TITUS
Old Georgian Hagiographical Texts, vol. I
Part No. 53
Previous part

Chapter: II  
Line of ed.: 26        2. ამათ ქუეყანათა ზედა განეწყო უფალი რისხვითა გულის-წყრომისა
Line of ed.: 27     მისისაჲთა, და მიშუებითა ღმრთისაჲთა აღიძრა მეფჱ სარკინოზი, სახელით
Line of ed.: 28     აბულ-კასიმ, ძჱ აბულ-საჯისი ამირისაჲ, და უფალი სპარსეთისაჲ, რომელსა
Line of ed.: 29     ჰმონებდა სამეოცი ქალაქი დიდ-დიდი და შჳდნი მეფენი ჰმორჩი\ლებდესMs. page: B_144 
Line of ed.: 30     ძლიერნი.

Line of ed.: 31        ესე აღიჭურა ერითა მრავლითა, კაეტებითა რჩეულითა, რომელთაჲ
Line of ed.: 32     ჰყვანდა ათასეული და ბევრეული. შევიდა ქალაქსა დვინისასა და ოხრაჲ
Line of ed.: 33     გულის-წყრომისა მისისაჲ მოასწავებდა ოჴრებასა სომხითისასა, ვითარცა
Line of ed.: 34     ნინეველთა დაქცევასა, რაჲთა-მცა შეინანეს ამათ-ცა. ხოლო გულნი მათნი განფიცხებულ
Page of ed.: 176   Line of ed.: 1     იყვნეს ვითარცა რვალნი, და დაყენებულ ვითარცა სამყაროჲ,
Line of ed.: 2     რამეთუ ცოდვაჲ ცვალებისა მათისაჲ დაწერილ იყო "ფიცარსა მას რკინისასა
Line of ed.: 3     ფრჩხილითა ანდამანტისაჲთა"*, ვითარცა იერემია იტყჳს. ამისთჳს ვერ
Line of ed.: 4     ეძლო მოქცევად. რამეთუ ემსგავსა სახლი იგი სომხითისაჲ კაცსა მას უგუნურსა
Line of ed.: 5     რომელმან დადგა საფუძველსა ზედა საცთურებისასა და ქჳშასა ზედა
Line of ed.: 6     წვალებისასა და ვითარ აღდგეს კუეთებანი, "დაეცა და იყო დაცემაჲ მისი
Line of ed.: 7     დიდ ფრიად"*. ვითარცა იობ იტყჳს: "მე ვიხილენ უგუნურნი იგი, რომელთა
Line of ed.: 8     ძირნი არა დაებნეს, არამედ მეყსეულად შეიჭამა როჭიკი მათი და განეშორნეს
Line of ed.: 9     ძენი მათნი ცხოვრებისაგან"*, რამეთუ მძლავრებაჲ მათი და
Line of ed.: 10     ჴელმწიფებისა მათისა სულგრძელებაჲ გამოსწოვდა ძალსა მათსა.

Line of ed.: 11        რამეთუ ესე არს ჩუეულებაჲ მათი: პირველად ხარკნი იგი თანა-ნადებნი
Line of ed.: 12     ძებნნეს, ძღუენნი და ნიჭნი კაეტთა მათთათჳს, რამეთუ მოხარკე მისა
Line of ed.: 13     იყვნეს. მერმე წინა ჟამისა ბეგარანი სთხოვნეს. და უცალოებასა თჳსსა
Line of ed.: 14     ჰამბავად იტყჳან, დაქცევასა თჳსსა ასწრაფებენ. და ესრეთ მანქანებით დააცალიერნა
Line of ed.: 15     საფასეთა მათთაგან, რაჲთა ადვილად მძლე ექმნას, რომელი-ცა
Line of ed.: 16     იყო ესრეთ.

Line of ed.: 17        და ვითარ მოსძლევდა სარკინოზი იგი და არა იპოვა ღონე წინა-აღდგომისა
Line of ed.: 18     სომეხთა მეფისა, არცა განრინებისა, რამეთუ ღმერთსა განეხეთქა
Line of ed.: 19     მეფობაჲ იგი მისი, მაშინ მიივლტოდა იგი მთათა ზედა აფხაზეთისათა, რომელი
Line of ed.: 20     იგი უკუანაჲსკნელ სიკუდილსა ვერ განერა. ხოლო ჴელმწიფჱ იგი შეუდგა
Line of ed.: 21     მას ძიებად სასჯელსა სიკუდილისასა მრისხანებითა დიდითა.

Next part


This text is part of the TITUS edition of Old Georgian Hagiographical Texts, vol. I.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.