TITUS
Old Georgian Hagiographical Texts, vol. I
Part No. 61
Previous part

Chapter: III  
Line of ed.: 21        3. მაშინ განაჩინეს დღჱ იგი ღუაწლისაჲ წმიდათა მათ მოწამეთაჲ.
Line of ed.: 22     და გამოვიდა მთავარი იგი და მის თანა სიმრავლჱ ერისაჲ ურიცხჳ, და მოვიდეს
Line of ed.: 23     თავსა მას ზედა წყაროჲსასა, სადა-იგი ნათელ-ეღო წმიდათა მათ ყრმათა,
Line of ed.: 24     დათხარეს ჴნარცჳ ფრიად ღრმაჲ, და მოიყვანნეს მშობელთა მათთა წმიდანი
Line of ed.: 25     იგი ყრმანი და შთაყარნეს ჴნარცუსა მას შინა. ხოლო იგინი იყვნეს
Line of ed.: 26     რომელი-მე ცხრისა წლისაჲ და რომელი-მე შჳდისა წლისაჲ, გინა უფრო, გინა
Line of ed.: 27     უმცრო. სხუაჲ არარაჲ იცოდეს, რაჲ-მცა თქუეს, ამას ოდენ იტყოდეს: "ჩუენ
Line of ed.: 28     ქრისტეანენი ვართ და მისთჳს-ცა მოვსწყდებით და მოვ\კუდებით, Ms. page: T_175r  რომლისა
Line of ed.: 29     მიმართ ნათელ-ვიღეთ". მაშინ უღმრთოთა მათ მშობელთა მათთა განუხეთქნეს
Line of ed.: 30     თავნი მათნი და განტჳნნეს იგინი. გუელთა და იქედნეთა, ასპიტთა
Line of ed.: 31     და მჴეცთა იციან წყალობაჲ შვილთაჲ, ხოლო ამათ უსჯულოთა არა ყვეს
Line of ed.: 32     წყალობაჲ შვილთა მათთათჳს. და სიმრავლემან ერისამან დაჰკრიბეს ქვაჲ,
Line of ed.: 33     ვიდრემდის აღავსეს ჴნარცჳ იგი და დაფარნეს ქვითა წმიდანი იგი გუამნი
Line of ed.: 34     მათნი და მიწაჲ იგი აღმოთხრილი მიასხეს ზედა კერძო მათსა. და ექმნა მათ
Line of ed.: 35     ადგილი იგი სამარხო და სამარტჳლო წმიდათა მათ ნაწილთა მათთა. მაშინ
Line of ed.: 36     აღესრულა სიტყუაჲ იგი სახარებისაჲ: "მისცეს ძმამან ძმაჲ სიკუდიდ და მამამან
Line of ed.: 37     შვილი, და აღდგენ მამა-დედანი შვილთა მათთა ზედა და მოჰკლვიდენ
Line of ed.: 38     მათ"*.

Line of ed.: 39        და სრულ იქმნა წამებაჲ მათი, და შეირაცხნეს იგინი პირველთა მათ
Line of ed.: 40     მოწამეთა თანა, და მათ თანა იხარებენ სასუფეველსა ცათასა გჳრგჳნოსანნი
Line of ed.: 41     წინაშე უფლისა ჩუენისა იესუ ქრისტჱსა, რომელსა შუენის დიდებაჲ და პატივი
Line of ed.: 42     და თავყუანის-ცემაჲ თანა მამით და სულით წმიდითურთ, აწ და მარადის
Line of ed.: 43     და უკუნითი უკუნისამდე, ამენ.




Next part


This text is part of the TITUS edition of Old Georgian Hagiographical Texts, vol. I.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.