TITUS
Antiochos Strategos, Expugnatio Hierosolymae
Part No. 19
Previous part

Chapter: XVIII  
Paragraph: 1  
Line of ed.: 19       ესე სიტყუანი ვიდრე აქამომდე მიგითხრენ, რაჲ იგი
Line of ed.: 20    იქმნა იერუსალჱმს შინა და გზასა მას ტყუეობისასა. ხოლო
Line of ed.: 21    ამიერითგან გაუწყო თქუენ ვითარ იყო შესლვაჲ ჩუენი
Line of ed.: 22    სპარსეთად, და რაბამი მწუხარებაჲ დაეცა შვილთა ღმრთისათა
Line of ed.: 23    და განახლდა მწუხარებაჲ, ტკივილი და გლოვაჲ მათი. 2. რამეთუ
Line of ed.: 24    უწინარეს შესლვისა ჩუენისა ბაბილონდ შემაყენნეს ჩუენ
Line of ed.: 25    ადგილსა ერთსა მოზღუდვილსა, ფრიად ვრცელსა; და მერმე
Line of ed.: 26    მოიღეს ჯუარი იგი ქრისტესი, ძელი ცხორებისა ჩუენისაჲ, და
Line of ed.: 27    დადვეს ზღურბლსა ზედა მის ბჭისასა რომელი შევიდოდა
Line of ed.: 28    მოზღუდვილსა მას. 3. მაშინ მოვიდეს მტერნი იგი ბოროტნი
Line of ed.: 29    და იწყეს შეპყრობად მორწმუნეთა, ვითარცა კრავთა ბაკისაგან
Line of ed.: 30    გამოიყვანებდეს სწრაფითა დიდითა და იტყოდეს: "დათრგუნეთ
Page of ed.: 57   Line of ed.: 1    ჯუარი ესე თქუენი რომელსა ესავთ; უკუეთუ არა,
Line of ed.: 2    მოგწყჳდნეთ და მივსცნეთ ჴორცნი თქუენნი შესაჭმელად
Line of ed.: 3    ძაღლთა". Paragraph: 4   ჵ ძმანო ჩემნო, ვითარი მწუხარებაჲ მოიწია
Line of ed.: 4    ჩუენ ზედა! რამეთუ რომელი სიტყუასა მათსა დაემორჩილებოდა
Line of ed.: 5    და ჯუარსა მას საუფლოსა ფერჴითა დასთრგუნვიდა,
Line of ed.: 6    მოკუდებოდა იგი სულითა საუკუნოდ; და რომელი არა
Line of ed.: 7    დაემორჩილებოდა ბრძანებასა [!] მათსა, მოიკლვოდა იგი მახჳლითა
Line of ed.: 8    ჴორციელად და ცხონდებოდა იგი სულითა საუკუნოდ.

Paragraph: 5  
Line of ed.: 9    და ესრეთ ჰყოფდეს უღმრთონი იგი და უწყალონი;
Line of ed.: 10    რამეთუ დგეს იგინი ბჭეთა ზედა და მახჳლი ჴდილი ჴელთა
Line of ed.: 11    მათთა, და მოჰსრვიდეს მორწმუნეთა უფლისათა. Paragraph: 6   ხოლო
Line of ed.: 12    უვარის-მყოფელთა მათ აცხოვნებდეს, არამედ არა მრავალნი
Line of ed.: 13    დაემორჩილნეს \სიტყუასა მას უღმრთოებისა მათისასა ვითარ-მცა
Line of ed.: 14    განვლეს ბჭჱ იგი, და შეურაცხ-ყვეს ჯუარი იგი ქრისტესი
Line of ed.: 15    უვარის-ყოფით, არამედ მცირედნი და უსუსურნი გონებითა.

Paragraph: 7  
Line of ed.: 16    ხოლო უმრავლესი ერისაჲ მის მოსწყდებოდა ქრისტესთჳს
Line of ed.: 17    და აღირჩევდეს სიკუდილსა \ვიდრეღა არა ჯუარისა
Line of ed.: 18    მისსა ფერჴითა დატკებნასა; და მამანი და დედანი მჴნდებოდეს
Line of ed.: 19    და მოწამე უფლისა იქმნებოდეს, რამეთუ სადა
Line of ed.: 20    განმრავლდიან სატანჯველნი, მუნ უფროჲსად გარდაემატის
Line of ed.: 21    განსუენებაჲ მოღუაწებითა. Paragraph: 8   მაშინ, ძმანო ჩემნო, დიდი
Line of ed.: 22    გლოვაჲ და უზომოჲ ტკივილი ჩუენ ყოველთა ზედა მოიწეოდა.
Line of ed.: 23    რამეთუ მიწევნასა მას ჩუენსა ბაბილოვნად არა თუ მდინარესა
Line of ed.: 24    მას ზედა ბაბილოვნისასა მიმიყვანნეს ჩუენ, არამედ მდინარესა
Line of ed.: 25    მას სპარსეთისასა; და არა თუ საბანელსა მას განსაწმედელსა
Line of ed.: 26    მიმცნეს ჩუენ, არამედ მდინარესა მას სისხლისასა
Line of ed.: 27    შემთხინეს ჩუენ; და არა თუ მეფისა ქრისტეანისა, არამედ
Line of ed.: 28    სპარსთა მეფისა წინაშე წარმადგინნეს ჩუენ, რომელსა ერქუა
Line of ed.: 29    ხუასრო; არა თუ სამებისა წმიდისა აღმსაარებელთა თანა
Page of ed.: 58   Line of ed.: 1    მივიწიენით, არამედ სამებისა წმიდისა უვარის-მყოფელთა თანა
Line of ed.: 2    შევირაცხენით ცოდვითა ჩუენითა. Paragraph: 9   ხოლო ნეტარი ზაქარია
Line of ed.: 3    პატრიაკი, ვითარცა მოიწია ბჭეთა მათ თანა, მოეჴსენა მას
Line of ed.: 4    ტყუეობაჲ იგი ძეთა ისრაჱლისათაჲ და თქუა: "კურთხეულ
Line of ed.: 5    არს უფალი რომელმან ყოველი-ვე რომელი იყო დღეთა მათ
Line of ed.: 6    პირველთა და ერისა მის ისრაჱლისათა და ჟამთა მათცა
Line of ed.: 7    მოსესთა მოაწია ესე ჩუენ ზედა-ცა". Paragraph: 10   მაშინ ევედრა კაცი
Line of ed.: 8    იგი ღმრთისაჲ სპარსთა მათ რათა განუტევონ ერი იგი ჟამ
Line of ed.: 9    ერთ და დააცხრვონ ტანჯვაჲ მათი; და ვითარცა ყვეს ესე,
Line of ed.: 10    ბრძანა ნეტარმან მან რათა შეკრბენ ყოველნი მღდელნი და
Line of ed.: 11    დიაკონნი და მონაზონნი; და ვითარცა შეკრბეს იგინი, დადგა
Line of ed.: 12    იგი-ცა შორის მათსა და თაყუანის-სცა აღმოსავალით კერძო,
Line of ed.: 13    და ყოველთა ერთობით თაყუანის-სცეს უფალსა. Paragraph: 11   და
Line of ed.: 14    ვითარცა აღემართნეს ლოცვისა მისგან, ბრძანა წმიდამან მან
Line of ed.: 15    რათა წართქუნენ სამნი ფსალმუნნი დავითისნი გალობით:
Line of ed.: 16    პირველი ფსალმუნი ას და მეცხრამეტე; "ჭირსა ჩემსა უფლისა
Line of ed.: 17    მიმართ ღაღად-ვყავ და ისმინა ჩემი"; და მეორე ფსალმუნი
Line of ed.: 18    ას და მეოცჱ: "აღვიხილენ თუალნი ჩემნი მთათა ვინაჲ მოვიდეს
Line of ed.: 19    შეწევნაჲ ჩემი"; და მესამე ფსალმუნი ას და მეჩჳდმეტჱ:
Line of ed.: 20    "ჭირსა ჩემსა ვხადე უფალსა; ისმინა ჩემი და გამომიყვანა მე
Line of ed.: 21    ფართოდ"; და იყო ფსალმუნებაჲ მათი ტირილითა დიდითა
Line of ed.: 22    და გოდებითა მრავლითა, და თითოეული მათი მწუხარებით
Line of ed.: 23    იტყოდა თითოეულსა ფსალმუნსა. Paragraph: 12   იწყო ნეტარმან
Line of ed.: 24    ზაქარია ფსალმუნებად და იტყოდა: "ვაჲ მე, რამეთუ განმიგრძდა
Line of ed.: 25    მე მწირობაჲ ჩემი და დავემკჳდრე მე მყოფთა თანა
Line of ed.: 26    კედარისათა"; და სხუანი ვინმე იტყოდეს: "მიეწიფნეს
Line of ed.: 27    ფერჴნი ჩემნი დადგრომად ეზოთა შენთა, იერუსალჱმ"; და
Line of ed.: 28    სხუანი იტყოდეს; "რაჟამს მოაქცია უფალმან ტყუჱ სიონისაჲ
Page of ed.: 59   Line of ed.: 1    და ვიყვენით ჩუენ ნუგეშინის-ცემულ, მაშინ აღივსო
Line of ed.: 2    სიხარულითა პირი ჩუენი და ენაჲ ჩუენი გალობითა". Paragraph: 13   და
Line of ed.: 3    ვითარცა აღასრულეს ფსალმუნებაჲ ესე, აღვიდა ნეტარი ზაქარია
Line of ed.: 4    ადგილსა უმაღლესსა-რე და თქუა ალილუიაჲ რომელი მზისა
Line of ed.: 5    აღმოსლვისა ჟამსა თქჳან მონაზონთა; ესე თქუა ორგზის
Line of ed.: 6    \დასდებლითურთ; და ყოველმან ერმან ღაღად-ყო მსგავსად
Line of ed.: 7    მისა. Paragraph: 14   და მერმე იწყო ღაღადებად ჴმითა მწუხარებისაჲთა,
Line of ed.: 8    და ტირილით ეტყოდა ერსა მას; ხოლო მათ ვითარცა
Line of ed.: 9    იხილეს გოდებაჲ იგი პატრიაქისაჲ, იწყეს მათცა ღაღადებად
Line of ed.: 10    გოდებითა დიდითა. Paragraph: 15   მაშინ ნეტარმან მან მიყო ჴელი მისი
Line of ed.: 11    მდინარით კერძო და იტყოდა: "მდინარეთა ზედა ბაბილოვნისათა
Line of ed.: 12    მუნ დავსხედით და ვტიროდეთ რაჟამს მოვიჴსენეთ;
Line of ed.: 13    ჩუენ სიონი; უკუეთუ დაგივიწყო შენ, იერუსალჱმ, დამივიწყენ
Line of ed.: 14    მეცა მარჯუენემან შენმან". Paragraph: 16   და ვითარცა ესე თქუა,
Line of ed.: 15    აღიძრა ერი იგი გოდებად და ვერღარა თქუეს ალილუიაჲ იგი
Line of ed.: 16    მეორე, არამედ დაღონებით მოიდრიკეს თავი მათი ქუეყანად;
Line of ed.: 17    ხოლო მწყემსი იგი კეთილი წმიდაჲ ზაქარია ევედრებოდა
Line of ed.: 18    ქრისტესა ცრემლით და სულთქუმით. Paragraph: 17   და ვითარ
Line of ed.: 19    ერი იგი მრავალ ჟამ თავ-მოდრეკით ევედრებოდა
Line of ed.: 20    უფალსა, მაშინ ბრძანა რათა შეკრიბნენ ჩჩჳლნი ყრმანი შჳდით
Line of ed.: 21    წლითგანნი და უმრწამეს მათსა; და იყო რიცხჳ მათი
Line of ed.: 22    სამათას; ხოლო მტერთა მათ არა დააბრკოლნეს შეკრებად
Line of ed.: 23    მათა, არამედ ხედვიდეს თუ რაჲ-ძი ყონ. Paragraph: 18   და ვითარ
Line of ed.: 24    შეკრიბეს სიმრავლე იგი ყრმათაჲ, დადგა ნეტარი ზაქარია
Line of ed.: 25    აღმოსავალით კერძო განშორებულად-რე ერისა მისგან, და
Line of ed.: 26    დაადგინნა ყრმანი იგი წინაშე მისსა და ერი იგი უკუანა
Line of ed.: 27    კერძო მისა, და უბრძანა ყოველთა რათა ღაღადებდენ
Line of ed.: 28    უფლისა მიმართ ჴმითა მაღლითა და იტყოდიან; "ჵ უფალო
Page of ed.: 60   Line of ed.: 1    მოწყალეო, შეგჳწყალენ". Paragraph: 19   ხოლო პატრიაქმან აღიხილნა
Line of ed.: 2    თუალნი თჳსნი ზეცად და აღიპყრნა ჴელნი თჳსნი და
Line of ed.: 3    იტყოდა: "უფალო, არა მაქუს ჩუენ კადნიერებაჲ წინაშე
Line of ed.: 4    შენსა სიმრავლითა ცოდვათა ჩუენთაჲთა; რამეთუ ბაგენი
Line of ed.: 5    ჩუენნი შეგინებულ არიან, და ჴელნი ჩუენნი შებღალულ არიან,
Line of ed.: 6    და სულნი ჩუენნი და ენანი ჩუენნი არა წმიდა არიან, და
Line of ed.: 7    ბრალნი და ცოდვანი ჩუენნი დამძიმებულ არიან ჩუენ ზედა;
Line of ed.: 8    და არა მაქუს ჩუენ სიტყჳს-გებაჲ წინაშე შენსა ვედრებად
Line of ed.: 9    შენდა. Paragraph: 20   არამედ აწ, უფალო, შეიწირე ღაღადებაჲ ჩჩჳლთა
Line of ed.: 10    ამათ და უბიწოთა ყრმათაჲ, და შეიწირე ვედრებაჲ მათი
Line of ed.: 11    რომელნი წინაშე შენსა დგანან და ითხოვენ წყალობასა შენგან;
Line of ed.: 12    მიითუალე თხოვაჲ მათი და ჩუენ ყოველნი მეგჳწყალენ,
Line of ed.: 13    და ნუ იხილავ ცოდვათა ჩუენთა პირველთა, რამეთუ დღეს
Line of ed.: 14    გულნი ჩუენნი წმიდა არიან, და გესავთ შენ; ნუ გარე-მიიქცევ
Line of ed.: 15    პირსა შენსა ჩჩჳლთა ამათგან. Paragraph: 21   მოიჴსენე, უფალო, დარღუევაჲ
Line of ed.: 16    ეკლესიათა შენთაჲ; მოიჴსენე, უფალო, მოოჴრებაჲ
Line of ed.: 17    სიონისაჲ; იხილე, უფალო, რასა ესე იქმან ჯუარისა შენისა
Line of ed.: 18    მიმართ და ვითარ შეურაცხებით დასთრგუნვენ ფერჴითა
Line of ed.: 19    მათითა, და ჩუენ-ცა მორწმუნეთა შენთა მაიძულებენ ყოფად
Line of ed.: 20    საქმისა მათისა. მოიჴსენე, უფალო, წმიდაჲ ადგომაჲ და ქალაქი
Line of ed.: 21    იგი სიწმიდისა შენისაჲ. Paragraph: 22   მოიჴსენე, უფალო, სიტყუაჲ იგი
Line of ed.: 22    რომელ არქუ მოწაფეთა შენთა, ვითარმედ: არა დაგიტევნე
Line of ed.: 23    თქუენ ობლად; და კუალად, უფალო, სთქუ; აჰა ესერა მე
Line of ed.: 24    თქუენ თანა ვარ ყოველთა დღეთა და ვიდრე უკუნისამდე.

Paragraph: 23  
Line of ed.: 25    შენ მხოლოჲ მოწყალე ხარ, უფალო, და შემნდობელ
Line of ed.: 26    ცოდვათა; ნუ დამშჯი, მონათა შენთა, და ნუ მომაგებ
Line of ed.: 27    ცოდვათა ჩუენთა ებრ; რამეთუ ფრიად განგარისხეთ შენ;
Line of ed.: 28    შეიწირე, უფალო, ვედრებაჲ ერისა შენისაჲ; აჰა ესერა ტყუეობასა
Line of ed.: 29    მიცემულ ვართ, უფალო, და ვდგათ წინაშე მტერთა
Line of ed.: 30    ჩუენთა; \შენ ხარ, უფალო, მწჱ ჭირვეულთაჲ; შენ ხარ,
Page of ed.: 61   Line of ed.: 1    უფალო, ნუგეშინის-მცემელი განწირულთაჲ და შემწყნარებელი
Line of ed.: 2    მოსავთა შენთაჲ". Paragraph: 24   ამათ სიტყუათა ვედრებისათა მწყემსი
Line of ed.: 3    იგი კეთილი უფლისა მიმართ იტყოდა; და ვითარ ჩჩჳლნი
Line of ed.: 4    იგი იტყოდეს კირიელეჲსონსა, მაშინ ჩუენ ყოველნი ვევედრებოდეთ
Line of ed.: 5    უფალსა შიშით და ძრწოლით. Paragraph: 25   რამეთუ
Line of ed.: 6    სიტყუაჲ იგი მოიწია სასმენელთა ჩუენთა, რომელსა განიზრახვიდა
Line of ed.: 7    ჩუენთჳს უშჯულოჲ იგი მეფჱ, რათა-მცა მიზიარნა
Line of ed.: 8    უშჯულოებასა თჳსსა; და ამისთჳს ვევედრებოდეთ უფალსა
Line of ed.: 9    რათა არა მისცეს ჴელმწიფებაჲ ბოროტსა მას მეფესა და მყვნეს
Line of ed.: 10    ჩუენ მსახურ კერპთა თჳსთა. Paragraph: 26   და მაშინ იწყო მამათ-მთავარმან
Line of ed.: 11    ზაქარია ნუგეშინის-ცემად ჩუენდა; აღაღო პირი თჳსი,
Line of ed.: 12    აღივსო სულითა წმიდითა და თქუა; უფალსა ღმერთსა
Line of ed.: 13    ჩუენსა დიდად მოწყალესა უყუარს მშჳდობაჲ სოფლისაჲ და
Line of ed.: 14    ჰნებავს ცხორებაჲ ცოდვილთაჲ და მოქცევაჲ მათი სინანულად,
Line of ed.: 15    და არა ჰნებავს სიკუდილი მათი და წარწყმედაჲ, არამედ
Line of ed.: 16    ჰგებს და მოელის მოქცევასა მათსა, და მორწმუნეთა თჳსთა
Line of ed.: 17    განაძლიერებს. Paragraph: 27   შვილნო ჩემნო, მოიჴსენეთ სიტყუაჲ იგი
Line of ed.: 18    უფლისაჲ რომელი ჰრქუა მოწაფეთა თჳსთა: რაჟამს მიგცნენ
Line of ed.: 19    თქუენ მეფეთა და ჴელმწიფეთა, ნუ ჰზრუნავთ ვითარმედ რაჲ
Line of ed.: 20    სიტყუაჲ მიუგოთ, რამეთუ უფალი ზეცათაჲ იტყოდის თქუენ
Line of ed.: 21    წილ მას ჟამსა შინა. Paragraph: 28   და აწ-ცა ნუ ჰზრუნავთ, რამეთუ
Line of ed.: 22    უფალი იტყოდის თქუენ წილ წინაშე მეფისა მის. Paragraph: 29   და
Line of ed.: 23    უკუეთუ-მცა კაცი იყო რომელმან იგი მიმცნა ჩუენ სატანჯველსა
Line of ed.: 24    ამას, ვწუხდით-მცა; ხოლო ვინაჲთგან უფალი არს რომელმან
Line of ed.: 25    მოაწია ტანჯვაჲ ესე ჩუენ ზედა, არა შევწუხნეთ არცა
Line of ed.: 26    სულმოკლე ვიქმნეთ, რამეთუ ჴელთა შინა მისთა არს სიკუდილი
Line of ed.: 27    და ცხორებაჲ, ვითარ იგი თქუა: მე მოვაკუდინი, მე ვაცხოვნი.

Paragraph: 30  
Line of ed.: 28    და უკუეთუ ქუეყანისა მეფჱ შემძლებელ არს ბრძანებისა
Page of ed.: 62   Line of ed.: 1    თჳსისა აღსრულებად, რაოდენ უფროჲს ზეცისა იგი მეუფჱ,
Line of ed.: 2    რომლისა ჴელთა შინა არს სიკუდილი და ცხორებაჲ, შემძლებელ
Line of ed.: 3    არს წამის-ყოფითა-ცა ბრძანებისა მისისა აღსრულებად. Paragraph: 31   არამედ
Line of ed.: 4    აწ სამთა მათ ყრმათა თანა ვიტყოდით: არს ღმერთი ჩუენი
Line of ed.: 5    ცათა შინა, რომელი შემძლებელ არს ჩუენდა განრინებად
Line of ed.: 6    სატანჯველთა ამათგან და ჴელთაგან-ცა მის მეფისათა.

Paragraph: 32  
Line of ed.: 7    აჰა ესერა, საყუარელნო შვილნო, ვითარცა უნდა უფალსა
Line of ed.: 8    ეგრე-ცა ყო; იყავნ სახელი მისი კურთხეულ უკუნისამდე.

Paragraph: 33  
Line of ed.: 9    აჰა ესერა მოვიწიენით ადგილსა ამას სადა იგი იყო
Line of ed.: 10    საჴუმილი ცეცხლისაჲ აღგზებულ სამთა მათ ყრმათათჳს; და
Line of ed.: 11    აწ მივიწინეთ ადგილსა მას საჴუმილისასა და ვიხილოთ
Line of ed.: 12    ჯურღმული იგი დანიელისი; და რაჟამს ადგილნი ესე წმიდათა
Line of ed.: 13    მოწამეთანი ვიხილნეთ. ვისწრაფოთ და მივემსგავსნეთ საქმეთა
Line of ed.: 14    მათთა. Paragraph: 34   არა შევძრწუნდეთ და არცა შევშინდეთ და არცა
Line of ed.: 15    მოვიწყინოთ სატანჯველი ესე; რამეთუ ქრისტე უფალი ჩუენი,
Line of ed.: 16    რომელი არს ცათა შინა, მოწყალე არს, და მან დაშრიტოს
Line of ed.: 17    საჴუმილი ცეცხლისაჲ და დაუყვნეს პირნი ლომთანი; Paragraph: 35   რამეთუ
Line of ed.: 18    რაჟამს განმრავლდიან ჭირნი განსაცდელთანი, განმრავლდიან
Line of ed.: 19    მოწყალებანი-ცა მისნი; და ამისთჳს მსწრაფლ მეწიოს
Line of ed.: 20    ჩუენ წყალობაჲ მისი ჭირსა ამას შინა ჩუენსა; და მან
Line of ed.: 21    მხოლომან უფალმან მიჴსნნეს ჩუენ სატანჯველისა ამისგან.

Paragraph: 36  
Line of ed.: 22    შევიმოსოთ აწ სული წმიდაჲ და აღვიღოთ ჯუარი უფლისაჲ,
Line of ed.: 23    რამეთუ იგი არს ძლიერებაჲ ჩუენი; და არა უარ-ვყოთ
Line of ed.: 24    ქრისტე უფალი, რამეთუ იგი არს ღმერთი ჩუენი; ვიქმნნეთ
Line of ed.: 25    ჩუენ ტაძარ და სადგურ სულისა მისისა, რამეთუ იგი არს
Line of ed.: 26    სიტყუაჲ მამისაჲ. Paragraph: 37   დავითმინოთ სიკუდილი \მისთჳს,
Line of ed.: 27    რათა მყვნეს ჩუენ მოწამე სახელისა მისისა; აღვიჭურნეთ
Line of ed.: 28    და ვჰბრძოდით მტერთა ჩუენთა \სარწმუნოებისა ჩუენისათჳს,
Line of ed.: 29    ვიდრემდის განცჳბრდენ და შეძრწუნდენ, იხილონ რაჲ
Page of ed.: 63   Line of ed.: 1    სიმჴნჱ ჩუენი და სიკუდილი შჯულისათჳს. Paragraph: 38   ჵ შვილნო
Line of ed.: 2    ჩემნო, აჰა ესერა ქრისტე უფალი დგას ჩუენ თანა. და
Line of ed.: 3    ყოველნი ანგელოზნი მისნი და ყოველნი წმიდანი მისნი
Line of ed.: 4    შემწედ ჩუენდა არიან; და ვინ არს ღმერთ ვითარ
Line of ed.: 5    ღმერთი ჩუენი? რამეთუ იგი ჰბრძავს ჩუენ წილ მტერთა
Line of ed.: 6    ჩუენთა, ვითარ იგი თქუა, ვითარმედ! მე თქუენ თანა ვარ-ო
Line of ed.: 7    ყოველთა დღეთა და ვიდრე აღსასრულამდე სოფლისა".

Paragraph: 39  
Line of ed.: 8    და ვითარ ესმა ერსა მას სწავლაჲ ესე და ნუგეშინის-ცემაჲ
Line of ed.: 9    ნეტარისა ზაქარიაჲსგან, განმტკიცნეს და ყოველთა ერთბამად
Line of ed.: 10    აღიმაღლეს ჴმაჲ მათი და აკურთხეს ღმერთი; ხოლო მტერთა
Line of ed.: 11    მათ დააცადეს ტანჯვაჲ ერისაჲ მის და იძულებით დატკებნაჲ
Line of ed.: 12    ჯუარისაჲ.

Next part


This text is part of the TITUS edition of Antiochos Strategos, Expugnatio Hierosolymae.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.