TITUS
Kartlis Cxovreba: Part No. 116

Page of edition: 118 
Line of edition: 1 
    და განძი და, რაჟამს ეწყო ოდენ ეკლესიასა, წ/არმოვიდა და მოვიდა მანგლისს, და
Line of edition: 2 
    იწყო ეკლესიასა შენება; და დაუტევნა ფიცარნი იგი უფლისანი.

Line of edition: 3 
    "მაშინ შეწუხნა მირიან მეფე ამისთჳს, რამეთუ პირველ არა სამეუფოსა ქალაქსა
Line of edition: 4 
    მოვიდეს, არამედ სხუათა ქალაქთა და ადგილთა იწყეს შენებად ეკლესიათა და დაუტევნეს
Line of edition: 5 
    ნაწილნი. ხოლო მოვიდა / წმიდა ნინო წინაშე მეფისა და რქუა; "ნუ სწუხ,
Line of edition: 6 
    მეფეო, რამეთუ ესრეთ ჯერ არს: სადა-ცა მოვიდოდიან, დასთესვიდენ სახელსა ღმრთისასა.

Line of edition: 7 
    ხოლო არს ქალაქსა ამას შინა სამოსელი იგი დიდებული უფლისა.

Line of edition: 8 
    მაშინ მოიყვანა მეფემან აბიათარ მღდელი და მის თანა ჰურიანი მრავალნი, და
Line of edition: 9 
    გამოიკითხა მათგან კუართისა მისთჳს. ხოლო მათ მიუთხრეს ყოველი, რომელი ზემო
Line of edition: 10 
    წერილ არს. მაშინ აღიპყრნა ჴელნი / მირიან მეფემან და თქუა: "კურთხეულ ხარ
Line of edition: 11 
    შენ, უფალო იესო ქრისტე, ძეო ღმრთისა ცხოველისაო; რამეთუ პირველითგან-ვე
Line of edition: 12 
    გინდა ჴსნა ჩუენი ეშმაკისაგან და ადგილისა მისგან ბნელისა. ამისთჳს სამოსელი იგი
Line of edition: 13 
    შენი წმიდა წარმოეც წმიდით ქალაქით / იერუსალემით ებრაელთა მათ, ღმრთეებისა
Line of edition: 14 
    შენისაგან უცხო-ქმნილთა, და მომეც ჩუენ უცხოთა ნათესავთაგან".

Line of edition: 15 
    "და წარემართა მეფე და ყოველი ქალაქი მტკიცედ ქრისტიანობასა იწყეს ხუროთა
Line of edition: 16 
    შენებად ეკლესიისა გარეგნივ ზღუდესა, მაყუალთა მათ ზედა, საყოფელსა წმიდისა
Line of edition: 17 
    ნინოსსა, სადა აწ არს ეკლესია საეპისკოპოსო. მაშინ თქუა წმიდამან ნინო: "კურთხეულ
Line of edition: 18 
    არს უფალი / ღმერთი იესო ქრისტე და მამა უფლისა ჩუენისა იესო ქრისტესი,
Line of edition: 19 
    რომელმან მოავლინა სიტყუა მისი წმიდა ზეცითგან მაღალთათ, თჳთ ძლიერისაგან
Line of edition: 20 
    საყდრისა გარდამოსრული ქუეყანად მდაბლად, შობილი. უეჭუელად თესლისაგან დავითისა,
Line of edition: 21 
    დედაკაცისაგან მარტოდ შობილისა, წმიდისა და უბიწოსა; რომელი სათნო ეყო
Line of edition: 22 
    მას მიზეზითა, მიზეზი ცხოვრებისა ჩუენისა, რომელმან ცასა ქუეშე ყოველი/ვე განანათლა
Line of edition: 23 
    და მორწმუნენი აცხოვნნა; რომელი იშვა ვითარ-ცა კაცი, ნათელი ყოველთა,
Line of edition: 24 
    ხატი ღმრთისა მამისა, და ვითარ-ცა მსახურმან ვინ-მე სჯულისამან ნათელ-იღო წყლისაგან


Copyright TITUS Project Frankfurt a/M 1999-2000. No parts of this document may be republished in any form without prior permission by the copyright holder.