TITUS
Antiochos Strategos, Expugnatio Hierosolymae
Part No. 21
Previous part

Chapter: XX  
Paragraph: 1  
Line of ed.: 12       და აწ, ძმანო ჩემნო, გაუწყო თქუენ რომელი იგი
Line of ed.: 13    იქმნა, წმიდისა მამისა ჩუენისა მიერ, სასწაული, რომელი
Line of ed.: 14    სხუათა მიერ მეუწყა; რამეთუ მე ესე ხოლო ვიხილე მოგჳსაჲ
Line of ed.: 15    მის, და უთმინოებითა ჩემითა მე უდები ესე სულმოკლე
Line of ed.: 16    ვიქმენ, და ვივლტოდე, და ვერ მოვიპოვე მოთმინებაჲ სრულიად
Line of ed.: 17    წმიდისა მამისა ზაქარიაჲს თანა, რათა-მცა დავადგერ
Line of ed.: 18    მის თანა მყოვარ ჟამ და ვერცა ერისა მის თანა ვიღუაწე,
Line of ed.: 19    რათა-მცა სასყიდელსა მათსა ვეზიარე; არამედ იყვნეს ვინმე
Line of ed.: 20    ძმათაგანნი წარტყუენულთა მათ შორის რომელნი ივლტოდეს
Line of ed.: 21    ღამით სპარსთა მათგან; და მეცა მათ თანა ვივლტოდე,
Line of ed.: 22    საწყალობელი ესე, და მოვედ იერუსალჱმად; და ვინებე რათა
Line of ed.: 23    გაუწყო ყოველი რომელი იხილეს თუალთა ჩემთა. ხოლო
Line of ed.: 24    სხუაჲ ესე ვისწავე ძმათაგან სარწმუნოთა. 2. და იყო ვინმე
Line of ed.: 25    მონაზონი, რომელსა ერქუა ამბა სჳმეონ; მითხრობდა იგი
Line of ed.: 26    ზაქარია პატრიაქისათჳს და თქუა ვითარმედ: 3. შემდგომად
Line of ed.: 27    ჟამთა მათ დიდსა პატივსა უყოფდეს ნებითა ღმრთისაჲთა,
Line of ed.: 28    რომელი იგი ყოველსა ჟამსა ადიდებს და პატივ-სცემს მათ
Line of ed.: 29    რომელნი ჭეშმარიტად პატივ-სცემენ და ადიდებენ მას, ვითარცა
Page of ed.: 68   Line of ed.: 1    სიტყუამან საღმრთომან თქუა, ვითარმედ: "ვადიდნე მადიდებელნი
Line of ed.: 2    ჩემნი". Paragraph: 4   რამეთუ იპოვა დედაკაცი ვინმე ცოლთა
Line of ed.: 3    შორის ხუასრო მეფისათა, რომლისა მიერ პატივ-ცემულ იქმნა
Line of ed.: 4    ძელი იგი წმიდისა ჯუარისაჲ და კაცი იგი წმიდაჲ ზაქარია
Line of ed.: 5    პატრიაქი; რამეთუ იყო დედაკაცი იგი სახელით ქრისტეანე,
Line of ed.: 6    ხოლო იყო იგი წვალებისაგან ნესტორის უშჯულოჲსა და
Line of ed.: 7    ღმრთისა მიერ მოძულებულისა. Paragraph: 5   ევედრა იგი მეფესა და
Line of ed.: 8    მიიღო ძელი იგი წმიდისა ჯუარისაჲ ეგრეთ-ვე დაბეჭდული
Line of ed.: 9    პატრიაქისა თანა და სხუათა ვიეთ-მე წარტყუენულთა თანა
Line of ed.: 10    რომელთაჲ ინება მან; და მიიყვანნა პალატად თჳსად და მისცა
Line of ed.: 11    მათ ადგილი კეთილი და დაყუდებული და დიდსა პატივსა
Line of ed.: 12    და ძღუენსა წინა-უყოფდა მათ, და საკუმეველთა სულნელთა
Line of ed.: 13    და სანთელთა და ყოველსა საჴმარსა მათსა უხუებით მისცემდა
Line of ed.: 14    მათ. Paragraph: 6   და შემდგომად რაოდენისა-მე ჟამისა კაცთა ვიეთ-მე
Line of ed.: 15    ჰურიათა აღიშურვეს პატივისა მისთჳს რომელსა უყოფდეს
Line of ed.: 16    ყოველნი კაცსა მას ღმრთისასა, და შეასმინეს იგი მეფისა,
Line of ed.: 17    რამეთუ აქუნდა მათ კადნიერებაჲ მის წინაშე ეშმაკისა განმარჯუებითა;
Line of ed.: 18    და ჰრქუეს ვითარმედ: "ისიძავს იგი". Paragraph: 7   და
Line of ed.: 19    ქალსა ვის-მე საწყალობელსა რომელსა იგი მათ დღეთა ოდენ
Line of ed.: 20    ეშვა ყრმაჲ აღუთქუეს ფასი და დაარწმუნეს მას რათა შეასმინოს
Line of ed.: 21    იგი მეფისა. Paragraph: 8   ხოლო მეფემან მოუწოდა ნეტარსა მას
Line of ed.: 22    და მისცა იგი მსაჯულთა განსაკითხავად; და აღდგეს ჰურიანი
Line of ed.: 23    იგი მარადის წინა-აღმდგომნი ღმრთისანი ქალითურთ; ჴმობდეს
Line of ed.: 24    და დაამტკიცებდეს ვითარმედ ყრმაჲ იგი რომელ აქუნდა
Line of ed.: 25    ქალსა მას მისგანი არს; და იყო ყრმაჲ იგი ათხუთმეტისა
Line of ed.: 26    დღისაჲ გინა ოცისაჲ; ხოლო ქალი იგი ფრიად ჴმობდა.

Paragraph: 9  
Line of ed.: 27    არამედ კაცი იგი ღმრთისაჲ დგა შეუძრწუნებელად შორს-რე
Line of ed.: 28    მსაჯულთაგან და მიყრდნობილ იყო კუერთხსა თჳსსა, და
Line of ed.: 29    დუმნა იგი მრავალ ჟამ; ხოლო მსაჯულნი იგი აიძულებდეს
Line of ed.: 30    მას რათა მისცეს მათ სიტყუაჲ. Paragraph: 10   მაშინ ნეტარმან მან
Page of ed.: 69   Line of ed.: 1    მოითხოვა ყრმაჲ იგი, და ვითარ მიიქუა მკლავთა თჳსთა
Line of ed.: 2    ზედა, დასწერა პირსა მისსა ჯუარი და ჰკითხა მას წინაშე
Line of ed.: 3    ყოველთასა და ჰრქუა: "სახელითა უფლისა ჩუენისა იესუ
Line of ed.: 4    ქრისტესითა თქუ, ყრმაო, ჭეშმარიტი; მე ვარ-ა მამაჲ შენი?
Line of ed.: 5    და მიუგო ყრმამან მან ვითარცა სრულმან კაცმან და ჰრქუა:
Line of ed.: 6    ნუ იყოფინ". Paragraph: 11   და ესმა ესე ყოველთა რომელნი იყვნეს
Line of ed.: 7    მუნ, და შეიპყრნა იგინი განკჳრვებამან საკჳრველებისა მისთჳს
Line of ed.: 8    ღმრთისა მოწყალისა. ხოლო მეფესა ვითარცა ესმა ესე
Line of ed.: 9    მსაჯულთაგან, უფროჲსად შესძინა პატივის-ცემასა მისსა, და
Line of ed.: 10    ეპყრა იგი ვითარცა წინაჲსწარმეტყუელი.

Next part


This text is part of the TITUS edition of Antiochos Strategos, Expugnatio Hierosolymae.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.