TITUS
Kartlis Cxovreba: Part No. 127

Page of edition: 129 
Line of edition: 1 
    მოვიდა ბაქარ, ძე მეფისა მირიანისი, და მოციქული კოსტანტინე მეფისა მცხეთას.

Line of edition: 2 
    აღივსნეს სიხარულითა მირიან მეფე და ნანა დედოფალი, და მადლობდეს ღმერთსა,
Line of edition: 3 
    ნიჭთა სრულთა მომცემელსა.

Line of edition: 4 
    მაშინ მირიან მეფემან განასრულა ეკლესია საეპისკოპოსო და აღასრულა სატფურება
Line of edition: 5 
    მისი მრავლითა დიდებითა. და მოქცევითგან მირიან მეფისათ მეოცდახუთესა
Line of edition: 6 
    წელსა მოკუდა ძე მისი რევ, სიძე თრდატ სომეხთა მეფისა, რომლისადა-ვე მიეცა
Line of edition: 7 
    მეფობა სიცოცხლესა-ვე მისსა. და დაფლეს აკლდამასა-ვე, / რომელი თჳთ მას-ვე რევს
Line of edition: 8 
    აღეშენა.

Line of edition: 9 
    და მას-ვე წელიწადსა დასნეულდა მირიან მეფე, რომელი-ცა აღესრულა. და მოიყვანა
Line of edition: 10 
    ძე მისი ბაქარ და ცოლი მისი ნანა, და რქუა ნანას: "აჰა ესე-რა, მე წარვალ
Line of edition: 11 
    ვინა-ცა მოვედ, დავმადლობ მრავალ-მოწყალესა ღმერთსა, დამბადებელსა ცისა და ქუეყან/ისასა, რომელმან წარტყუენული ეშმაკისაგან მიჴსნა
Line of edition: 12 
    მე პირისაგან ჯოჯოხეთისა, და
Line of edition: 13 
    ღირს მყო მე მარჯუენით მის თანა. შენ, ნანა, უკეთუ გეცეს-ღა მოცალება ცხოვრებისა
Line of edition: 14 
    ჩემისა შემდგომად განყავ სამეფო განძი ჩუენი ორად, და მიიღე სამარხავსა ნინოსა,
Line of edition: 15 
    განმანათლებელისა ჩუენისასა, ჟამთა შეცვალებისათჳს, რათა არა შეირყიოს უკუნისამდე იგი ადგილი; რამეთუ მეფეთა საჯდომი არს, არამედ მწირ არს".

Line of edition: 16 
    ეგრეთ-ვე
Line of edition: 17 
    დავედრა ეპისკოპოსთა, რათა ადიდონ დიდება მის ადგილისა, "რამეთუ ღირს არს
Line of edition: 18 
    პატივის-ცემასა".

Line of edition: 19 
    ხოლო ძესა თჳსსა რქუა: "შვილო ჩემო, შეიცვალა ბნელი ჩემი ნათლად და
Line of edition: 20 
    სიკუდილი ცხოვრებად. შენდა მომიცემია გჳრგჳნი მეფობისა ჩემისა. ღმერთმან დამბადებელმან
Line of edition: 21 
    ცისა და ქუეყანისამან დაგამტკიცენ შენ სრულსა სარწმუნოებასა / ზედა.

Line of edition: 22 
    იწურთიდი ყოვლად-ვე მცნებათა ძისა ღმრთისათა, და დაადგერ სრულიად მათ ზედა:
Line of edition: 23 
    და სახელსა ზედა ქრისტესსა სიკუდილი ცხოვრებად გიჩნდინ, რომლითა წარუვალი


Copyright TITUS Project Frankfurt a/M 1999-2000. No parts of this document may be republished in any form without prior permission by the copyright holder.