TITUS
Kartlis Cxovreba: Part No. 117

Page of edition: 119 
Line of edition: 1 
    / და სულისა, ჯუარს ეცუა, დაეფლა და აღდგა მესამესა დღესა, და აღჴდა სიმაღლესა
Line of edition: 2 
    მამისა თანა, და კუალად მოვალს დიდებით; რომელსა შუენის ყოველი-ვე დიდება,
Line of edition: 3 
    პატივი და თაყუანის-ცემა თანა მამით და სულით წმიდით".

Line of edition: 4 
    აღმართებისათჳს პატიოსნისა ჯუარისა
Line of edition: 5 
    ვითარ-ცა ნათელ-იღეს მეფემან, და დედოფალმან, და შვილთა მათთა, და ყოველმან
Line of edition: 6 
    ერმან, მაშინ დგა ხე ერთი ადგილსა ერთსა, კლდესა ზედა ბორცუსა შეუვალსა, და
Line of edition: 7 
    იყო ხე იგი შუენიერი ფრიად / და სულნელი. და ესე საკჳრველება იყო ხისა მისგან,
Line of edition: 8 
    რამეთუ ისარ-ცემული ნადირი, რომელი მოვიდის და ჭამის ფურცელი მისი და
Line of edition: 9 
    გინა თესლი მისი, განერის სიკუდილისაგან, დაღაცათუ საკლავსა ადგილსა დიდად
Line of edition: 10 
    წყლულ იყვის. ესე დიდად საკჳრველ უჩნდის პირველთა მათ / წარმართთა, და აუწყეს
Line of edition: 11 
    ეპისკოპოსსა იოვანეს ხისა მისთჳს. ხოლო ეპისკოპოსმან თქუა: "აჰა ესე-რა, ჭეშმარიტად
Line of edition: 12 
    პირველითგან-ვე დამარხულ ა/რს ქუეყანა ესე ღმრთისაგან მსახურად თჳსად, რამეთუ
Line of edition: 13 
    ღმრთისაგან აღმოსცენდა ხე იგი დამარხული ჟამისა ამისთჳს. რამეთუ აწ მოეფინა
Line of edition: 14 
    მადლი ღმრთისა ქართლსა, და მის ხისაგან ჯერ არს შექმნად ჯუარი პატიოსანი,
Line of edition: 15 
    რომელსა თაყუანის-ცეს ყოველმან სიმრავლემან ქართლისამან.

Line of edition: 16 
    და წარვიდეს რევ, ძე მეფისა, და ეპისკოპოსი, და სიმრავლე ერისა, და მოჰკუეთეს
Line of edition: 17 
    ხე იგი და წარმოიღეს რტოთურთ თჳსით. და მოაქუნდა ათსა ათეულსა კაცსა
Line of edition: 18 
    ზე-ზე რტოთურთ და ფურცლითურთ შემოაქუნდა ქალაქად. და შემოკრბა ერი ხილვად
Line of edition: 19 
    მწუანის ფერობასა მას და ფურცლიანობასა, ჟამსა ზამთრისასა, ოდეს სხუა ყოველი ხე
Line of edition: 20 
    ჴმ/ელ იყო, ხოლო ესე ფურცელ-დაუცჳნელი, სულ-ამო და სახილველად შუენიერი.



Copyright TITUS Project Frankfurt a/M 1999-2000. No parts of this document may be republished in any form without prior permission by the copyright holder.