TITUS
Kartlis Cxovreba
Part No. 48
Previous part

Part: IV  
Page of ed.: 174  
Line of ed.: 19  
აქა ვახტანგ გორგასლისა და პალეკარპოს ბერძენთა სპასპეტისა
Line of ed.: 20  
ომი და მოკლვა პალეკარპოსისი ვახტანგისაგან


Line of ed.: 21        მაშინ თქუა ვახტანგ: "არა ძალითა განძლიერდების კაცი, არამედ ღმერთმან
Line of ed.: 22     მოსცის ძალი. და მე ვესავ ძალსა შენსა, და ვითარცა დავით განვალ ნიშითა
Page of ed.: 175   Line of ed.: 1     ჯუარისათა; მომეც ძალი ვითარცა დავითს გოლიათსა ზედა, რამეთუ ესე-ცა მაყუედრებელად
Line of ed.: 2     და შეურაცხებით მოუჴდა ჯუარსა შენსა; რაჟამს იხილა ჯუარი აღმართებულად
Line of ed.: 3     ძალად ჩუენდა, არა ივლტოდა მისგან, არამედ სასოებითა ძალისა მისისათა განვიდეს
Line of ed.: 4     ბრძოლად" და თქუა: "იხილი, ღმერთო, ამპარტავანი და დაამდაბლი; კუალად იხილი
Line of ed.: 5     ჭირვეული და იჴსნი. ხოლო ისი შეურაცხად მიჩნს და არა მეშინის, რამეთუ ძალი
Line of ed.: 6     შენ მიერ მოცემული დიდ არს, რომლითა ვსძლო; არამედ მეშინის მე შენგან, რამეთუ
Line of ed.: 7     მდაბალთა ჴმანი ისმინნი და შენ გხადი შემწედ ჩემდა".

Line of ed.: 8        აღმოიჴადა ჴრ/მალი და შეამთხჳა ჯუარსა, და განვიდა შორის განწყობი/ლთა მათ,
Line of ed.: 9     და თქუა: არა ჰბრძავნ ლომი ჴარსა, რამეთუ მე მეფე ვარ და შენ მონა, არამედ დავდვა
Line of ed.: 10     თავი ჩემი / ერისა ამისთჳს სიმდაბლით, რათა რწმენეს ძალი ჯუარისა". და მოეტევა
Line of ed.: 11     პალეკარპოს. ხოლო ვახტანგ მსუმრიად და ნებასა მიეახლებოდა. და აღიზახნეს ორთა-ვე
Line of ed.: 12     მათ განწყობილთა ჴმითა საშინელითა, და იყო ჴმა იგი ვითარცა ჴმა ქუხილისა,
Line of ed.: 13     რომლითა შეიძრა ქუეყანა. და დასცა ლახუარი პალეკარპოს ფარსა ვახტანგისსა,
Line of ed.: 14     რომელი იყო ვიგრის ტყავისა, და განავლო ფარსა ვითარ წყრთა ერთი, რამეთუ იყო
Line of ed.: 15     სიმსხო ლახურისა ვითარ მკლავი კაცისა. და მისცა ფარი იგი მეფემან ლახუარსა
Line of ed.: 16     მისსა, და მიეტევა პირისპირ, და სცა ჴრმალი ჩაბალახსა ზედა და განაპო თავი მისი
Line of ed.: 17     ვიდრე ბეჭთამდე. და მიჰყო ჴელი და უპყრა თავისა მისისა ნახევარი, და მოიღო წინაშე
Line of ed.: 18     ჯუარისა, და თქუა: "ყოვლისა განდგომილისა შენისა ესე იყავნ ნა/წილი".

Line of ed.: 19        და მიეტევნეს სპანი ვახტანგისნი სპათა ბერძენთასა, და აოტნეს იგინი, და
Page of ed.: 176   Line of ed.: 1     აღიჭრნეს გუნდ-გუნდად, და მიაწყუდინეს ზღჳს-პირსა; და არა-ვინ განერა მათგანი,
Line of ed.: 2     გარნა რომელი შეესწრა / ზღუად და ივლტოდეს ნავითა. მას დღესა შინა მოსწყდა
Line of ed.: 3     სპათაგან ვახტანგისთა ორმოცდასამი / ათასი, და სპათაგან ბერძენთასა მოსწყდა
Line of ed.: 4     სამოცდათორმეტი ათასი; და შეიპყრეს ტყუედ მათგანი ას ოცდახუთი ათასი.

Line of ed.: 5        და ვითარცა მოიქცეს სპანი იგი ვახტანგისნი და მივიდეს გუამსა ზედა ვარაზ-ბაკურისსა,
Line of ed.: 6     ვახტანგის დედის ძმისასა, იგლოვეს და შემურეს იგი საბრითა და მურითა,
Line of ed.: 7     და წარსცეს ბარდავად.

Line of ed.: 8        ხოლო მეფემან ვახტანგ მოუწოდა ყოველთა სპათა, და უბრძანა მოყვანება ყოველთა
Line of ed.: 9     ტყუეთა, და მოიყვანნეს დაუკლებელად: და იყო ერთ-რიცხვად ყოველი მამაკაცი
Line of ed.: 10     და დედა-კაცი შჳდას ოთხმოცი ათასი. და წარსცა იგი ყოველი წინაშე კეისრისა, ჴელითა
Line of ed.: 11     ნასრესითა და ადარნასე/სითა, ერის-თავთა მისთათა. და მიწერა წიგნი, ვითარმედ:
Line of ed.: 12     "სიბრძნე ღმრთისა მიუწდომელ არს, და სიბრძნესა კაცთასა და ნებასა სძლევს ნება
Line of ed.: 13     ღმრთისა. მე უწყი, რამეთუ არა არს ნება შენი საქმესა ამას, რომელი-ესე იქმნა
Line of ed.: 14     პალეკარპოსისაგან, არ-ცა თუ იყო ნება ჩემი, რომელი-ესე ქმნა დედის ძმამან ჩემმან,
Line of ed.: 15     და ორნი-ვე ესე ძჳრის-მოქმედნი ძჳრმან-ვე მოინადირნა. ამისთჳს ყო ესე ღმერთმან,
Line of ed.: 16     რათა ახალ-ნერგნი ესე მოიყვანნეს / სარწმუნოებად შიშსა მისსა, ვითარცა იგი უძღებისა
Line of ed.: 17     შვილისათჳს ყო საქმე განსაცხრომელი. / ხოლო თქუენ პირმშონი შვილნი ხართ
Line of ed.: 18     ღმრთისანი, და მარადის მისნი ხართ აწ მწუხარება ესე დედის ძმისა ჩემისა, დის-წულისა
Line of ed.: 19     თქუენისა მიერ ნუგეშინის-ვეც, რაჟამს ვიძიე შური მკლველთა მისთა ხოლო
Line of ed.: 20     თქუენ ნუგეშინის-გეცით ერისა ამისთჳს, რომელი იჴსნა ღმერთმან შჳდას ოთხმოცი
Line of ed.: 21     ათასი. და უკეთუ ბრძანებდე მიმთხუევად ჩემდა, გამოისწრაფე; და უკუეთუ არა მოციქულითა
Page of ed.: 177   Line of ed.: 1     განაგე საქმე ჩუენი. რამეთუ დამძიმდა დგომა ჩუენი ქუეყანისა / ამისთჳს
Line of ed.: 2     მოოჴრებულისა".

Line of ed.: 3        ხოლო ვიდრე მისლვამდე მოციქულთა ფრიად მწუხარე (!) იყო კეისარი. არამედ
Line of ed.: 4     რაჟამს უთხრეს, ვითარმედ ტყუე პირველ შეპყრობილი და ტყუე ერისაგან მეოტისა
Line of ed.: 5     ყოველი დაუკლებელად განუტეობია, მაშინ განიხარა ფრიად და ყოველთა დაუტევეს
Line of ed.: 6     მწუხარება. და შეჯდა მეფე ნავსა და განვიდა სამასითა დრომონითა, სუბუქად გამოვიდა
Line of ed.: 7     ზღჳს-კიდესა, და მოუწოდა ვახტანგს; და ყვეს ურთიერთას აღთქმა და ფიცი, და განაგეს
Line of ed.: 8     საქმე წინდობისა. და უკუ-მოსცა კეისარმან საზღვარი ქართლისა, ციხე თუხარისი
Line of ed.: 9     და კლარჯეთი / ყოველი, / ზღჳთგან ვიდრე არსიანთამდე, და ჴევნი რომელნი მოსდგმანან
Line of ed.: 10     ღადოთა.

Line of ed.: 11        და გამოიკითხა კეისარმან საზღვარი საბერძნეთისა, ქუეყანა ზღჳს-პირისა, რომელ
Line of ed.: 12     არს აფხაზეთი, და რქუა ესრეთ: "ეგრის-წყლითგან ვიდრე მდინარედმდე მცირისა
Line of ed.: 13     ხაზარეთისა -- ესე საზღვარი არს საბერძნეთისა ალექსანდრობითგან, რომელი აწ შენ
Line of ed.: 14     მიგიღია მკლავითა ჩუენგან. აწ იგი უკუ-მოგუეც, და ოდეს წარიყვანე/ბდე ცოლსა
Line of ed.: 15     შენსა, ასულსა ჩემსა, მაშინ მოგცე მისგან ქუეყანა" და დაუწერა ეგრის-წყალსა და
Line of ed.: 16     კლისურასა შუა ქუეყანა ზითვად, და სხუა აფხაზეთი უკუ-სცა ვახტანგ ბერძენთა.

Line of ed.: 17        და წარმოვიდა ვახტანგ გზასა კლარჯეთისასა, და სპანი მისნი განუტევნა გზასა
Line of ed.: 18     სომხითისასა. და ვითარ მოიწია თუხარისად, მიხედნა და შეუყუარდა ციხე, და თქუა:
Line of ed.: 19     "ჭეშმარიტად თუ ხარ შენ ციხე" და ვითარცა წარმოვიდა, იხილა კლდე შუა კლარჯეთსა,
Line of ed.: 20     რომელსა სოფელსა ერქუა არტანუჯი. და მოუწოდა არტავაზს, ძუძუს-მტესა მისსა,
Line of ed.: 21     და დაადგინა იგი ერის-თავად; და უბრძანა, რათა ააგოს ციხე არტანუჯისა; და უბრძანა,
Line of ed.: 22     რათა გამონახოს ჴევსა მას შ/ინა ადგილი სამონასტრე და აღაშენოს ეკლესია, და
Page of ed.: 178   Line of ed.: 1     ქმნეს მონასტრად, / ვითარცა ეხილვნეს მონასტერნი საბერძნეთისანი. და რქუა არტავაზს:
Line of ed.: 2     "უკეთუ განძლიერდენ სპარსნი ჩუენ ზედა, საყუდელი ჩუენი აქა ყოფად არს".

Line of ed.: 3        ხოლო არტავაზ აღაშენა ციხე არტანუჯისა, და მონასტერი რომელ არს ოპიზა,
Line of ed.: 4     და სამნი ეკლესიანი: დაბა მერისა, შინდობისა და ახიზისა. და განაახლა ციხე ახიზისა,
Line of ed.: 5     და ქმნა იგი ქუაბად.

Line of ed.: 6        და ვითარ წარმოვიდა ვახტა/ნგ და მოვიდა ქალაქად თჳსად მცხეთად, იყო სიხარული
Line of ed.: 7     დიდი და მადლისა მიცემა ღმრთისა, რამეთუ მოვიდა იგი მშჳდობით. და მისცა
Line of ed.: 8     ნიჭი დიდი ერსა თჳსსა.

Line of ed.: 9        ხოლო მეფემან სპარსთამან ვითარცა ცნა, ვითარმედ მიიქცა ვახტანგ ბერძენთა
Line of ed.: 10     კერძო, შეიქცა სპარსეთად და მოკუდა. და დაჯდა მეფედ ძე მისი, და ვიდრე მოიწიფებოდა
Line of ed.: 11     იგი, წარჴდა ამას შინა წელიწადი სამი.

Line of ed.: 12        ხოლო ვახტანგ მეფესა უშვნა ცოლმან ძე და ასული მარჩბივად, და მოკუდა
Line of ed.: 13     შობასა შინა ბალენდუხტ დედოფალი, ასული სპარსთა მეფისა. ხოლო ვახტანგ უწოდა
Line of ed.: 14     ძესა თჳსსა სახელი სპარსულად დარჩილ და ქართულად დაჩი. მაშინ ვახტანგ მეფემან
Line of ed.: 15     ვერ მოიცალა მოყვანებად ცოლი ბერძენთა მეფისა ასული, და ვერ-ცა კათალიკოსისა
Line of ed.: 16     და / ეპისკოპოსთა, რამეთუ მოელოდა იგი სპარსთა მეფისა მოსლვასა: / ამაგრებდა
Line of ed.: 17     ციხეთა და ქალაქთა, და ჰკაზმიდა მჴედართა, და განამზადებდა ბრძოლად სპარსთა.
Line of ed.: 18     მაშინ შეაგდო საპყრობილესა შინა ბინქარან მაცთური, ეპისკოპოსი ცეცხლის-მსახურთა,
Line of ed.: 19     და მოსრნა და განასხნა ყოველნი ცეცხლ/ის-მსახურნი საზღვართაგან ქართლისათა.

Line of ed.: 20        ხოლო სპარსთა მეფე, შემდგომად სამისა წლისა, წარმოემართა ბრძოლად ვახტანგისად,
Line of ed.: 21      და მოიწია ინდაბრიანთა, და დაიბანაკა მუნ. ხოლო ვახტანგ წარავლინა
Page of ed.: 179   Line of ed.: 1     ბერძენთა მეფისა თანა და მიუმცნო, ვითარმედ: "აჰა დღე იგი, რომელ აღმითქუამს,
Line of ed.: 2     ვითარმედ სპარსნი შემოვაწყუდივნე ჴელსა შენსა; აჰა ესე-რა, მომიყვანებიან იგინი შუა
Line of ed.: 3     საზღვართა ქართლისათა და ყოველი კაცი მათ თანა ვითარ სამასი ათასი. რამეთუ
Line of ed.: 4     ჰგონებდა იგი განმრავლებასა სპათა მისთასა სომხითით და მეფეთაგან კავკასიანთასა,
Line of ed.: 5     ხოლო მათ ვერ იკადრეს განრთვად მისა. რამეთუ რომელთა-მე მათგანთა აქუნდა
Line of ed.: 6     სასოება ჯუარ-ცმულისა, ხოლო რომელნი იძლივნეს ეშმაკისაგან, მეფენი დარ/უბანდისანი
Line of ed.: 7     გაერთნეს. აწ აღმისრულებიეს აღთქმა ჩემი, რომელი აღმითქუამს: რამეთუ
Line of ed.: 8     სადა-ცა მიპოვნიე/ს სახლი ცეცხლისა, დამივსია ფსლითა, და მოგუნი და მზირნი
Line of ed.: 9     მათნი მიმიცემიან სატანჯველსა ბოროტსა, და მაცთური ბინქარან მივეც საპყრობილესა, და
Line of ed.: 10     სიკუდილისაგან გარდაიხუეწა. მან უკუე მოიყვანნა სპარსნი ქართლად, და
Line of ed.: 11     დავსუ ეპისკოპოსად მიქაელ, კაცი სარწმუნო. ხოლო ბინქარან, ვითარცა / მოიწია
Line of ed.: 12     საზღვართა ქართლისათა, მოკუდა. აწ სწრაფით წარმოემართნენ სპანი შენნი, რათა
Line of ed.: 13     აქა შინა დაეცნენ ყოველნი მტერნი ჯუარისანი, და მოიცალო შენ ყოველთა მტერთა
Line of ed.: 14     შენთაგან, ხოლო უკეთუ ჩუენ გუძლოს, განძლიერდეს იგი და შემოვიდეს საზღვართა
Line of ed.: 15     შენთა გზასა შიმშატისასა".

Line of ed.: 16        ხოლო ვიდრე მიიწეოდეს მოციქულნი ვახტანგ მეფისანი, წარსრულ იყო კეისარი
Line of ed.: 17     ქუეყანით ხაზარეთით კერძო, რომლისაგან ვერ მოიცალებდა მოსლვად ქართლად.
Line of ed.: 18     მაშინ ვახტანგ განაძლიერნა ციხენი ქალაქისანი, და ურჩეულესი მბრძოლი ერისა
Line of ed.: 19     მისისა ვითარ ასი ათასი მჴედარი და ასი ათასი ქუეითი იპყრა მის თანა, და დაუბანაკა
Line of ed.: 20     მათ დიღ/მით ვიდრე ქართლის კართამდე, და სპარსთა დაიბა/ნაკეს ცხენის ტერფითგან
Line of ed.: 21     ჩაღმართ.



Next part


This text is part of the TITUS edition of Kartlis Cxovreba.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.