TITUS
Old Georgian Hagiographical Texts, vol. I
Part No. 58
Previous part

Chapter: VII  
Line of ed.: 8        7. აწ საყუარელნო, მოციქულისა სიტყუასა ვერჩდეთ და ჴსენებასა წმიდათასა
Line of ed.: 9     
ვეზიარნეთ და საჴსენებელსა მათსა აღვასრულებდეთ! ვითარცა წმიდათა
Line of ed.: 10     
მოწამეთა სულნი მათნი წარუდგინნეს ღმერთსა გუამთა მათთა ტანჯვითა,
Line of ed.: 11     
ნუ ეგრე შენ-ცა შემძლებელ ხარ ეგევითარისა მსხუერპლისა
Line of ed.: 12     
წარდგინებად წინაშე ღმრთისა. რამეთუ რაოდენ-ცა დღეს არავინ არს,
Line of ed.: 13     
რომელმან წამებისათჳს დაჭრნა ჴორცნი შენნი მახჳლითა, არამედ შენ შემძლებელ
Line of ed.: 14     
ხარ დაწუად მათა იწროებითა და მწუხარებითა და ნებსით სიგლახაკითა
Line of ed.: 15     
უფლისათჳს, რომელი ვითარცა-იგი შემძლებელ იყოს, სოფლისა
Line of ed.: 16     
საშუებელთა და განსუენებათა, და ნებსის აღირჩიოს მწუხარებაჲ და იწროებაჲ
Line of ed.: 17     
ნაცვალად მისა. იგი არს, რომელი შესწირავს მსხუერპლსა ქებისასა
Line of ed.: 18     
წინაშე ღმრთისა, ვითარცა მოწამემან ქრისტჱსმან გობრონ.

Line of ed.: 19        
აწ უკუე მოაკუდინენით ჴორცნი თქუენნი და ჯუარს-აცუთ იგი შრომითა
Line of ed.: 20     
და მარხვითა, გჳრგჳნითა [!] მოწამეთაჲთა, რომლისათჳს იგი მძლავრნი
Line of ed.: 21     
მარტჳლთა მოსწყუედდეს და იწამნეს. ხოლო შენ ნებსით თავი თჳსი მოსწყჳდე
Line of ed.: 22     
იწროებით. და ესე არს მსხუერპლი უბიწოჲ, რომელსა არა უჴმს
Line of ed.: 23     
მღდელი შემწირველი, რამეთუ რომელი ამას ქუეყანასა ზედა დამდაბლდეს,
Line of ed.: 24     
იგი ცათა შინა ამაღლდების ქრისტჱ იესუჲს მიერ უფლისა ჩუენისა, რომლისაჲ
Line of ed.: 25     
არს დიდებაჲ მამისა თანა სულით წმიდითურთ, აწ და მარადის და
Line of ed.: 26     
უკუნითი უკუნისამდე, ამჱნ.




Next part



This text is part of the TITUS edition of Old Georgian Hagiographical Texts, vol. I.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.