიდეს მარჯუნ და მარცხნ, რათა-მცა სამე
Line of ed.: 26    იხილა ძმამან ძმაჲ თჳსი. Paragraph: 13   არამედ ვინაჲ შესაძლებელ იყო
Line of ed.: 27    ესე? რამეთუ არა ერთსა გზასა მიჰყვანდეს იგინი, და არცა-ღა
Line of ed.: 28    იყვნეს მკჳრცხლ-მავალ, არამედ სხდეს იგინი ცხენთა ზედა,
Line of ed.: 29    და სწრაფით ავლინებდეს მათ, და ვერ ეგებოდა დგომით
Line of ed.: 30    მოკითხვაჲ მათი ურთიერთას. Paragraph: 14   და ვითარ იყვნეს იგინი
Page of ed.: 55   Line of ed.: 1    ცხენთა ზედა მსხდომარე და ჰყვანდეს იგინი მტერთა მათ,
Line of ed.: 2    მიხედა ერთმან მათგანმან ძმასა თჳსსა; და ვითარ იცნა
Line of ed.: 3    იგი, აღიმაღლა ჴმაჲ თჳსი და იწყო ჴმობად მისა ტირილითა
Line of ed.: 4    დიდითა და ეტყოდა: "გაფუცებ შენ, ყრმაო, სახელსა უფლისასა
Line of ed.: 5    იესუ ქრისტესსა, რათა მითხრა მე უკუეთუ ხარ შენ
Line of ed.: 6    იერუსალჱმელი წმიდისა მის ქალაქისაჲ და ძე იოანე წარჩინებულისაჲ".

Paragraph: 15  
Line of ed.: 7    მიუგო მეორემან მან და ჰრქუა მას ტირილით:
Line of ed.: 8    მე ვარ ძე იოანესი იერუსალჱმელისაჲ და ძმაჲ შენი".

Paragraph: 16  
Line of ed.: 9    მაშინ ორთა-ვე აღიმაღლეს ჴმაჲ მათი ტირილითა დიდითა,
Line of ed.: 10    და ერთი-ერთსა უკუღმართ იხედვიდეს, და პირთა მათთა
Line of ed.: 11    იცემდეს, და ღაღადებდეს საწყალობელითა ჴმითა. Paragraph: 17   და ვერ
Line of ed.: 12    შეუძლეს მოკითხვაჲ თავთა მათთაჲ ურთიერთას, რამეთუ
Line of ed.: 13    უფალნი მათნი აყენებდეს დადგომად გინა გარდასლვად
Line of ed.: 14    საჴედართაგან, არამედ სწრაფითა დიდითა და სრბით;
Line of ed.: 15    ცხენთა მათთა ავლინებდეს. Paragraph: 18   მაშინ, ძმანო ჩემნო,
Line of ed.: 16    ქვანი-ცა უსულონი ჴმა-სცემდეს და ტიროდეს გოდებასა მათსა
Line of ed.: 17    ზედა; რამეთუ ერთი იგი ძმაჲ ერთსა მას უჴმობდა მრჩობლითა
Line of ed.: 18    ტირილითა და ეტყოდა; "გევედრები შენ, ძმაო ჩემო, მგებდ
Line of ed.: 19    მე მცირედ, რათა გიხილო შენ და ნუგეშინის-ვიცე ჭირთაგან
Line of ed.: 20    ჩემთა; მომელოდე მე კნინ ერთი; გაფუცებ ძესა ღმრთისასა
Line of ed.: 21    მოიჴსენე ძუძუჲ იგი რომელსა \ერთად ვწოვდით, და
Line of ed.: 22    მგებდრე, რათა ვიხილო პირი შენი და ამბორს-გიყო და
Line of ed.: 23    მოგიკითხო და მერმე წარხჳდე მშჳდობით". Paragraph: 19   მიუგო
Line of ed.: 24    მეორემან მან ძმამან და ჰრქუა: "ვინაჲ შემძლებელ ვარ მე,
Line of ed.: 25    ძმაო ჩემო, მოლოდებად შენდა? რამეთუ ხედვით-ცა არა
Line of ed.: 26    მიფლიეს ხილვაჲ შენი, და სიტყჳსა-ცა მიგებად არა მიტევებენ
Line of ed.: 27    მე, და არა მაქუს მე ჴელმწიფებაჲ დგომისაჲ გებად
Line of ed.: 28    შენდა; რამეთუ არღარა ვარ მე თავისუფალ, არამედ მონა.

Paragraph: 20  
Page of ed.: 56   Line of ed.: 1    წარვედ, ძმაო ჩემო, წარვედ; და უფალმან ნუგეშინის-ეცინ
Line of ed.: 2    სულსა შენსა, და უფალმან მოეცინ მოთმინებაჲ გულსა შენსა,
Line of ed.: 3    და მეცა მომეცინ; რამეთუ ამიერითგან არღარა ვიხილო პირი
Line of ed.: 4    შენი; განმეშორე მე პირველად, და აწ გიხილე წამ ერთ;
Line of ed.: 5    ხოლო ამიერითგან განგეშორო საუკუნოდ, რომელი ფრიად
Line of ed.: 6    უმწარეს არს პირველისა. Paragraph: 21   არამედ ვესავ იესუ ქრისტესა,
Line of ed.: 7    ძესა ღმრთისასა, რათა გიხილო შენ დღესა მას საუკუნესა და
Line of ed.: 8    ნუგეშინის-ვიცე. მშჳდობაჲ შენდა, ძმაო ჩემო საყუარელო,
Line of ed.: 9    მშჳდობაჲ შენდა; უფალი იყავნ შენ თანა, რომელი იგი
Line of ed.: 10    შემძლებელ არს შეკრებად ჩუენდა, და მას მხოლოსა უფლიეს
Line of ed.: 11    რათა მიჩუენოს მე პირი შენი; რამეთუ ფრიად მოწყალე არს
Line of ed.: 12    იგი". Paragraph: 22   ამათ სიტყუათა ეტყოდა ერთი იგი ძმაჲ მეორესა [!]
Line of ed.: 13    მას ტირილითა დიდითა, და მერმე განეშორა მას, და მიეფარა
Line of ed.: 14    თუალთაგან მისთა, და არღარა იხილა იგი; და მიუთხრობელი
Line of ed.: 15    მწუხარებაჲ აქუნდა გულთა მათთა და მრჩობლი ტკივილი,
Line of ed.: 16    რამეთუ ოდეს ჰგონებდეს რათა-მცა განძღეს სიყუარულითა
Line of ed.: 17    ძმობისაჲთა ურთიერთას, მაშინ განეშორნეს საუკუნოდ
Line of ed.: 18    დაწყლულნი გონებითა.

Next part


This text is part of the TITUS edition of Antiochos Strategos, Expugnatio Hierosolymae.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.