TITUS
Old Georgian Hagiographical Texts, vol. I
Part No. 60
Previous part

Chapter: II  
Line of ed.: 42        2. და შემდგომად რავდენთა-მე ჟამთა აგრძნეს მშობელთა მათთა საქმჱ
Line of ed.: 43     ესე და გამოიტაცნეს ყრმანი იგი მძლავრობით სახლებისაგან ქრისტეანეთაჲსა
Page of ed.: 185   Line of ed.: 1     დიდითა შეურაცხებითა და რისხვითა, გულის-წყრომითა და გინებითა, და
Line of ed.: 2     მიიყვანნეს სახლად თჳსა, დაჰბძარნეს თავნი მათნი და დაალებნეს ჴორცნი
Line of ed.: 3     მათნი ფიცხლითა მით ცემითა. ხოლო მათ ესთენ ოდენ მიუგეს და ჰრქუეს
Line of ed.: 4     მშობელთა მათთა: "ჩუენ ქრისტეანენი ვართ და არა ჯერ-არს, ვითარ-მცა
Line of ed.: 5     ვჭამეთ და ვსუთ ნაგები კერპთაჲ". და დაყვეს ყრმათა მათ შჳდი დღჱ უჭმელად
Line of ed.: 6     და უსუმელად, Ms. page: T_174v  და არაჲსა გემოჲ იხილეს, არამედ იზარდებოდეს სულისა
Line of ed.: 7     მიერ წმიდისა, რომელი-ცა ნათლის-ღებასა შეიმოსეს. მაშინ უთქუმიდეს
Line of ed.: 8     მშობელნი მათნი ყოველსა კეთილსა და სამოსელსა ჭრელსა თითო ფერსა,
Line of ed.: 9     ხოლო მათ იგი-ვე სიტყუაჲ თქჳან, ვითარმედ: "ჩუენ ქრისტეანენი ვართ
Line of ed.: 10     და არარაჲ გჳჴმს თქუენგან, არამედ განგჳტევენით და წარვიდეთ ქრისტეანეთა
Line of ed.: 11     თანა." და ვითარ ვერ შეუძლეს (!) მტკიცჱ იგი სარწმუნეობაჲ მათი,
Line of ed.: 12     მივიდეს მთავრისა წინაშე მის ჟამისასა, რამეთუ იყო იგი-ცა წარმართი, და
Line of ed.: 13     აუწყეს ყოველი იგი ყოფილი და საქმჱ ყრმათაჲ მათ. ხოლო მთავარმან მან
Line of ed.: 14     ჰრქუა მათ: "შვილნი თქუენნი არიან, ჴელმწიფებაჲ გაქუს, უყავთ, რაჲ-ცა
Line of ed.: 15     გნებავს". ხოლო მათ ჰრქუეს: "ბრძანე და მოვედ ჩუენ თანა, და ქვითა განვტჳნნეთ
Line of ed.: 16     იგინი, რაჲთა არა სხუანი აჰბაძდენ და ქრისტეანე იქმნენ". და ხუცესსა
Line of ed.: 17     მას ზედა არა მცირედი ჭირი მიაწიეს, რამეთუ იავარ-ყვეს ყოველი
Line of ed.: 18     ნაყოფი მისი, და განიყვეს მონაგები მისი. და დასდვეს თავსა მისსა წყლულებაჲ
Line of ed.: 19     ფიცხელი კნინ ერთ-ღა მო-მცა-კლეს და განჴადეს სამკჳდრებელით
Line of ed.: 20     თჳსით.

Next part


This text is part of the TITUS edition of Old Georgian Hagiographical Texts, vol. I.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.