TITUS
Antiochos Strategos, Expugnatio Hierosolymae
Part No. 23
Previous part

Chapter: XXII  
Line of ed.: 19 
ებისტოლე ზაქარია პატრიაქისაჲ, რომელი
Line of ed.: 20 
მიუწერა ბაბილოვნით იერუსალჱმად მათა
Line of ed.: 21 
რომელნი დაშთომილ იყვნეს ტყუეობისაგან.


Paragraph: 1  
Line of ed.: 22    სძლისა მის დაქურივებულისა ეკლესიისა სიონისა და
Line of ed.: 23    წმიდისა ქალაქისა რომლისაგან ტყუე იქმნნეს შვილნი მისნი,
Line of ed.: 24    ქალაქისა მის დიდებულისა და სამწყსოჲსა მის რომელსა არა
Line of ed.: 25    აქუს მწყემსი, ქალაქისა მის იერუსალჱმისა და მას შინა
Line of ed.: 26    მყოფთა შვილთა ქრისტესთა, ზაქარია პატრიაქისაგან ჭირვეულისა
Line of ed.: 27    და განწირულისა და ღუაწლთაგან დაღონებულისა.

Paragraph: 2  
Line of ed.: 28    ესე წიგნი კრძალულებისაჲ წარმოვეც თქუენდა, შვილთა
Page of ed.: 71   Line of ed.: 1    წმიდისა ეკლესიისათა, წარმოვეც თქუენდა \წყალობაჲ და
Line of ed.: 2    ლხინებაჲ ქრისტესგან მაცხოვრისა ჩუენისა სახიერისა და
Line of ed.: 3    მოწყალისა და ცოდვათა ჩუენთა აღმჴოცელისა; და ესე არს
Line of ed.: 4    დაწყებაჲ წიგნისა ჩემისაჲ. 3. იყავნ სახელი უფლისაჲ კურთხეულ
Line of ed.: 5    ამიერითგან უკუნისამდე, რამეთუ არა ცოდვათა
Line of ed.: 6    ჩუენთა ებრ მიყოს ჩუენ უფალმან, და არცა უშჯულოებათა
Line of ed.: 7    ჩუენთა ებრ მომაგოს ჩუენ. Paragraph: 4   არამედ ვაჲ ჩემდა, უძლურისა
Line of ed.: 8    ამის, რამეთუ განვეშორე სიონსა და დავემკჳდრე საყოფელთა;
Line of ed.: 9    კედარისათა, ვითარ იგი თქუა დავით წინაჲსწარმეტყუელმან;
Line of ed.: 10    ესრეთ-ვე მე დღე და ღამე ვიტყჳ და ვიწურთი, და ბაგენი
Line of ed.: 11    ჩემნი არა დასცხრებიან სიტყჳსა ამისგან! "უკუეთუ დაგივიწყო
Line of ed.: 12    შენ, იერუსალჱმ, დამივიწყენ მე-ცა მარჯუენემან შენმან".

Paragraph: 5  
Line of ed.: 13    უწყოდეთ, შვილნო ჩემნო, რამეთუ დავსხედით ჩუენ
Line of ed.: 14    მდინარეთა ზედა ბაბილოვნისათა და ვტიროდეთ რაჟამს
Line of ed.: 15    მოვიჴსენეთ ჩუენ სიონი და წმიდაჲ გოლგოთაჲ და დიდებული
Line of ed.: 16    ადგომაჲ და ყოველთა მიერ საწადელი ბეთლემი. Paragraph: 6   აჰა
Line of ed.: 17    ესერა, ძმანო ჩემნო, აღგჳხილვან თუალნი ჩუენნი მთათა
Line of ed.: 18    მიმართ, ვინაჲ მოვიდეს შეწევნაჲ ჩუენი და გამოჴსნაჲ.

Paragraph: 7  
Line of ed.: 19    ისმინეთ თქუენ, რომელნი ეგე ქრისტეს მიერ იჴსნენით
Line of ed.: 20    მტერთაგან და განგარინნა თქუენ ჭირთაგან და მწუხარებათა,
Line of ed.: 21    ისმინეთ ჴმაჲ მწყემსისა თქუენისა ზაქარიაჲსი, და ნუ გიძჳრნ
Line of ed.: 22    რამეთუ ღმერთმან გიჴსნნა თქუენ ტყუეობისაგან მტერთაჲსა.

Paragraph: 8  
Line of ed.: 23    მოიჴსენეთ სიტყუაჲ იგი მოციქულისაჲ რომელსა იტყჳს:
Line of ed.: 24    "უკუეთუ შორს ხართ სწავლასა, მწირნი ვიდრემე ხართ და
Line of ed.: 25    არა შვილნი; და თქუენ-ცა უკუე ეკრძალენით ზუაობისაგან,
Line of ed.: 26    რათა არა შესცთეთ უნდოსა ზრახვასა და მიეცნეთ სწავლასა;
Line of ed.: 27    არამედ უფროჲს-ღა განემზადენით სათნო ყოფად უფლისა,
Line of ed.: 28    რათა ოდეს წარხჳდეთ ამიერ სოფლით, საქმჱ იგი მდიდრისაჲ
Line of ed.: 29    მის და გლახაკისა ლაზარესი თქუენ ზედა არა აღესრულოს.

Paragraph: 9  
Page of ed.: 72   Line of ed.: 1    უკუეთუ სცხოვნდებოდით თქუენ განსუენებით და ჭირი
Line of ed.: 2    და სწავლაჲ თქუენ არა შეგემთხჳოს, უწყოდეთ რამეთუ
Line of ed.: 3    სატანჯველი საუკუნოჲ თქუენთჳს განმზადებულ არს. Paragraph: 10   იხილეთ
Line of ed.: 4    ნუ უკუე განზრქეს გული თქუენი შუებითა და სიხარული
Line of ed.: 5    გეუფლოს და განამრავლოთ სუმაჲ ღჳნისაჲ, და მერმე ნაწუეთსა
Line of ed.: 6    წყლისასა ეძიებდეთ და არა ჰპოოთ. Paragraph: 11   ნუ იქადით და
Line of ed.: 7    ჰგონებთ ვითარმედ ღირსებისა თქუენისათჳს იჴსნენით
Line of ed.: 8    მტერთაგან და დაგიცვნა თქუენ ღმერთმან; არამედ მცირედ
Line of ed.: 9    მორწმუნეობისა თქუენისათჳს და უძლურებისა არა მიგცნა
Line of ed.: 10    თქუენ ღმერთმან ჴელთა მტერთასა. Paragraph: 12   დაიცვენით თავნი
Line of ed.: 11    თქუენნი უდბობისაგან და მიდრეკისა, რამეთუ ფრიად არიან
Line of ed.: 12    მბრძოლნი თქუენნი, და გაჴსოვს-მცა დღჱ იგი საშინელი; და
Line of ed.: 13    უკუეთუ, რაჟამს წარსდგით წინაშე მსაჯულისა მოკუდავისა,
Line of ed.: 14    ძრწოლაჲ და შიში ეუფლოს გულთა თქუენთა და მრავალნი
Line of ed.: 15    ივლტოდით-ცა ზარისა მისგან მისისა, რავდენ უფროჲს, რაჟამს
Line of ed.: 16    წარსდგეთ მსაჯულისა მის უკუდავისა და ცათა და ქუეყანისა
Line of ed.: 17    შემოქმედისა. Paragraph: 13   ნუ გიხარინ ამას ზედა რამეთუ რომელნი-მე
Line of ed.: 18    თქუენგანნი ტყუე იქმნნეს და თქუენ დაშთით, და ნუცა
Line of ed.: 19    გიძჳრნ რამეთუ მრავალნი წმიდათაგანნი წარიტყუენნეს და
Line of ed.: 20    ცოდვილნი განერნეს. Paragraph: 14   ისმინეთ სიტყუაჲ უფლისაჲ რომელი
Line of ed.: 21    ჰრქუა ჰურიათა: " ნუ უკუე კრებული იგი რომელთაჲ
Line of ed.: 22    სისხლი შეჰრია პილატჱ მსხუერპლსა მას კერპთასა უცოდვილეს
Line of ed.: 23    იყვნეს ყოველთასა? ნუ იყოფინ; ხოლო გეტყჳ თქუენ;
Line of ed.: 24    უკუეთუ არა შეინანოთ, უძჳრეს მათსა გეყოს თქუენ; და
Line of ed.: 25    იხილენით ათორმეტნი იგი კაცნი რომელთა ზედა გოდოლი
Line of ed.: 26    იგი სილოამისაჲ დაეცა; და ნუ ჰგონებთ ვითარმედ უცოდვილეს
Line of ed.: 27    იყვნეს ყოველთა მყოფთა იერუსალჱმისათა; ნუ იყოფინ;
Line of ed.: 28    არამედ გეტყჳ თქუენ; უკუეთუ არა შეინანოთ, მსგავსად
Page of ed.: 73   Line of ed.: 1    მათსა წარსწყმდეთ". Paragraph: 15   ისმინეთ სიტყუაჲ ესე და გეშინოდენ
Line of ed.: 2    უფლისა, და ნუ დამივიწყებთ ჩუენ რამეთუ ვართ \თქუენ
Line of ed.: 3    და ჩუენ ერთ გუამ; და მოიჴსენეთ სიტყუაჲ იგი მოციქულისაჲ
Line of ed.: 4    რომელსა იტყჳს, ვითარმედ! "უკუეთუ ევნებინ
Line of ed.: 5    ერთსა ასოსა, მის თანა ევნებინ ყოველთა ასოთა"; და
Line of ed.: 6    კუალად თქუა: "ვინ უძლურ არნ და მე არა უძლურ ვიყვი?".

Paragraph: 16  
Line of ed.: 7    ამის გამო უწყოდეთ, ძმანო ჩემნო, მწუხარებაჲ იგი ძმათა
Line of ed.: 8    თქუენთაჲ და მათ თანა-ვე გელმოდენ; და ნუ დაივიწყებთ
Line of ed.: 9    მეგობრებასა მათსა, რათა არა იტყოდიან თქუენთჳს! "უცხო
Line of ed.: 10    ვიქმნენით ჩუენ ძმათაგან ჩუენთა და სტუმარ ძეთა დედისა
Line of ed.: 11    ჩუენისათა", ესე იგი არს სიონი და შვილნი მისნი.

Paragraph: 17  
Line of ed.: 12    მიდრიკენით გულნი თქუენნი მათა მიმართ რომელნი
Line of ed.: 13    არიან ჭირთა შინა და იყვენით მსგავს მათა გონებითა, და
Line of ed.: 14    იგლოვდით მათთჳს გონებითა თქუენ-ცა რომელნი არიან
Line of ed.: 15    მწუხარებასა შინა და სატანჯველთა. Paragraph: 18   მოიპოვეთ მოთმინებაჲ
Line of ed.: 16    ვითარცა წარტყუენულთა, რამეთუ რომელნი ტყუეობასა
Line of ed.: 17    შინა არიან უნებლიაჲთ-ცა ცოდვასა განყენებულ არიან; და
Line of ed.: 18    თქუენ-ცა განეშორენით ცოდვასა და ნუ მისცემთ თავთა
Line of ed.: 19    თქუენთა ნუგეშინის-ცემასა მწუხარებისაგან, რამეთუ თჳნიერ
Line of ed.: 20    მწუხარებისა გჳრგჳნსა ვერვინ მიემთხუევის. Paragraph: 19   მოიჴსენეთ
Line of ed.: 21    მდიდრისაჲ მის; რამეთუ რომელნი განსუენებით შუებასა შინა
Line of ed.: 22    ცხოვნდებიან მსგავს მისა იქმნენ; და რომელნი ჭირსა შინა
Line of ed.: 23    და მწუხარებასა იზარდებიან გლახაკისა მის ლაზარეს თანა
Line of ed.: 24    იხარებდენ და იტყოდიან; "რაჲსათჳს არა უფროჲსად დავითმინეთ
Line of ed.: 25    ჭირი იგი და ღუაწლი ქრისტესთჳს, რათა-მცა
Line of ed.: 26    უზეშთაესსა დიდებასა ღირს ვიქმნენით?". Paragraph: 20   ღაღად-ყავთ
Line of ed.: 27    ქრისტეს მიმართ და იტყოდეთ: "განვლეთ ჩუენ ცეცხლი და
Page of ed.: 74   Line of ed.: 1    წყალი და გამომიყვანენ ჩუენ განსასუენებელად შენდა"; და
Line of ed.: 2    კუალად თქუთ: "მრავალ არს ჭირი მართლისაჲ", რამეთუ
Line of ed.: 3    ვითარცა გამოიცადის ოქროჲ ცეცხლსა შინა, ეგრეთ გამოიცადებიან
Line of ed.: 4    წმიდანი ღუაწლსა შინა. Paragraph: 21   ნუ იქადით, შვილნო
Line of ed.: 5    ჩემნო, ნუცა მხიარულ ხართ რამეთუ იჴსნენით ამის განსაცდელისაგან;
Line of ed.: 6    არამედ უფროჲს-ღა წუხდით და იურვოდეთ
Line of ed.: 7    დღისა მისთჳს; იხილეთ რომლითა საქმითა შეემთხჳნეთ
Line of ed.: 8    ქრისტესა; განეშორენით საქმეთა თქუენთა ბოროტთა და
Line of ed.: 9    შეუდეგით ლოცვასა და ვედრებასა. Paragraph: 22   და უკუეთუ პეტრე
Line of ed.: 10    მოციქული უვარის-ყოფითა მით კნინ-ღა და მი-მცა-ეცა იგი
Line of ed.: 11    დამჴობასა, რავდენ უფროჲს თქუენ მიეცნეთ წარწყმედასა.
Line of ed.: 12    უკუეთუ არა მოიჴსენოთ უფალი თქუენი და ჩუენ, ერი მისი,
Line of ed.: 13    და სახელისა მისისათჳს-ცა ტანჯვასა მიცემულნი, მიეცნეთ
Line of ed.: 14    განკითხვასა დღესა მას ადგომისასა. Paragraph: 23   აღიხილენით თუალნი
Line of ed.: 15    თქუენნი და იხილეთ უფალი და ლოცვასა განემზადენით; და
Line of ed.: 16    ჩუენთჳს-ცა ილოცევდით უფლისა მიმართ. რათა მიჴსნნეს
Line of ed.: 17    ჩუენ ჭირისა ამისგან; და უკუეთუ პეტრე მოციქულისათჳს
Line of ed.: 18    ლოცვაჲ იგი განკრძალულად იყოფოდა, რავდენ უფროჲს
Line of ed.: 19    ჩუენდა-ცა საჴმარ არს ლოცვაჲ, რომელნი ესე ვართ საპყრობილესა
Line of ed.: 20    შინა და თქუენ განსუენებებასა; ჩუენ სატანჯველსა
Line of ed.: 21    შინა, და თქუენ შუებასა; თქუენ მონანი გმსახურებენ, და
Line of ed.: 22    ჩუენ მონებასა მიცემულ ვართ და გუემასა. Paragraph: 24   ისმინეთ
Line of ed.: 23    უფლისა იგი თქუმული, რომელსა იტყჳს: საწყაულითა
Line of ed.: 24    რომლითა მიუწყოთ მოგეწყოს თქუენ"; და უწყოდეთ
Line of ed.: 25    რამეთუ საქმეთა ებრ თქუენთა მოგებად არს თქუენდა.

Paragraph: 25  
Line of ed.: 26    მოიჴსენეთ სიტყუაჲ იგი რომელი გამცენ თქუენ, ვდეგ
Line of ed.: 27    რაჲ სიონსა შინა; "შვილნო ჩემნო, ვხედავ რამეთუ ლოცვაჲ
Page of ed.: 75   Line of ed.: 1    უდებ გიყოფიეს და შჯული და კანონი შეურაცხ-გიყოფიეს,
Line of ed.: 2    და არა უწყი თუ ვითარ უფალმან მოგხედოს თქუენ ანუ
Line of ed.: 3    ვითარ იყოს აღსასრული თქუენი; და თქუენ უდებებასა შინა
Line of ed.: 4    ხართ და იტყჳთ ვითარმედ: უფალი მოწყალე არს და არა
Line of ed.: 5    დაგუბადნა ჩუენ სატანჯველად, არამედ მან მიჴსნნეს ჩუენ.
Line of ed.: 6    ისმინეთ რაჲ იგი თქუა დავით წინაჲსწარმეტყუელმან, ვითარმედ:
Line of ed.: 7    ღმერთმან წარწყმიდნეს ყოველნი მოქმედნი უშჯულოებისანი;
Line of ed.: 8    და: საქმეთა მათთა ებრ მიაგოს მათ". Paragraph: 26   და
Line of ed.: 9    ამას რაჲ გეტყოდე თქუენ, გულის-წყრომით განჰრისხენით ჩემ
Line of ed.: 10    ზედა; და ამისთჳს მოიწია რისხვაჲ ღმრთისაჲ ჩუენ ზედა; და
Line of ed.: 11    მაშინ-ღა აღვდეგით ძილისაგან და გულისხმა-ვყავთ ვითარმედ
Line of ed.: 12    თავთა თჳსთა ვაცთუნებდით და ცუდსა სასოებასა ვიგონებდით;
Line of ed.: 13    განვისწავლენით, არამედ არა ყოველნი. Paragraph: 27   ეკრძალენით
Line of ed.: 14    თავთა თქუენთა; განეშორენით სიმთრვალესა და ევლტოდეთ
Line of ed.: 15    ცოდვასა და ბრალსა; ზრუნევდით ეკლესიათათჳს ერთბამად
Line of ed.: 16    და მიისწრაფდით ლოცვასა და განუყავთ მონაგები თქუენი
Line of ed.: 17    გლახაკთა; და ნუ გეშინინ, რამეთუ ქრისტემან გიჴსნნეს
Line of ed.: 18    თქუენ მტერთაგან; და ნუ მისცემთ სულთა თქუენთა
Line of ed.: 19    წარწყმედასა; და უწყოდეთ უკუეთუ კაცი შემძლებელ იყოს
Line of ed.: 20    განრინებად ძმისა თჳსისა და არა იჴსნას იგი ვნებისა მისგან,
Line of ed.: 21    სისხლი მისი მისგან იძიოს ღმერთმან. Paragraph: 28   გევედრები თქუენ
Line of ed.: 22    ყოველთა რათა მსგავსად ძალისა თქუენისა შურებოდით და
Line of ed.: 23    იქმოდით კეთილსა გინა ლოცვითა გინა მონაგებითა გინა
Line of ed.: 24    მარხვითა და ცრემლითა, რამეთუ შემუსრვილი სული მახლობელ
Line of ed.: 25    არს უფლისა. Paragraph: 29   და კუალად ჩუენ, ტყუეობასა მიცემულნი
Line of ed.: 26    ესე, გევედრებით რათა ევედრნეთ უფალსა და შემიწყალნეს
Line of ed.: 27    ჩუენ და შეიწყალნეს ჩჩჳლნი ესე ობოლნი და ქურივნი და
Line of ed.: 28    გლახაკნი, და გამომიყვანნეს ჩუენ სატანჯველისა ამისგან,
Line of ed.: 29    და მომიყვანნეს ჩუენ იერუსალჱმად [!], ქალაქსა მაგას წმიდასა.

Paragraph: 30  
Page of ed.: 76   Line of ed.: 1    ჵ სიონ, შვილნი შენნი გიკითხვენ შენ; მშჳდობით მიითუალე
Line of ed.: 2    მოკითხვაჲ ჩუენი, და მოიჴსენენ შვილნი შენნი რომელნი
Line of ed.: 3    შენდამი ღაღადებენ და იტყჳან: ნუ დამივიწყებ ჩუენ და
Line of ed.: 4    დაივიწყებ ვედრებასა ჩუენსა, წმიდაო და დიდებულო. Paragraph: 31   მშჳდობაჲ
Line of ed.: 5    თქუენდა ჩემ მიერ ადგილთა მაგათ წმიდათა და
Line of ed.: 6    დიდებულთა; მშჳდობაჲ შენდა, წმიდაო ადგომაო და საფლავო
Line of ed.: 7    ნათლითა შემოსილო; შვილნი შენნი წარტყუენულნი მოგიკითხვენ
Line of ed.: 8    შენ, წმიდაო ადგომაო. Paragraph: 32   მშჳდობაჲ შენდა, იერუსალჱმ,
Line of ed.: 9    ქალაქო წმიდაო, და მშჳდობაჲ [!] ყოველთა ადგილთა რომელნი
Line of ed.: 10    ბრწყინვენ შენ შორის; მშჳდობაჲ შენდა, მთაო წმიდაო
Line of ed.: 11    ზეთის-ხილთაო; მშჳდობაჲ შენდა, ბეთლემო დიდებულო და
Line of ed.: 12    სახელოვანო ქალაქო; მოიჴსენე მსახური შენი რომელი
Line of ed.: 13    ტყუეობასა მიცემულ არს, და მოიჴსენენ შვილნი შენნი წარტყუენულნი
Line of ed.: 14    და მონებასა მიცემულნი. Paragraph: 33   მშჳდობაჲ უფლისა
Line of ed.: 15    ჩუენისა იესუ ქრისტესი იყავნ თქუენ ყოველთა თანა ყოველსა
Line of ed.: 16    ჟამსა და მარადის უკუნითი უკუნისამდე. ამენ.



Next part


This text is part of the TITUS edition of Antiochos Strategos, Expugnatio Hierosolymae.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.