TITUS
Kartlis Cxovreba
Part No. 36
Previous part

Part: VII  
Page of ed.: 124  
Line of ed.: 15  
წიგნი
Line of ed.: 16  
რომელი მოუწერა პატრიაქმან ჰრომისამან და ბრანჯთა მეფემან ნინოს
Line of ed.: 17  
და მეფესა მირიანს და ყოველსა ერსა ქართლისასა


Line of ed.: 18        მათ დღეთა შინა მოვიდა წიგნი ჰრომით, წმიდისა პატრიაქისა, ნინოს და მეფესა
Line of ed.: 19     და ყოველსა ერსა ქართლისასა. და მოავლინა ბრანჯი დიაკონი ქებისა შესხმად და
Page of ed.: 125   Line of ed.: 1     კურთხევისა მიცემად, და ამის ნეტარისა ნინოსგან ლოცვისა წარღებად და მადლისა
Line of ed.: 2     ზიარებად. აქუნდა წიგნი ბრ/ანჯთა მეფისა ნინოს-ცა თანა: რამეთუ მამისა მისისაგან
Line of ed.: 3     ნათელ-ეღო ბრანჯეთს. და ესე ყოველი მისმენილ იყო იერუსალემით და კოსტანტინეპოლით,
Line of ed.: 4     ვითარმედ ქუეყანასა მას ქართლისასა მიეფინა მზე სიმართლისა. ამისთჳს
Line of ed.: 5     სანატრელი წიგნი მოუწერა, რათა-მცა ეუწყნეს აქანი იგი სასწაულნი / სუეტისა მის
Line of ed.: 6     და მაყულოვნისა, და ძალი იგი კურნებისა. ესე ყოველი იხილა და მოისმინნა სასწაულნი
Line of ed.: 7     იგი ბრანჯმან დიაკონმან, რომელნი ქმნილ იყვნეს მცხეთას, და განკჳრვებული
Line of ed.: 8     ადიდებდა ღმერთსა; წარიღო წიგნები და წარვიდა.

Line of ed.: 9        მაშინ რქუა მეფემან წმიდასა ნინოს და ეპისკოპოსსა: "მნებავს ესრეთ, რათა
Line of ed.: 10     იძულებით მახჳლითა მოვაქცივნეთ მთეულნი და სიძე ჩე/მი ფეროზ, და დავამონნეთ
Line of ed.: 11     ძესა ღმრთისასა და ვათაყუანნეთ პატიოსანსა ჯუარსა". მაშინ რქუეს: "არა ბრძანებულ
Line of ed.: 12     არს უფლისაგან მახჳლისა აღება, არამედ სახარებითა და ჯუარითა პატიოსნითა უჩუენოთ
Line of ed.: 13     გზა ჭეშმარიტი, მიმყვანებელი ცხოვრებად საუკუნოდ, და მადლმან ღმრთისამან
Line of ed.: 14     განანათლოს ბნელი იგი გულთა მათთა.

Line of ed.: 15        და წარვიდა წმიდა ნინო და ეპისკოპოსი იოვანე, და მათ თანა წარატანა მეფემან
Line of ed.: 16     ერის-თავი ერთი. მივიდეს და დადგეს / წობენს, და მოუწოდეს მთეულთა, პირუტყუთა
Line of ed.: 17     სახეთა მათ კაცთა, ჭართალელთა, ფხოელთა, წილკანელთა და გუდამაყრელთა.
Line of ed.: 18     /და უქადაგეს მათ სჯული ქრისტიანეთა ჭეშმარიტი, მიმყვანებელი ცხოვრებად საუკუნოდ.
Line of ed.: 19     ხოლო მათ არა ინებეს ნათლის-ღება. მაშინ ერის-თავმან მეფისამან მცირედ წარმართა
Line of ed.: 20     მახჳლი მათ ზედა, და ძლევით შემუსრნა კერპნი მათნი.

Page of ed.: 126  
Line of ed.: 1        გარდამოვიდეს მუნით და დადგეს ჟალეთს, და უქადაგეს ერწო-თიანელთა. ხოლო
Line of ed.: 2     მათ შეიწყნარეს და ნათელ-იღეს. ხოლო ფხოელთა დაუტევეს ქუეყანა მათი / და გარდავიდეს
Line of ed.: 3     თუშეთს. და სხუანი-ცა მთეულნი უმრავლესნი არა მოიქცეს, არამედ დაუმძიმა
Line of ed.: 4     მათ მეფემან ხარკი, ოდეს არა ინებეს ნათლის-ღება. ამისთჳს წარკრბეს იგინი და
Line of ed.: 5     შესცთეს, და რომელნი-მე უკანასკნელ მოაქცივნა აბიბოს ნეკრესელ ეპისკოპოსმან და
Line of ed.: 6     რომელნი-მე მათგანნი დარჩეს წარმართობასა-ვე შინა დღეს-აქამომდე.

Line of ed.: 7        ხოლო წმიდა ნინო წარემართა წარსლვად რანს, მოქცევად ფეროზისა. და ვითარცა
Line of ed.: 8     მიეახლა კუხეთს, დაბასა ბოდისასა, დაყვნა მუნ დღენი რა-ოდენნი-მე. და მო/ვიდოდეს
Line of ed.: 9     მისსა კახეთით, ჰკითხვიდეს და აღიარებდეს სწავლასა / მისსა სიმრავლე ერისა. მაშინ
Line of ed.: 10     დასნეულდა მუნ; და ვითარცა ცნა რევ, ძემან მეფისამან, და სალომე, ცოლმან მისმან,
Line of ed.: 11     რომელნი ცხორებდეს უჯარმას, მოვიდეს ნინოსა და აცნობეს მეფესა და დედოფალსა.
Line of ed.: 12     ხოლო მათ მიავლინეს ეპისკოპოსი იოვანე წარმოყვანებად წმიდისა ნინოსსა, ხოლო
Line of ed.: 13     წმიდა ნინო არა ერჩდა. მაშინ წარვიდა თჳთ მეფე და სიმრავლე ერისა. და შეკრბა
Line of ed.: 14     მის ზედა სიმრავლე ერთა ძლიერთა. რამეთუ ხედვიდა ყოველი იგი ერი პირსა
Line of ed.: 15     ნინოსსა, ვითარცა / პირსა ზეცისა ანგელოზისასა, და მოსწყუედდიან ფესუსა სამოსლისა
Line of ed.: 16     მისისასა, მიიღებდეს და ემთხუეოდეს სარწმუნოებით, და იძულებით ევედრებოდეს
Line of ed.: 17     ყოველნი დედოფალნი, გარემოს მსხდომნი, რომელთა გარდამოსდიოდე ცრემლნი
Line of ed.: 18     თუალთაგან მათთა განშორებისათჳს მოძღურისა მათისა და მოღუაწისა, და სნეულთა
Line of ed.: 19     მკურნალისა ჴელოვანისა.

Line of ed.: 20        და ეტყოდეს სალომე უჯარმელი და პეროჟავრი სივნელი და მათ თანა ერის-თავნი
Page of ed.: 127   Line of ed.: 1     და მთავარნი ჰკითხვიდეს, თუ "ვინა ანუ სადათ მოხვედ ამა ქუეყანასა მაცხოვრად
Line of ed.: 2     ჩუენდა, / ანუ სადათ-მე იყო აღზრდა შენი, დედოფალო; მაუწყე ჩუენ საქმე შენი. რასა
Line of ed.: 3     იტყჳ ტყუეობასა, ტყუეთა მჴსნელო სანატრელო, რამეთუ ესე-რა გჳს/წავიეს შენ მიერ,
Line of ed.: 4     ვითარმედ ყოფილ არიან წინასწარმეტყუელნი პირველ ძისა ღმრთისა, და შემდგომად
Line of ed.: 5     მოციქულნი თორმეტნი და სხუანი სამოცდაათნი, და ჩუენდა არა-ვინ მოავლინა ღმერთმან,
Line of ed.: 6     გარნა შენ, და ვითარ იტყჳ, ვითარმედ ტყუე ვარი მე, ანუ ვითარ უცხო".

Line of ed.: 7        / მაშინ იწყო სიტყუად წმიდამან ნინო და თქუა: "ასულნო სარწმუნოებისანო,
Line of ed.: 8     მახლობელნო დედოფალნო ჩემნო. გხედავ თქუენ, ვითარცა პირველთა მათ დედათა,
Line of ed.: 9     ყოველთა სარწმუნოებასა ზედა ქრისტესსა, და გნებავს გზათა ჩემთა ცნობა, გლახაკისა
Line of ed.: 10     მჴევლისათა. აწ გაუწყო-ცა, რამეთუ ესე-რა მოსრულ არს სული ჩემი ჴორჴად ჩემდა,
Line of ed.: 11     და მეძინების მე ძილითა დედისა ჩემისათა საუკუნოდ. არამედ მოიხუენით საწერელნი
Line of ed.: 12     და დაწერეთ გლახაკი და უდები ცხოვრება ჩემი, რათა უწყოდიან შვილთა-ცა თქუენთა
Line of ed.: 13     სარწმუნოება თქუენი, და შეწყნარება ჩემი, და სასწაულნი ღმრთისანი, რომელ გიხილვან".

Line of ed.: 14        მაშინ მსწრაფლ მოიხუნეს საწერელნი სალომე უჯარმელმან და პეროჟავრი სივნელმან: იწყო
Line of ed.: 15     სიტყუად წმიდამან ნინო, ხოლო იგინი წერდეს. და წარმოუთხრა ყოველი,
Line of ed.: 16     რომელი / ზემოთ დავწერეთ, ცხოვრება მის წმიდისა და ნეტარისა. და შევედრა
Line of ed.: 17     მეფესა იაკობ მღდელი, რათა შემდგომად იოვანესსა იგი იყოს ეპისკოპოს. მაშინ
Line of ed.: 18     იოვანე ეპისკოპოსმან შეწირა ჟამი და აზიარა წმიდა ნინო ჴორცსა და სისხლსა
Line of ed.: 19     ქრისტესსა. / და შევედრა სული თჳსი მეუფესა ცათასა, ქართლად მოსლვითგან მისით
Line of ed.: 20     მეთოთხმეტესა წელსა, ქრისტეს ამაღლებითგან სამას ოცდათურამეტსა წელსა, დასაბამითგანთა
Line of ed.: 21     წელთა ხუთიათას რვაას ოცდათურამეტსა.

Page of ed.: 128  
Line of ed.: 1        მაშინ შეიძრნეს ორნი-ვე ესე ქალაქნი, მცხეთა და უჯარმა, და ყოველი ქართლი,
Line of ed.: 2     მიცვალებასა ნინოსსა. მუნ მივიდეს და დამარხეს ძლევით შემოსილი გუამი მისი
Line of ed.: 3     ადგილსა-ვე ზედა კუხეთს, დაბასა ბოდისასა, რამეთუ მუნ ითხოვა თჳთ დაფლვა მეფისაგან,
Line of ed.: 4     შეხედვებითა ღმრთისათა: სიმდაბლისათჳს ქმნა ესე წმიდამან, რამეთუ ადგილი
Line of ed.: 5     იგი შეურაცხი იყო. და მწუხარე იყო მეფე და ყოველნი წარჩინებულნი მუნ დაფლვასა
Line of ed.: 6     მისსა, არამედ მცნებისა და ანდერძისა მისისა აღსრულებისათჳს დაფლეს მუნ.

Line of ed.: 7        და ვითარ აღასრულა ესე ყოველი ღმრთივ-განბრძნობილმან მირიან მეფემან, განამტკიცა
Line of ed.: 8     ყოველი ქართლი და ჰერეთი / სარწმუნოებასა ზედა სამებისა წმიდისასა, ერთარსებისა
Line of ed.: 9     ღმრთისა დაუსაბამოსასა, დამბადებელისა ყოვლისასა; და განმტკიცდეს სრულსა
Line of ed.: 10     სარწმუნოებასა ზედა.

Line of ed.: 11        მაშინ კეისარსა კოსტანტინეს რომელ ჰყვა მძევალი, ძე / მირიანისი, რომელსა
Line of ed.: 12     ერქუა ბაქარ, გამოგზავნა იგი მეფემან კოსტანტინე ნიჭითა დიდითა, და მოუწერა
Line of ed.: 13     ესრეთ: "მე, კოსტანტინე მეფე, თჳთ-მპყრობელი, ახალი მონა ცათა მეუფისა, პირველ
Line of ed.: 14     ეშმაკისაგან წარტყუენული და მერმე გამოჴსნილი დამბადებელისა მიერ, მოვსწერე
Line of ed.: 15     შენდა ღმრთივ-განბრძნობილისა და ჩემთანა-ვე ახალ-ნერგისა, მორწმუნისა მეფისა მირიანისსა.
Line of ed.: 16     იყავნ შენ თანა მშჳდობა და სიხარული! ვინათგან იცან შენ სამება ერთარსება,
Line of ed.: 17     ღმერთი დაუსაბამო, დამბადებელი ყოვლისა, არღარა მიჴმს მე / შენგან მძევალი,
Line of ed.: 18     არამედ კმა არს ჩუენ შორის შუა-მდგომელად ქრისტე, ძე ღმრთისა, პირველ ჟამთა
Line of ed.: 19     შობილი, რომელი განკაცნა ჴსნისათჳს ჩუენისა, და ჯუარი მისი პატიოსანი, რომელი
Line of ed.: 20     მოცემულ არს ჩუენდა წინა-მძღურად, გულითა მოსავთა მისთა, და შუა-მდგომელობითა
Line of ed.: 21     ღმრთისა დამბადებელისათა ვიყვნეთ ჩუენ სიყუარულსა ზედა ძმებრივ. და შვილი შენი
Line of ed.: 22     შენდა-ვე მიმინიჭებიეს, იხილე და განიხარე; და ღმრთისაგან მოვლინებული ანგელოზი
Line of ed.: 23     მშჳდობისა იყავნ შენ თანა მარადის; განდევნენ ღ/მერთმან დამბადებელმან ეშმაკი
Line of ed.: 24     მაცთური საზღვართაგან შენთა".

Page of ed.: 129  
Line of ed.: 1        მოვიდა ბაქარ, ძე მეფისა მირიანისი, და მოციქული კოსტანტინე მეფისა მცხეთას.
Line of ed.: 2     აღივსნეს სიხარულითა მირიან მეფე და ნანა დედოფალი, და მადლობდეს ღმერთსა,
Line of ed.: 3     ნიჭთა სრულთა მომცემელსა.

Line of ed.: 4        მაშინ მირიან მეფემან განასრულა ეკლესია საეპისკოპოსო და აღასრულა სატფურება
Line of ed.: 5     მისი მრავლითა დიდებითა. და მოქცევითგან მირიან მეფისათ მეოცდახუთესა
Line of ed.: 6     წელსა მოკუდა ძე მისი რევ, სიძე თრდატ სომეხთა მეფისა, რომლისადა-ვე მიეცა
Line of ed.: 7     მეფობა სიცოცხლესა-ვე მისსა. და დაფლეს აკლდამასა-ვე, / რომელი თჳთ მას-ვე რევს
Line of ed.: 8     აღეშენა.

Line of ed.: 9        და მას-ვე წელიწადსა დასნეულდა მირიან მეფე, რომელი-ცა აღესრულა. და მოიყვანა
Line of ed.: 10     ძე მისი ბაქარ და ცოლი მისი ნანა, და რქუა ნანას: "აჰა ესე-რა, მე წარვალ
Line of ed.: 11     ვინა-ცა მოვედ, დავმადლობ მრავალ-მოწყალესა ღმერთსა, დამბადებელსა ცისა და ქუეყან/ისასა,
Line of ed.: 12     რომელმან წარტყუენული ეშმაკისაგან მიჴსნა მე პირისაგან ჯოჯოხეთისა, და
Line of ed.: 13     ღირს მყო მე მარჯუენით მის თანა. შენ, ნანა, უკეთუ გეცეს-ღა მოცალება ცხოვრებისა
Line of ed.: 14     ჩემისა შემდგომად განყავ სამეფო განძი ჩუენი ორად, და მიიღე სამარხავსა ნინოსა,
Line of ed.: 15     განმანათლებელისა ჩუენისასა, ჟამთა შეცვალებისათჳს, რათა არა შეირყიოს უკუნისამდე
Line of ed.: 16     იგი ადგილი; რამეთუ მეფეთა საჯდომი არს, არამედ მწირ არს". ეგრეთ-ვე
Line of ed.: 17     დავედრა ეპისკოპოსთა, რათა ადიდონ დიდება მის ადგილისა, "რამეთუ ღირს არს
Line of ed.: 18     პატივის-ცემასა".

Line of ed.: 19        ხოლო ძესა თჳსსა რქუა: "შვილო ჩემო, შეიცვალა ბნელი ჩემი ნათლად და
Line of ed.: 20     სიკუდილი ცხოვრებად. შენდა მომიცემია გჳრგჳნი მეფობისა ჩემისა. ღმერთმან დამბადებელმან
Line of ed.: 21     ცისა და ქუეყანისამან დაგამტკიცენ შენ სრულსა სარწმუნოებასა / ზედა.
Line of ed.: 22     იწურთიდი ყოვლად-ვე მცნებათა ძისა ღმრთისათა, და დაადგერ სრულიად მათ ზედა:
Line of ed.: 23     და სახელსა ზედა ქრისტესსა სიკუდილი ცხოვრებად გიჩნდინ, რომლითა წარუვალი
Page of ed.: 130   Line of ed.: 1     ცხოვრება მოიგო. და სადა პოვნე ვნებანი იგი ცეცხლისანი კერპნი, ცეც/ხლითა
Line of ed.: 2     დაწუენ, და ნაცარი შეასუ რომელნი მათ ესვიდენ. და ესე შვილთა-ცა შენთა ამცენ,
Line of ed.: 3     რამეთუ მე ვიცი იგი, რომელ კავკასიათა-ცა შინა-ვე დაილევიან. ხოლო შენ ამას შეუდეგ
Line of ed.: 4     გულითა შენითა, და თავი შენი შევედრე ძესა ღმრთისასა, პირველ ჟამთა შობილსა,
Line of ed.: 5     და განკაცებულსა, და ვნებულსა ჴსნისათჳს ჩუენისა. და წარძღუანებითა პატიოსნისა
Line of ed.: 6     ჯუარისათა სძლო მტერთა, ვითარცა აქუს ჩუეულება გულითა მოსავთა მისთა. და
Line of ed.: 7     პატივს-ცემდი სუეტსა მას ცხოველსა ღმრთივ-აღმართებულსა, და იყავნ ყოვლითურთ
Line of ed.: 8     სასოება შენი მისა მიმართ, და იყავნ მისლვა შენი ძილად საუკუნოდ სარწმუნოებასა
Line of ed.: 9     ზედა სამებისასა".

Line of ed.: 10        და მოაყვანებინა ჯუარი იგი წმიდისა ნინოსი, რომელი პირველითგან აქუნდა,
Line of ed.: 11     და ჩამოჰკიდა გჳრგჳნი სამეფო ჯუარსა მას. და მოიყვანა ძე თჳსი ბაქარ. და თავსა
Line of ed.: 12     მისსა გამოსახა .სახე ჯუარისა; და აღიღო გჳრგჳნი ჯუარისაგან და დადგა თავსა ძისა /
Line of ed.: 13     თჳსისასა. და აღეს/რულა მირიან მეფე, და დაეფლა ზემოსა ეკლესიასა, საშუალსა
Line of ed.: 14     სუეტსა სამხრითსა, ჩრდილოთ-კერძო. და მას სუეტსა შინა არს ნაწილი ღმრთივ-აღმართებულისა
Line of ed.: 15     მის სუეტისა. და მეორესა წელსა მოკუდა ნანა დედოფალი, და დაეფლა
Line of ed.: 16     მას-ვე სუეტსა დასავალით, სადა მირიან მეფე დამარხულ იყო.



Next part


This text is part of the TITUS edition of Kartlis Cxovreba.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.