და ჰკითხა წმიდამან ნინო დედაკაცსა ვისმე ჰურიასა, ვითარმედ: "რა არს ესე?"
Line of edition: 2
ხოლო მან რქუა: "ღმერთი ღმერთთა არმაზ მიუწესს, რომელ არა არს მისსა გარეშე
Line of edition: 3
სხუა კერპი" მაშინ მყის უკუე წარვიდა წმიდა ნინო ხილვად არმაზისსა. და აღივსნეს
Line of edition: 4
მთანი იგი დროშებითა და ერითა, ვითარცა ველნი ყუავილითა.
Line of edition: 5
ხოლო წმიდამან ნინო შეუსწრო ციხედ არმაზად, და დადგა იგი მახლობელად
Line of edition: 6
კერპისა მის ნაპრალსა ზღუდისასა. და ხედვიდა საკჳრველებასა მიუწდომელსა და ენითა
Line of edition: 7
გამოუთქმელსა, ვითარღა იყო ზარის აღსაჴდელი იგი შიში მეფეთა, მთავართა და
Line of edition: 8
და ყოვლისა ერისა წინაშე კერპთა მათ წარმოდგომილთა. და იხილა წმიდამან ნინო,
Line of edition: 9
რამეთუ დგა კაცი ერთი სპილენძისა, და ტანსა მისსა ეცუა ჯაჭჳ ოქროსი, და თავსა
Line of edition: 10
მისსა ჩაბალახი მყარი, და თუალნი ესხნეს ზურმუხტი და ბივრილი, და ჴელთა მისთა
Line of edition: 11
აქუნდა ჴრმალი ბრწყინვალე, ვითარცა ელვა, და იქცეოდა ჴელთა შინა. უკეთუ ვინმე
Line of edition: 12
შეეხებინ, თავი თჳსი სიკუდილად განწირის და იტყჳნ: "ჵ ჩემდა, ნუ უკუე და-სამე-
Line of edition: 13
-ვაკლე დიდებასა დიდისა ამის ღმრთისა არმაზისსა, ანუ შე-სამე-ვსცეთ სიტყუად ებრაელთა
Line of edition: 14
თანა, გინა მოგუთა თანა სმენისა; და რომელ იტყჳან უცებნი უცხოსა ვისთჳსმე
Line of edition: 15
ღმრთისა, ნუ უკუე პოოს რამე ბიწი და მცეს მე მახჳლი იგი მისი, რომლისაგან
Line of edition: 16
ეშინის ყოველსა". და შიშით თაყუანის-ცემენ მას.
Line of edition: 17
და კუალად იყო მარჯუენით მისსა კაცი ოქროსი და სახელი მისი გაცი; და
Copyright TITUS Project
Frankfurt a/M 1999-2000. No parts of this document may be republished in any form
without prior permission by the copyright holder.
