TITUS
Kartlis Cxovreba
Part No. 47
Previous part

Part: III  
Page of ed.: 159  
Line of ed.: 16  
აქა ვახტანგ გორგასლისაგან საბერძნეთს წასლვა საომრად


Line of ed.: 17        წარემართა ვახტანგ შესლვად საბერძნეთად. და მიიწივნეს სომხითს, და მოერთნეს
Line of ed.: 18     პეროჟა-კაფას, სადა-იგი ციხე აეგო პირველ ჴსენებულსა ფეროზს, ერის-თავნი
Line of ed.: 19     სომხითისანი: სივნელი არევ, ასფურა/გნელი ჯუანშერ, ტაროვნელი ამაზასპ გრიგოლის
Line of ed.: 20     შენებულისა ქალაქისაგან, თრდატ ნათესავისაგან დიდისა თრდატისა. და მოადგეს
Line of ed.: 21     ციხე-ქალაქსა, რომელსა ერქუა კარახპოლა, ხოლო აწ ეწოდების კარნუ-ქალაქი. და
Page of ed.: 160   Line of ed.: 1     ბრძოდეს მას, ხოლო ვერ შეუძლეს დაპყრობად, რამეთუ იყო იგი / ზღუდითა მაღლითა
Line of ed.: 2     სამითა. და დაუტევნეს ორნი ერის-თავნი მჴედრითა თორმეტი ათასითა ბრძოლად
Line of ed.: 3     ქალაქისად.

Line of ed.: 4        წარვიდა ვახტანგ პონტოს და მოაოჴრნა გზასა ქალაქნი სამნი: ანძორეთი,
Line of ed.: 5     ეკლეცი და სტერი. და მოადგეს ლაშქარნი პონტოსა ქალაქსა დიდსა ზღჳს-კიდესა;
Line of ed.: 6     და ბრძოდეს სამ თუე, და მიუწია ლაშქარმან ვიდრე ქალაქისა მის კოსტანტინისა
Line of ed.: 7     ხოლო სპარსნი რომელ / ჰპოვებდეს ეკლესიისა მსახურთა, დაჰკლვიდეს; ხოლო ვახტანგ
Line of ed.: 8     მეფემან ამცნო სპათა სომხითისათა და ყოველთა სპარსთა, რათა არა-ვის ჰკლვიდენ
Line of ed.: 9     მოწესეთაგანსა, არამედ ტყუე ჰყოფდენ, და / რქუა მათ:

Line of ed.: 10        "მამის მამა ჩემი მირიან ოდეს შემოჰყვა მეფესა სპარსთასა, ძმის-წულსა თჳსსა,
Line of ed.: 11     ბრძოლად ბერძენთა ზედა, ესე-ვითარსა უყოფდეს მოწესეთა და ეკლესიისა მსახურთა,
Line of ed.: 12     და იძლივნეს ძლევითა ბოროტითა ურიცხუნი სპანი მცირეთა ლაშქართაგან. მიერითგან
Line of ed.: 13     მიიღეს საზღვარი ესე ბერძენთა ჩუენ, ქართველთაგან, აღმოსავალით ზღჳსა ამის.
Line of ed.: 14     ხოლო წყობა პირველთა მეფეთა იყო ანძიანძორს, სადა უკუე / აწ არს საფლავი დიდისა
Line of ed.: 15     მოძღურისა გრიგოლისი, და მუნით იოტნეს მეფენი ჩუენნი. ხოლო ჩუენ ათისა
Line of ed.: 16     დღისა სავალი ჩამოგჳვლია, ჩრდილოთ მოქცეულ ვართ. და ჩუენ-ცა ვართ სჯულსა
Line of ed.: 17     ზედა ბერძენთასა აღმსარებელ ქრისტესა, რომელ არს ღმერთი ჭეშმარიტი ყოველთა.

Line of ed.: 18        "ანუ არა გასმიან-ა სასწაულნი, რომელნი ქმნნეს კოსტანტინეს-ზე / მეფისა წარძღუანებითა
Line of ed.: 19     ჯუარისათა, ანუ რომელნი ქუეყანასა ბერძენთასა იქმნნეს სასწაულნი
Line of ed.: 20     / ივლიანეს-ზე მეკერპისა მეფისა? -- ვითარ იგი ისარმან ზეცისამან მოკლა, და შეკრბეს
Line of ed.: 21     სპანი ბერძენთანი და ივბიმიანოს აჩინეს მეფედ, ხოლო მან არა თავს-იდვა ვიდრემდის
Line of ed.: 22     არა დამუსრნეს კერპნი და აღმართნეს ჯუარნი, და მას ზედა დაარქუეს გჳრგჳნი
Page of ed.: 161   Line of ed.: 1     მეფისა; ხოლო ანგელოზმან უფლისამან აღიღო გჳრგჳნი და დაადგა თავსა ივბიმიანოსსა,
Line of ed.: 2     ჭეშმარიტსა მეფესა. და ჴმა იყო ზეცით, რომელი ეტყოდა სპარსთა მეფესა
Line of ed.: 3     ხუასროთანგსა: "დაეცადენით ბრძოლად ივბიმიანოსისა, რამეთუ ძალითა ჯუარისათა
Line of ed.: 4     უძლეველ არს, და მიერითგან იქმნეს მოყუა/რე მეფე და ხუასრო, ვიდრემდის ორნი-ვე
Line of ed.: 5     იგი შეიცვალნეს.

Line of ed.: 6        "ანუ თქუენ, მკჳდრთა მაგათ სომხითისათა არშაკუნიანთა, პატიახშთა ბივრიტიანთა,
Line of ed.: 7     არა გაჴსოვანა საქმენი გრიგოლი პართეველისანი და წინა-აღმდგომთა მის/თა,
Line of ed.: 8     თრდატ მეფისა არშაკუნიანისა -- ვითარ დასცა ზუაობისაგან და ი/ქმნა იგი ეშუად?
Line of ed.: 9     არამედ გრიგოლი მოაქცია იგი, და მიერითგან იქმნა იგი მუშაკ ეკლესიათა, და
Line of ed.: 10     ეკლესია დიდი აღაშენა თრდატ ზურგითა თჳსითა, რამეთუ იყო იგი გმირი. ხოლო
Line of ed.: 11     თქუენ, მკჳდრნო ქართლისანო, ნათესავნო მეფეთა ქართლისათანო, რომელნი დღეს
Line of ed.: 12     მთავრობასა ზედა დადგინებულ ხართ ჩუენ, მეფეთაგან, რომელნი ვართ ნათესავნი
Line of ed.: 13     ნებროთ გმირისანი, რომელი უწინარეს ყოველთა მეფეთა გამოჩნდა ქუეყანასა ზედა,
Line of ed.: 14     რომელი ლომსა ძალითა ვითარცა თიკანსა მოიყვანებდა, კანჯართა და ქურციკთა
Line of ed.: 15     ქუეითი იპყრობდა. რამეთუ ეზომ განდიდნა ძალი. მისი, რომელ დაემორჩილნეს
Line of ed.: 16     ყოველნი ნათესავნი ნოესნი, ვიდრემდის შ/ეუძლო ქმნად ქალაქი, რომლისა ქვად
Line of ed.: 17     შექმნა ქვა ოქროდ, და ხარისხად ვეცხლი, და გარემოს მისსა მოიქმოდა / აგურითა
Line of ed.: 18     და კირითა, ხოლო ქუდნი კართა და სარკმელთანი იაკინთისა და ზურმუხტისანი შექმნა;
Line of ed.: 19     რამეთუ მათისა ნათლისაგან ვერ შეუძლებდა დაბნელებ/ად ღამე. და ქმნა მას შინა ტაძრები
Line of ed.: 20     და კოშკები, რომელ ვერ შესაძლებელ არს გაგონებად თქუენდა, მოუგონებელ არს
Line of ed.: 21     თჳთოეულისა სიბრძნე მისი, რომელი მიეცა მას ვიდრემდის აღმართა სამისა დღისა
Line of ed.: 22     სავალსა, რომელი ექმნა აღსავალად ხარისხად ზღუდეთა ზედა. და ენება, რათა აღვიდეს
Page of ed.: 162   Line of ed.: 1     ცად და იხილნეს მყოფნი ცისანი. ხოლო ვითარცა განვლო საზღვარი ჰაერისა და
Line of ed.: 2     შევიდა საზღვარსა ვარსკულავთასა, ვერ-ღა-რა უძლებდეს საქმედ მოქმედნი, რამეთუ დადნებოდა
Line of ed.: 3     ოქრო და ვეცხლი; რამეთუ მუნით-გამო ვიდრე-მე არს ჴელმწიფება ცეცხლისა
Line of ed.: 4     ეთერისა მის, რომელი მგზების მძლაფრიად სამყაროსა ქცევისაგან და ესმა მუნით
Line of ed.: 5     საზრახავი შჳდთა გუნდთა / ზეცისათა, რომლისაგან შესლბეს ადამიანნი. / და იქმნა
Line of ed.: 6     ყოველი კაცი თჳთო ნათესავით-ურთ მეტყუელ თჳთო ენასა, და არღარა ერჩდე ურთიერთას
Line of ed.: 7     პირსა მოყუსისა თჳსისასა, და წარვიდეს.

Line of ed.: 8        "ხოლო ნებროთს ენითა სპარსულითა რქუა: მე ვარ მიქაელ ანგელოზი, რომელი
Line of ed.: 9     დადგინებულ ვარ ღმრთისა მიერ მთავრ/ობასა ზედა აღმოსავლისასა. განვედ
Line of ed.: 10     ქალაქით მაგით, რამეთუ ღმერთი ჰფარავს ქალაქსა მაგას ვიდრე გამოჩინებადმდე
Line of ed.: 11     სამოთხისა, რომელი-ესე დგას მახლობელად ნაშენებსა მაგას შენსა, რომელსა შორის
Line of ed.: 12     არს მთა ესე, რომლისაგან აღმოვალს მზე და გამოვლენ მისგან ორნი მდინარენი:
Line of ed.: 13     ნილოსი და გეონი. რამეთუ გეონსა გამოაქუს სამოთხით ხე სულნელი და თივა,
Line of ed.: 14     რომელი შეეზავების მუშკსა. აწ წარვედ შენდა. და დაჯედ ორთა-ვე / მდინარეთა შორის,
Line of ed.: 15     ევფრატსა და ჯილასა, და განუტევენ ნათესავნი ესე, ვითარცა ვინ ინებოს, რამეთუ
Line of ed.: 16     წარუვლენიან უფალსა. ხოლო მეფობა შენი მეფობდეს ყოველთა ზედა მეფეთა, არამედ
Line of ed.: 17     ჟამთა უკანასკნელთა მო/ვიდეს მეუფე ცისა, რომლისა შენ გნებავს ხილვა მისი, ერსა
Line of ed.: 18     შორის შეურაცხსა; შიშმან მისმან განაქარვნეს გემონი სოფლისანი, მეფენი დაუტეობდენ
Line of ed.: 19     მეფობასა და ეძიებდენ სიგლახაკესა. მაშინ გიხილოს შენ ჭირსა შინა და გიჴსნეს
Line of ed.: 20     ღმერთმან".

Line of ed.: 21        "და დაუტევეს ყოველთა ქალაქი და წარვიდეს. და დაუტევნა ჰინდურად მზრ/ახველნი ჰინდოეთს,
Line of ed.: 22     სინდნი სინდეთს, ჰრომნი ჰრომს, ბერძენნი -- საბერძნეთს,
Page of ed.: 163   Line of ed.: 1     აგ და მაგუგ -- მაგუგეთს, სპარსნი -- სპარსეთს; ხოლო პირველი ენა ასურებრი იყო,
Line of ed.: 2     და ესე არიან შჳდნი ენანი, რომელნი ნებროთისამდე ზრახვიდეს. ამისთჳს მოგითხარ,
Line of ed.: 3     რომელ მამათა ჩუენთა დაფარ/ულად ეპყრა წიგნი ესე, ხოლო მე შურმან
Line of ed.: 4     საღმრთომან მაიძულა თქმად ამისსა, ამის მიერ შეიწყნარა მამამან ჩუენმან მირიან
Line of ed.: 5     სახარება ქრისტესი ნინოს მიერ.

Line of ed.: 6        "ანუ არა ქრისტეს მოსლვამდე მიიღებდეს მამანი ჩუენნი ხარკსა, და მუნითგან
Line of ed.: 7     მოუძლურდით, ესე რა ბერძენნი მიღმართ ბრძვანან? და მან იხილა ნებროთ ჯოჯოხეთსა
Line of ed.: 8     შინა და იჴსნა: იგი არს პირ/ველი ყოველთა მეფეთა, და დანიელ-ცა ეწამების,
Line of ed.: 9     ვითარმედ მიქაელ დადგინებულ არს ძალად სპარსთა. და თქუენ, ყოველთა ქართველთა,
Line of ed.: 10     იხილენით სასწაულნი ესე, რომელ ქმნნა ნინო. ანუ ჰგონებთ, ვითარმედ ბერძენნი
Line of ed.: 11     განწირნა ღმერთმან? არა უმეტესნი ქუეყანანი სპარსთანი მათ შემუსრნეს და მათ
Line of ed.: 12     შემოურთვან, და დღეს მ/ეექუსე თუე არს, რაჲთგან ასმიეს ჴმა ლაშქრობისა ჩუენისა;
Line of ed.: 13     ქცეულ არს კეისარი, რამეთუ ასმიეს შემოსლვა ჩუენი, და აწ მოახლებულ არს / ბრძოლად
Line of ed.: 14     ჩუენდა. აწ უკუე ყოველნი ნათესავნი უფალსა ღმერთსა მსახურებდით და დასცხერით
Line of ed.: 15     ვნებათაგან ეკლესიისათა".

Line of ed.: 16        და ვითარცა ესე ყოველი წარმოთქუა, განავლინა ქადაგი, რათა ყოველნი მოწესენი
Line of ed.: 17     გამოვიდენ სამალავთაგან მათთა, და ტყუენი განუტევნენ, და სადა-ცა ენებოს წარვიდენ. და
Line of ed.: 18     გამოვიდა სიმრავლე მღდელთა და დიაკონთა, მოწესეთა მონაზონთა და
Line of ed.: 19     ენკრატისთა, ქუაბებით და მთათაგან, და უმრავლესნი პონტო ქალაქით, რამეთუ შეიწრებულ
Line of ed.: 20     იყო / ქალაქი ოთხ თუე ოდენ.

Line of ed.: 21        და მათ თანა იყვნეს / ორნი კაცნი: პეტრე მღდელი, მოწაფეთაგან გრიგოლი
Line of ed.: 22     ღმრთის-მეტყუელისათა (რამეთუ საფლავსა მისსა ზედა მღდელობდა), და სამოელ მონაზონი.
Page of ed.: 164   Line of ed.: 1     წარდგეს წინაშე ვახტანგისსა მადლისა მიცემად განტევებისათჳს ტყუეთასა და
Line of ed.: 2     განთავისუფლებისათჳს ეკლესიათასა და მღდელთასა. და ვითარ წ/არმოთქუეს ლოცვა,
Line of ed.: 3     სთნდა მეფესა და მოიხილნა იგინი, და უბრძანა შემოსლვად ყოველთა ტყუეთა და
Line of ed.: 4     მოწესეთა, განტევებულთა მისგან უძლურთა, რამეთუ ყოველნი უძლურნი ქალაქით
Line of ed.: 5     გამოსრულ იყვნეს. უძლურთა მისცა საჴედრები და ჭაბუკთა სამ-სამი დრაჰკანი, და
Line of ed.: 6     განუტევნა. ხოლო პეტრე მღდელი და სამოელ მონაზონი მის თანა დაიჭირნა.

Line of ed.: 7        და ვითარ წარვიდეს სპანი იგი კარვად თჳსად, და მეფე შევიდა სერობად. რქუა
Line of ed.: 8     მეფემან პეტრეს: "სთნდა-მცა ღმერთსა საქმე ესე ჩემი, რამეთუ დავიცვენ ეკლესიანი და
Line of ed.: 9     განუტევენ / ტყუენი".

Line of ed.: 10        რქუა პეტრე: "იტყოდის მონა შენი წინაშე შენსა კადნიერად, ანუ მიგცემდე ქებასა
Line of ed.: 11     სიცრუვისასა".

Line of ed.: 12        რქუა მას მეფემან: "იტყოდე, რამეთუ არას ვეძიებ გარნა მხილებასა, რათა განვერნეთ
Line of ed.: 13     სიცრუვისაგან".

Line of ed.: 14        რქუა პეტრე: "ეკლესიანი ჴორცთანი უფროს არიან / წინაშე ღმრთისა, ვიდრე
Line of ed.: 15     ეკლესიანი ქვათანი. ეკლესია ქვათა ოდეს-მე დაირღუეს, და აღაშენიან მით-ვე ქვითა;
Line of ed.: 16     ხოლო ეკლესიანი ჴორცთანი ოდეს დაირღუენ, ვერ-ვინ შემძლებელ არს განკურნებად,
Line of ed.: 17     ვერ-ცა მკურნალი და ვერ-ცა მეფე. აწ რ/აოდენნი გუამნი კაცთა მართალთანი დაგიცემიან,
Line of ed.: 18     რომელსა იტყჳს სისხლისათჳს აბელისსა: ყოველი სისხლი ნოეს რღუნითა
Line of ed.: 19     განიწმიდა; და სისხლისა მისთჳს ზაქარიასსა, ბარუქის ძისა, მიუგო ყოველი შეურაცხება
Line of ed.: 20     ჰურიათა, ვითარცა იტყჳს ესაია: აღიღე და წარწყმიდე ყოველი წული მათი,
Line of ed.: 21     ტიტოს და სპასიანოსის მიერ. ანუ არა აღმოგიკითხავსა წიგნთაგან მოსესთა, რაჟამს
Line of ed.: 22     ისრაიტელმან ისიძვა უცხოსა თესლსა თანა, რა-ოდენი სული მოკუდა ერთისა მის
Line of ed.: 23     სიძვისათჳს? აწ უკუე სპათა შენთაგან რა-ოდენნი ქალწულნი განხრწნილ არიან,
Line of ed.: 24     ტაძარნი ღმრთისანი".

Page of ed.: 165  
Line of ed.: 1        და რქუა მეფემან; "არა ხედავ, ვითარ-იგი ივბიმიანოს დაცვისათჳს ეკლესიათასა
Line of ed.: 2     იყო ივლიანეს თანა უკეთურისა? და თუ დაბრკოლდეს კაცი, უმჯობეს არს დაცემა
Line of ed.: 3     სრულიად".

Line of ed.: 4        რქუა პეტრე: "არა დაბრკოლებულსა დაგცემ, არამედ დაცემულსა აღგადგინებ,
Line of ed.: 5     ვითარცა დავით საცთურისაგან ურიაჲსა; და არა მნებავს შენი, რათა იყო ვითარცა კაცი,
Line of ed.: 6     რომელი მარჯუენით იქმნ / და მარცხენით არღუევნ; და არ-ცა ვითარცა რომელნი
Line of ed.: 7     პირითა მათითა აკურთხევდენ, და გულითა მათითა სწყევდენ და აგინებდენ, არამედ
Line of ed.: 8     ვითარცა მეფენი კეთილად ჴსენებულნი რომელთა დაიპყრეს სოფელი ესე და სასუფეველსა
Line of ed.: 9     არა განეშორნეს: დავით, სოლომონ და კოსტანტინე, ივბიმიანოს და ყოველნი
Line of ed.: 10     მსგავსნი მათნი. ხოლო რა არს მსგავსება შენი ივბიმიანოსისსა, და ვინ არს შენ ზედა
Line of ed.: 11     უფალ, / რომელ-მცა ჴრმალი მისი იყო კისერსა შენსა ზედა, ვითარცა იგი ივბიმიანოსისსა
Line of ed.: 12     ივლიანესი? ანუ სადა გევნო შენ ვითარცა ივბიმიანოსს ივლიანესგან? ანუ
Line of ed.: 13     ვის ხედავს ღმერთი, რომელი შენ ზედა უფალ ყო და ჰქონდა-მცა პასუხი შენსა სიმართლესა
Line of ed.: 14     წინაშე ღმრთისა. არა უკუე შენ უფალ გყო ამათ ყოველთა ზედა, და შენ შეგიდგინა
Line of ed.: 15     / ყოველნი. ამიერითგან ითხოვოს ღმერთმან ყოველი ჴელთაგან შენთა საქმე
Line of ed.: 16     ბოროტისა, და შენ მიგაგოს არა თუ შეინანო".

Line of ed.: 17        რქუა მეფემან: "მნებავს განმართლება თავისა ჩემისა, ხოლო სიმართლით შენ
Line of ed.: 18     დამსაჯე უმსჯავროებასა ჩემსა".

Line of ed.: 19        რქუა პეტრე: "ვინათგან გზა ეც შეწამებად, / ცოდვა შენი განგეშორა შენგან.
Line of ed.: 20     ხოლო აწ გითხრა გულის-სიტყუა შენი: არა უმეცრებამან აღგძრა ბრძოლად ძეთა
Line of ed.: 21     ზედა ღმრთისათა, არამედ შუელისათჳს ნათესავისა შენისა სპარსთასა. და არა უწყი-ა,
Line of ed.: 22     რამეთუ ბერძენნი ნათესავნი ღმრთისანი არიან აღთქმისა მისთჳს, რაჟამს უწოდა მათ
Line of ed.: 23     შვილად ღმრთისა და მოსცა / მათ ბეჭედი, რომლითა შემუსრა ჯოჯოხეთი და არს
Line of ed.: 24     იგი ჯუარი?"

Page of ed.: 166  
Line of ed.: 1        რქუა მეფემან: "აწ რა გნებავს შენ?"

Line of ed.: 2        რქუა მას პეტრე: "მნებავს, რათა შენ მიერ აღგზებული ესე ცეცხლი შენ-ვე დაშრიტო
Line of ed.: 3     და მეგობარ იყო კეისრისა, ვითარცა დღესამომდე იყავ სპარსთა".

Line of ed.: 4        მიუგო მეფემან: "ესე მნებავს, რათა მიჩუენოთ ლოცვითა თქუენითა ამას ღამესა
Line of ed.: 5     კეისარი და მე შეკრებულნი, და რომელ ზრახვად არს ჩუენ შორის სიყუარულისა
Line of ed.: 6     ყოფა, და ვცნა მე, ვითარმედ სთნავს ქრისტესა ზრახვა ესე შენი ჩემდა მომართ".

Line of ed.: 7        რქუა პეტრე: "დამძიმდა თხოვა ესე შენი ჩემ ზედა, რამეთუ ესე არს კაცთა რჩეულთა,
Line of ed.: 7     რომელ არიან ვითარცა ანგელოზნი სრულითა სა/ქმითა, და არიან ამათ
Line of ed.: 8     კლდეთა შორის, და ესე-ვითარი მათგან ეგების საქმედ, რომელსა შენ ითხოვ. მეც მე
Line of ed.: 9     დრო, რათა წარვიდე და ვევედრო მათ, და უთხრა ბრძანება შენი, და ლოცვითა მათითა
Line of ed.: 10     აღესრულოს განზრახვა შენი; არამედ შეურაცხ გჳ/ჩნს თავი ჩუენი, რამეთუ კაცნი ვართ
Line of ed.: 11     ცოდვილნი, ნუ უკუე სილაღედ იხილოს ღმერთმან".

Line of ed.: 12        შერისხნა მას სამოელ მონაზონი და რქუა: "მღდელო, საქმესა ღმრთისასა ვითარცა
Line of ed.: 13     საქმესა კაცთასა ზრახავ. ანუ არა აღმოგიკითხავს-ა, ვითარ ეტყჳს ღმერთი პალეკარპოსს --
Line of ed.: 14     უკეთუ-მცა არა დაბრკოლდებოდეს ანგელოზნი კაცთა სათნოებისათჳს, ყოველთა-მცა
Line of ed.: 15     ქალაქთა შინა ჯუარს ვეცუ, რათა ყოველნი ვაცხოვნნე? ანუ-მე უფროს არს აქაბ,
Line of ed.: 16     მეფე ისრაელისა, მეფესა ქრისტიანეთასა, რომელსა ეტყჳს ესაია -- / ითხოვე სასწაული
Line of ed.: 17     სიმაღლედ, ანუ სიღრმედ, და მისთჳს თქუა: მიუდგეს ქალწული? ანუ ვინ რქუა ისრაიტელსა -- რა-ცა
Line of ed.: 18     ითხოვო სახელითა ჩემითა, მოგეცეს? ისო რქუა სამყაროსა ცისასა
Line of ed.: 19     "მოიქეც", და სამსა ჭდესა მოიქცა / იგი. აწ სიტყუა სიმდაბლისა შენისა კეთილ არს,
Line of ed.: 20     პეტრე, არამედ საბრკოლებელ არს მცირედ მორწმუნეთა კაცთა. ხოლო შენ, მეფეო,
Line of ed.: 21     მცირედ შეგუეწიენ ჩუენ სარწმუნოებითა, რამეთუ ლოცვამან ჭირვეულისა ამის / ქალაქისამან
Line of ed.: 22     ყოს ნება შენი" და წარვიდეს წმიდანი იგი სადგურად თჳსად.

Page of ed.: 167  
Line of ed.: 1        ხოლო მეფემან მყოვარ-ჟამ ილოცა და დაწვა, და მირულებასა შინა მისსა, აჰა,
Line of ed.: 2     უკუე მოვიდა დედა-კაცი იგი, რომელი იყო წმიდა ნინო, და რქუა: "აღდეგ, მეფეო,
Line of ed.: 3     და განკრძალულად მიეგებვოდე, რამეთუ ორნი მეფენი ზეცისა და ქუეყანისანი მოვლენ
Line of ed.: 4     შენდა" და რე-ცა მიხედნა და იხილა პირველ სახე ქალისა, ვითარ არს კოსტანტინეს;
Line of ed.: 5     და მიიწია იგი სწრაფით და იხილნა ორნი საყდარნი: ერთსა ზედა მჯდომარე ჭაბუკი,
Line of ed.: 6     საჭურველითა, გჳრგჳნოსანი; და მეორეთა საყდართა იხილა მოხუცებული მჯდომარე
Line of ed.: 7     ზეწრ/ითა სპეტაკითა, და თავსა ზედა ედვა გჳრგჳნი ნათლისა, არა ოქროსა, და
Line of ed.: 8     ფერჴთა მისთა თანა ჯდა ნინო; და ჴელი ვახტანგისი მარჯუენა ეპყრა პეტრეს მღდელსა
Line of ed.: 9     და მარცხენა სამოელს მო/ნაზონსა. და რქუა სამოელ: "შეუვრდი პირველად დიდსა
Line of ed.: 10     იმას / მთავარსა ზეცისასა გრიგოლის". მივიდა და თაყუანის-ცა. და რქუა გრიგოლი:
Line of ed.: 11     "რა ესე ჰყავ ბოროტი, კაცო, რამეთუ მოაოჴრე ბანაკი ჩემი და მჴეცთა შეაჭამენ
Line of ed.: 12     საცხოვარნი ჩემნი. უკეთუ-მცა ორნი ეგე არა, რომელნი გუერდით გიდგან, და დედა-კაცისა
Line of ed.: 13     ამისთჳს სათნოსა, რომელი მარადის იღუწის მარიამის თანა თქუენთჳს, -- შურ
Line of ed.: 14     ვიგე-მცა შენგან, ვითარცა მამათა შენთაგან, რომელნი ესვიდეს ცეცხლსა შემწუელსა და
Line of ed.: 15     არა ბრწყინვალებასა განმანათლებელსა ყოველთასა". და მისცა ჴელი და ამბორს-უყო,
Line of ed.: 16     რე-ცა და მიჰყო ჴელი გჳრგჳნსა ნათლისასა, რე-ცა ეგე-ვითარი-ვე გჳრგჳნი მისცა ვახტანგს,
Line of ed.: 17     და რქუა: "დაარქუ ეგე პეტრეს." და აღიღო პეტრე მის-ვე გჳრგჳნისაგან რე-ცა
Line of ed.: 18     უდარესი, და დაარქუა სამოელს მონაზონსა. და რქუა ნინო ვახტანგს: "აწ უკუე მივედ
Line of ed.: 19     მეფისა და მიიღე ნიჭი შენი" მივიდა მეფისა, და ამბორს-უყვეს ურთიერთას, და
Line of ed.: 20     ადგილ-სცა საყდართა თჳსთა, და დაისუა იგი თა/ნა. და მისცა ბეჭედი ჴელ/ისა მისისაგან,
Line of ed.: 21     რომლისა იყო თუალი ფრიად ნათელი, და რქუა კეისარმან: "უკეთუ გნებავს,
Line of ed.: 22     რათა მოგცე გჳრგჳნი, აღუთქუ ვინ ესე დგას ჩუენ ზედა, რათა ჰბრძოდი მტერთა მისთა
Page of ed.: 168   Line of ed.: 1     და მიიღე მისგან გჳრგჳნი". მოიხილა ვახტანგ და იხილა ჯუარი, რომელსა ფრთეთა
Line of ed.: 2     მისთა ზედა აქუნდა გჳრგჳნი, და უმეტესად ხილვამან ჯუარისამან დასცა შეძრწუნება,
Line of ed.: 3     რამეთუ უსაშინელეს იყო ზარი მისი, და დადუმნა. ხოლო აღდგა ნინო და მიხედნა
Line of ed.: 4     პეტრეს კერძო და სამოელისა, და ერთითა პირითა თქუეს: "ჩუენ ვართ თავს-მდებნი,
Line of ed.: 5     ვითარმედ უმეტეს ყოველთასა წარემართოს, ჵ ჯუარო უძლეველო". და მიჰყო ჴელი
Line of ed.: 6     კეისარმან, და მოიღო გჳრგჳნი ჯუარისაგან, და დაარქუა გჳრგჳნი იგი ვახტანგს
Line of ed.: 7     თავსა.

Line of ed.: 8        და იწყეს გამოსლვად, რე-ცა ჴმა ყო ეპისკოპოსმან სამ-გზის, და რქუა: "ვახტანგ,
Line of ed.: 9     ვახტანგ, ვახტანგ! / უმეტეს მორწმუნე იყო შენ ყოველთა შორის ნათესავსა სპარსთასა".
Line of ed.: 10     მეორედ: "შენგან აღეშენენ ეკლესიანი და განეწესნენ ეპისკოპოსნი და ეპი/სკოპოსთა
Line of ed.: 11     მთ/ავარი". და მესამედ: "გჳრგჳნი-ცა წამებისა მიიღო" და გამოვიდა, რე-ცა
Line of ed.: 12     მოუწოდა ძილსა-ვე შინა პეტრეს და სამოელს, და უთხრობდა ძილსა-ვე შინა ჩუენებასა,
Line of ed.: 13     და იგინი აუჴსნიდეს: "რომელი-იგი იხილე საყდართა ზედა გჳრგჳნოსანი ნათლითა,
Line of ed.: 14     იგი არს დიდი მოძღუარი გრიგოლი; და მან რომელ მომცა მე გჳრგჳნისა მისგან,
Line of ed.: 15     მომცა ეპისკოპოსთა მთავრობა; და მე რომელ მივეც გჳრგჳნისა ჩემისაგან მოყუასსა
Line of ed.: 16     ჩემსა, ჩემ მიერ ყოფად არს ეპისკოპოსად; და რომელ ნახე გჳრგჳნითა ოქროსათა
Line of ed.: 17     ჭურვილი, იგი არს კეისარი; და რომელ მოგცა შენ ბეჭედი, მოგცეს შენ ასული
Line of ed.: 18     ცოლად, და ყოველი საზღვარი ქართლისა მისგან უკ-მოღებული მოგცეს; ხოლო
Line of ed.: 19     გჳრგჳნი ჯუარისაგან რომელ მოგცა, ვრცელნი ღუაწლნი გარდაიჴადენ შეწევნითა
Line of ed.: 20     ჯუარისათა; ხოლო მოძღუარმან ჩუენმან რომელ სამ-გზის გიჴმო, სამნი ნიჭნი გითხოვნა
Line of ed.: 21     ღმრთისაგან, რათა შენ მიერ ჭეშმარიტება დაემტკიცოს ქარ/თ/ლისა კათალიკოსთაგან
Line of ed.: 22     და ეპისკოპოსთა, და სძლევდე მ/ტერთა ვიდრე დღედმდე აღსრულებისა შენისა. ხოლო
Line of ed.: 23     აღსრულებასა შენსა გჳრგჳნი წამებისა მიიღო ბრძოლასა შინა, ჴელთა მტერთასა არა
Line of ed.: 24     შეჰვარდე. ესე ყოველი აღესრულოს ვიდრე მოუძლურებადმდე შენდა და სიბერედმდე".

Page of ed.: 169  
Line of ed.: 1        ვითარცა განიღვიძა მეფემან ვახტანგ, მადლობდა ღმერთსა, რომელმან ყოველი-ვე
Line of ed.: 2     გამოუცხადა, და მოუწოდა მსწრაფლ პეტრეს და სამოელს, და რქუა: "რა იხილეთ?"
Line of ed.: 3     ხოლო მათ რქუეს: "იტყოდე, მეფე: ერთი მარჯუენით და ერთი მარცხენით ვდეგით,
Line of ed.: 4     რაჟამს შენ საყდართა მსხდომარეთა წინაშე კეისრისა და ღმრთივ-გამომეტყუელისა
Line of ed.: 5     სდეგ; და კუალად იგი-ვე დედოფალი ჩუენი დაამშჳდებდა მოძღუარსა მას განძჳნებულსა
Line of ed.: 6     შენ ზედა, და მიგცემდა შენ ჴელთა მისთა"

Line of ed.: 7        და რქუა მათ მეფემან: "დუმენით, წმიდანო, რამეთუ ყოველი-ვე ჩემ თანა გიხილავს.
Line of ed.: 8     აწ ვითარ გნებავს თქუენ ქალაქისა ამის საქმე, რომელი შემუ/სრვად მიწევნულ
Line of ed.: 9     არს? ანუ რა ვყოთ ტყჳსა ამისთჳს, რომელი უმეტეს არს ბევრ / ათასისა, რომელი
Line of ed.: 10     არს ჴელთა ჩუენთა? აწ უკუე სწ/რაფით განვიდეს აქათ ქადაგი, ვითარმედ სპარსთა
Line of ed.: 11     მეფე წარმომართებულ არს ქუეყანად ჯაზირეთად, და გამოვლეს ფილისტიმი კუალსა
Line of ed.: 12     მეფისა კეისრისასა, რომელმან მოაოჴრა ქუეყანა სპარსთა, და სპარსთა მეფემან ვერ
Line of ed.: 13     უძლო ბრძოლად. ხოლო კეისარმან ვითარცა ცნა, ვითარმედ ჩუენ მოვედით ქუეყანასა
Line of ed.: 14     მათსა, მოისწრაფის ბრძოლად ჩუენდა, და ვხედავთ რე-ცა სპარსთა მეფე მოვალს ძალად
Line of ed.: 15     ჩუენდა. და ვიცით, ვითარმედ სპანი სპარსთანი სომხითისა და ქართლისა სპათა
Line of ed.: 16     უმრავლეს არიან, და არა-ვინ არს ჩუენ შორის ჭეშმარიტი მორწმუნე; რომელნი
Line of ed.: 17     დანერგნა მამამან ჩუენმან მირიან, გინა თრდატ, დედით ნათესავმან ჩემმან, აქა ამათ
Line of ed.: 18     ყოველთა სარწმუნოება ვიცით, რამეთუ სავსე არს საცთურითა. / ნუ უკუე გამოცხადებასა
Line of ed.: 19     საქმისა ჩემისასა განწყრეს დედის ძმა ესე ჩემი, და ვეწყვნეთ ურთიერთას და
Line of ed.: 20     ვიქმნეთ საცინელ ყოველთა მტერთა ჩუენთა. არამედ ესე ვყო, რე-ცა მოვიდენ სპანი
Line of ed.: 21     ჩუენნი / და მაუწყონ ჩუენ მოსლვა კეისრისა, და მას ზედა უკუ-ვრიდოთ ჩუენ.
Page of ed.: 170   Line of ed.: 1     / პირველ-ვე საქმე ესე ვაუწყოთ, ოდეს მოვიდეს და მოგუეახლოს ჩუენ კეისარი; მაშინ
Line of ed.: 2     ვითარცა იზრახოს სიწმიდემან შენმან, ეგრეთ ვყოთ და არ-ცა ერთი ტყუეთა მისთაგანი
Line of ed.: 3     დააკლდეს".

Line of ed.: 4        და წარვიდა პეტრე კეისრისა, ხოლო სამოელ დადგა წინაშე მეფისა. ხოლო
Line of ed.: 5     ხვალისა დღე მოვიდა რე-ცა დიასპანი და უქადაგა მეფესა, ვითარმედ სპანი ბერძენთანი
Line of ed.: 6     შემოვიდეს კოსტანტინეპოლედ და მოუწოდა მეფემან ვახტანგ დედის ძმასა თჳსსა და
Line of ed.: 7     ყოველთა მეფეთა, და რქუა: "რასა იტყჳთ, რამეთუ უწყით სიმრავლე სპათა ბერძენთა,
Line of ed.: 8     და ვერაგობა წყობისა მათისა, და სიმარჯუე ზღუათა შინა ნავებითა. ესე-რა შევიდეს
Line of ed.: 9     იგინი სპარსეთს, ქუეყანასა გმ/ირთა და გოლიათთასა, და მათ ვერ უძლეს წყობად.
Line of ed.: 10     აწ მეშინის, ნუ უკუე სპანი ნავებითა მოვიდენ, შეიპყრან გზა ჩუენი და მოგუწყჳდნენ
Line of ed.: 11     ჩუენ, ვითარცა ბაკსა შინა. არამედ აღვდგეთ აქათ და დავიბანაკოთ ზღუასა სამხრით
Line of ed.: 12     კერძო, რათა გუაქ/უნდეს ჩუენ გზა ჭირისა და ლხინისა".

Line of ed.: 13        აღიყარა ლაშქარი გარემოს ქალაქისა, და ვლეს ხუთისა დღ/ისა სავალი სამხრით
Line of ed.: 14     კერძო, და დადგეს სპერით კერძო და განვიდეს მყოფნი ქალაქისანი, მიწევნულნი
Line of ed.: 15     სიკუდილად, და მისცეს მადლი ვახტანგს, და მისცეს ძღუენი ათასი ლიტრა ოქრო და
Line of ed.: 16     ხუთასი თავი სტავრა, და განვიდა ერი იგი მშჳდობით სავაჭროსათჳს და საჴმრისა.

Line of ed.: 17        ხოლო ვითარცა მივიდა პეტრე წინაშე მეფისა კეისრისა, და უთხრა ყოველი
Line of ed.: 18     იგი. ხოლო კეისარმან განიხარა ფრიად, და ყოველი რომელი ეხილვა ჩუენებასა შინა,
Line of ed.: 19     მისცა მას ზედა ნება ვახტანგს. და წარმოავლინა პეტრე მღდელი, და მიუმცნო
Line of ed.: 20     აღ/თქმითა და ფიცითა ძლიერითა, რათა სწორ იყოს მეფობისა მისისა. არამედ
Line of ed.: 21     ორთა-ვე. სპათა დასცნენ სპარსნი, რომელნი იყვნეს ვახტანგის თანა, არა აღვიდენ
Line of ed.: 22     საბრძანებელთა მათთაგან, ოდეს შეეკრბენ ვახტანგ და იგი. ხოლო ვიდრე პეტრე და
Page of ed.: 171   Line of ed.: 1     მოციქულნი მოვიდოდეს ვახტანგისსა, კეისარი შემოვიდა კოსტანტინედ და წარმოავლინა
Line of ed.: 2     ხუთასი დრომონი, რომელსა შინა ისხდა ხუთას-ხუთასი კაცი, და უბრძანა, რათა
Line of ed.: 3     მ/იეახლნენ ვახტან/გს და დადგენ თჳნიერ ბრძოლისა. და წარმოემართა კეისარი გზასა
Line of ed.: 4     პონტოსასა რვაასი ათასითა კაცითა. და ვითარ მოეახლნეს სპანი იგი ზღჳსანი, უნდა
Line of ed.: 5     სპარსთა წყობა მათი, ხოლო მეფე აყენებდა, და არა მიუშუნა ბრძოლად.

Line of ed.: 6        ხოლო ვითარცა შეართუეს ძღუენი მოციქულმან კეისრისამან და პეტრე, ჰქონდა
Line of ed.: 7     სიტყუა საიდუმლო და კუალად ჰქონდა სიტყუა საერო. და თქუა ცხადად, ვითარმედ:
Line of ed.: 8     "ნუ ივლტი, დადეგ ვიდრე ჩემად მოსლვამდე, რათა რომელნი-ეგე შენ / თანა არიან
Line of ed.: 9     სპარსნი, რომელნი დაგურჩეს შესლვასა ამას ჩუენსა სპარსეთს მოუწყუედელად, მოვსწყჳდნეთ
Line of ed.: 10     ეგენი-ცა".

Line of ed.: 11        ხოლო საიდუმლოდ მოართუეს მას ჯუარი და გჳრგჳნი შუა-მდგომელად, და შესამოსელი
Line of ed.: 12     ტანისა მისისა, და თქუა: "რა შევკრბეთ, მიგცე ციხე თუხარისი და საზღვარნი
Line of ed.: 13     ქართლისანი". ხოლო მისცა ვახტანგ მეფემან პასუხი საეროდ, ვითარმედ: "არა რომლისა
Line of ed.: 14     მიზეზისათჳს მოვედით აქა, გარნა წყობისა შენისათჳს, აწ მოვედ აქა, და თუ
Line of ed.: 15     არა, ჩუენ მოვიდეთ კოსტანტინედ" და ფარულად ამცნ/ო და რქუა: "რომელი არა შუენის
Line of ed.: 16     შენსა ღმრთის-მოყუა/რებასა, რომელი შენ არა ჰყო, სხუასა ნუ აწუევ, რამეთუ
Line of ed.: 17     ღადრობა არა ჴელ არს კაცთა პატიოსანთა. დაღათუ აწ შენ მიგცნე სპარსნი, არა უკუე
Line of ed.: 18     განცრუვდესა სახელი ჩემი და უმეტეს ჩუენსა აქუს მრავალთა მათგანთა სიყუარული
Line of ed.: 19     ქრისტესი, არამედ შიშისაგან მათისა ვერ გამოაცხადებენ აწ ბრძანე, რათა / საქმე ესე
Line of ed.: 20     ჩუენი მშჳდობით ვყოთ, ვითარცა ივბიმიანოს და ყოველთა სპარსთა. ხოლო შემდგომად
Line of ed.: 21     ამისსა, რაჟამს გაწყდეს საქმე ჩუენი უმარჯუესადრე შევყარნე იგინი ჴელსა შენსა და
Line of ed.: 22     ნუ-მცა-რა იქმნების საქმე უშუერი, და ნუ-ცა საქმე შფოთისა თქუენ მიერ, რათა არა
Line of ed.: 23     დაეცნენ პირითა მახჳლისათა ერნი თქუენნი, რამეთუ ერნი თქუენნი განლაღებულ
Page of ed.: 172   Line of ed.: 1     არიან ჯობნასა ზედა სპარსთასა, ხოლო სპარსნი არა-ვე შეშინებულ არიან არამედ
Line of ed.: 2     შურითა თქუენითა წადიერ არიან წყობასა: ანუ-მცა მოკუდეს, ანუ-მცა იძიეს შური
Line of ed.: 3     სისხლთა მათთა. ხოლო სპანი ესე შენნი თუ მიღმა/რთ ჰბრძვანან, მე-მცა უბრალო ვარ".

Line of ed.: 4        და წარვიდა მის თანა მოციქულად ვარაზ-მიჰრ, მამა-მძუძისა მისისა ძმა, / და
Line of ed.: 5     სამოელ მონაზონი. ხოლო კეისარი მოწევნულ იყო პონტოდ ქალაქად, და პონტოელნი
Line of ed.: 6     გამოსრულ იყვნეს მიგებებად, და შეასხმიდეს ქებასა და ვახტანგ მეფისა მადლობასა,
Line of ed.: 7     რამეთუ უკურიდა მათ და არა მისცნა იგინი სიკუდილად. ვითარცა მიიწივნეს მოციქულნი
Line of ed.: 8     ვახტანგ მეფისანი ქალაქად, მიართუეს ძღუენი ათასი მუთაკალი მუშკი, ხუთასი
Line of ed.: 9     ამბარი და ათასი ლიტრა ალვა. და განსრულ იყო გუნდი მეფისა ვახტანგისი ალაფობად,
Line of ed.: 10     და მიეტევნეს მათ მკჳრცხლნი ბერძენთანი, და მათ თანა შეკრებულნი ჴევთა
Line of ed.: 11     და ქალაქთა მჴედარნი ვითარ სამასი ათასი.

Line of ed.: 12        ხოლო ვახტანგ მეფე აყენებდა მიიძულებად სპათა მათ მეალაფეთა, ვიდრე არა
Line of ed.: 13     მივიდა დედის ძმა მისი, ერის-თავი სპარსთა, და რისხვით რქუა ვახტანგს: "ჵ გუელო
Line of ed.: 14     და ნათესავო ასპიტისაო! არა უწყი-ა, რამეთუ დედა მამისა შენისა ბერძენი იყო, ნათესავი
Line of ed.: 15     / ივბიმიანოსისი? და გძლო შენ ბუნებამან მამის დედისა შენისამან, და სიყუარული
Line of ed.: 16     ჯუარ-ცმულისა მის კაცისა მომკუდარისა გიპყრიეს, და გნებავს შეყენება ჩუენი
Line of ed.: 17     ჴელსა ბერძენთასა" ხოლო ვახტანგ რქუა: "აჰა, შენ და ბერძენნი, და იხილო ძალი
Line of ed.: 18     კაცისა მის მომკუდარისა / და ცოცხლისა მის / სასოსა შენისა". და სცეს საყვირსა
Line of ed.: 19     და განვიდეს ყოველი სომხითი და სპარსნი და მეფე დარუბანდისა. ხოლო მეფე
Page of ed.: 173   Line of ed.: 1     ვახტანგ და ქართველნი განვიდეს ხედვად და დადგეს და აღჯდა მეფე პილოსა ზედა
Line of ed.: 2     თეთრსა, და ეწყვნეს იგინი ზღჳს-კიდესა მას, რომელ არს ჭალაკი, რიყე ხერთვისისა.
Line of ed.: 3     მისლვამდე სპარსთა ლაშქრისა მოეკლა ბერძენთა ერისა მისგან ოცდაშჳდი ათასი, და
Line of ed.: 4     განძლიერდა ბრძოლა, და მოკლეს დედის ძმა ვახტანგისი, ერის-თავი სპარსთა და
Line of ed.: 5     მოკლეს იპაჯაჯ, მეფე ლეკთა, და მრავალნი ერის-მთავარნი, და იძლია ბანაკი აღმოსავლეთისა.
Line of ed.: 6     იყო ბერძენთა სპასალარი პალეკარპოს ლოღოთელი, დის-წული მეფისა
Line of ed.: 7     და იყო იგი ძლიერი, და მას მოეკლნეს ძლიერად მბრძოლნი სპარსთანი და ესე-ცა
Line of ed.: 8     ერის-თავი მან-ვე მოკლა.

Line of ed.: 9        მაშინ გარდამოჴდა მეფე ვახტანგ ეტლთაგან და თქუა: "არა რომელი ჩუენ გჳნდა,
Line of ed.: 10     გარნა რომელი ღმერთსა სთნდა, რამეთუ ჩუენ ვიტყოდ/ით მშჳდობასა, არამედ სილაღემან
Line of ed.: 11     სპარსთამან / აგინა ღმერთსა, და ღმერთმან შურ-იგო, და მოკლეს ერის-თავი
Line of ed.: 12     რანისა. რომლისა/თჳს ყოველი სპარსეთი ვითარცა მოოჴრებასა სპარსეთისასა იგლოვს
Line of ed.: 13     აწ დამდაბლდა სილაღე სპარსთა, მოიყვანეთ ჯუარი და წარვიძღუანოთ, რათა რომლითა
Line of ed.: 14     გუძლევდენ მით-ვე იძლივნენ, და იქმნენით ძედ ძლიერებისად, და ნუ-ვინ ბრძავთ
Line of ed.: 15     ურთიერთას სხჳსა მიერ, და ნუ ეძიებთ ძლევასა მტერთასა; არამედ იყვნენ ჴელნი
Line of ed.: 16     თქუენნი ვითარცა ჴელნი ჩემნი, რათა არა ვიძლივნეთ სრულიად. არა ხოლო თუ აქა
Line of ed.: 17     ვდევნნეთ, არამედ ვიდრე ადარბადაგანამდე, ვითარცა იდევნიან ყორანნი მართუეთაგან
Line of ed.: 18     თჳსთა".

Line of ed.: 19        და მოიყვანა პეტრე მღდელმან ჯუარი, და რქუა მეფემან: "დადეგ წინაშე პირსა
Line of ed.: 20     მტერისასა და ერისა ჩუენისასა, და არქუ ყოველთა -- "თაყუანის-ეცით ჯუარსა და
Page of ed.: 174   Line of ed.: 1     ვსძლოთ მტერსა" და რომელმან არა თაყუანის-ცეს, მოკალთ" და უბრძანა დემეტრეს,
Line of ed.: 2     ერის-თავსა თჳსსა, და ჯუანშერს სპასპეტსა, რათა მიჰყვენ ჯუარსა თანა. და ქადაგი
Line of ed.: 3     ჴმობდა ძლიერად: "რომ/ელმან არა თაყუანის-ცეს ჯუარსა, მოკუედინ" / და მივიდოდეს
Line of ed.: 4     ყოველნი ერნი, და თაყუანის-ცემდეს და დადგებოდეს წინაშე ჯუარსა. ხოლო ბორ/ზო
Line of ed.: 5     მოვაკნელმან მეფემან თქუა: "არა დაუტეობ ნათელსა შემწუელსა, და არა თაყუანის-ვცემ
Line of ed.: 6     ძელსა მაშმელსა, რომელი განშუენებულ არს ოქროთა და ანთრაკითა", და სცა
Line of ed.: 7     მას ლახუარი ჯუანშერ სპასპეტმან, და დაეცა მძორი მისი. მიერითგან არღარა-ვინ
Line of ed.: 8     იკადრა გმობად ჯუარისა, და აღთქმით ეტყოდა ერი იგი მეფესა ვახტანგს: "უკეთუ
Line of ed.: 9     შემეწიოს ჩუენ ჯუარი, არღარა იყოს ჩუენდა სხუა ღმერთი გარნა ჯუარ-ცმული".

Line of ed.: 10        და გარდაჴდა მეფე და თაყუანის-ცა მას, და ყოველმან ერმან მის თანა და თქუა
Line of ed.: 11     მეფემან: "აჩუენე ძალი შენი ერსა ამას შენსა ურწმუნოსა, რათა მოიყვანნე სარწმუნოებად,
Line of ed.: 12     უფალო ღმერთო, მორწმუნენი შენნი; დაღაცათუ მოკუდენ, არამედ ცოცხალ
Line of ed.: 13     არიან, და ცხოველნი შენნი შენ ცხოველისაგან ძლიერ არიან. და სპანი იგი ბერძენთანი
Line of ed.: 14     გამოვიდეს ვითარცა ელვა. ხოლო პალეკარპოს ვითარცა მგელი სი/სხლითა
Line of ed.: 15     აღმოსრვილი და ვი/თარ-ცა ლომი განძჳნებული მოიზახდა და შეურაცხ-ჰყოფდა სპათა
Line of ed.: 16     მათ. ხოლო მეფემან რქუა: "ვინ არს თქ/უენ შორის კაცი, რომელი ეწყოს იმას და
Line of ed.: 17     სწორ იყოს მეფობისა ჩემისა". წარვლო ქადაგმან ორ-გზის, და ვერ-ვინ იკადრა ყოვლად
Line of ed.: 18     სიტყუად.



Next part


This text is part of the TITUS edition of Kartlis Cxovreba.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.