TITUS
Kartlis Cxovreba
Part No. 37
Previous part

Part: VIII  
King: 25 
Line of ed.: 17  
მეოცდახუთე მეფე, ბაქარ, ძე მირიანისი. ხოსროიანი


Line of ed.: 18        და დაჯდა მეფედ ძე მისი ბაქარ, და იყო მორწმუნე, ვითარცა მამა მისი. და ამან
Line of ed.: 19     მოაქცივნა უმრავლესნი კავკასიანნი, რომელნი ვერ მოექცივნეს მამასა მისსა. და შთავარდა
Line of ed.: 20     შორის მისსა და სომეხთა მტ/ერობა. რამეთუ სომეხნი ბაქარის ძმის-წულის,
Line of ed.: 21     რევის ძისა, თრდატ სომეხთა მეფის ასულის-წულის მეფობასა ლამოდეს ქართლსა.
Line of ed.: 22     ხოლო ესე ბაქარ ეზრახა სპარსთა მეფესა, მამის ძმის-წულსა მისსა, დაემოყურა და
Line of ed.: 23     გაუცვალა ქუეყანა დისიძესა მისსა ფეროზს. რომელსა აქუნდა რანი ბარდავამდის მიცემულად
Line of ed.: 24     მირიანისგან, და მისცა მის წილ სამშჳლდითგან მიღმართ ქუეყანანი ვიდრე
Page of ed.: 131   Line of ed.: 1     თავადმდე აბოცისა. მაშინ-ღა ნათელ-იღო ფეროზ და ერმან მისმან. და მოირთეს ძალი
Line of ed.: 2     ხუასროთაგან და ეწყუნეს სომეხთა ჯავა/ხეთს: სძლეს და აოტნეს სომეხნი.

Line of ed.: 3        მაშინ მეფემან ბაქარ, შუა-მდგომელობითა ბერძენთა მეფისა და სპარსთა მეფი/სათა,
Line of ed.: 4     დაწერა ჴელით-წერილი ძმის-წულთა მისთა და დედისა მათისა სალომესგან ესრეთ,
Line of ed.: 5     ვითარმედ: "ვიდრემდის იყოს ნათესავი ბაქარისი, რომელსა ეძლოს პყრობა მეფობისა.
Line of ed.: 6     მისი იყოს მეფობა, და არა-ოდეს ძებნონ მეფობა ნათესავთა რევისთა".

Line of ed.: 7        მაშინ-ღა მოიყვანნა ძმის-წულნი მისნი და მისცა კუხეთი, და დასხნა რუსთავს
Line of ed.: 8     ერის-თავად. ამან ბაქარ ყოველნი დღენი ცხოვრებისა მისი/სანი დიდსა სარწმუნოებასა
Line of ed.: 9     შინა აღასრულნა, და განამრავლნა მღდელნი და დიაკონნი ყოველსა ქართლსა და რანსა
Line of ed.: 10     ეკლესიათა მსახურებად. ამან აღაშენა ეკლესია წილკნისა. მოკუდა და დაეფლა ძმასა-ვე
Line of ed.: 11     თჳსსა თანა.



Next part


This text is part of the TITUS edition of Kartlis Cxovreba.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.