<აქა სპარსთა მოსლვა ქართლს ვახტანგ გორგასლის საომრად>
Line of edition: 2
ხოლო ვახტანგ განაფართა ჴიდი მოგუეთისა ვითარ სამოცი მჴარი ქცევისათჳს
Line of edition: 3
მას ზედა სპათასა, ხოლო მეფე და ჯუანშერ სპასპეტი დადგეს მცხეთას, და ნასრა და
Line of edition: 4
მირდატ დაუტევნა სპათა ზედა სომხითისა და ქართლისათა, რომელნი დგეს არმაზით
Line of edition: 5
კერძო. და რა ბრძოდ/იან სპარსნი არმაზით კერძო, მცხეთით განვიდიან; და რა განვიდის
Line of edition: 6
ლაშქარი იგი მიერ კერძო მცხეთით, ეწყუნიან არაგუსა ზედა. და ოდეს-მე განვლიან ფონი მტკურისა და შეიბნიან ფონსა ზედა ტფილისისასა, და
Line of edition: 7
რომელსა-მე
Line of edition: 8
დღესა მათ სძლიან და რომელსა-მე დღესა ამათ.
Line of edition: 9
ხოლო ვახტანგ მეფესა შეექმნა ჩაბალახი ოქროსი, და გამოესუა წინათ მგელი
Line of edition: 10
და უკანათ ლომი; და რომელსა კერძსა იძლეოდიან ქართველნი, მუნით-ცა მიმართის
Line of edition: 11
და მოსრის სპისა მისგან სპარსთასა, ვითარ-ცა ლომმან კანჯარნი. მიერითგან ვერ-ღა-რა
Line of edition: 12
შეუძლებდეს სპარსნი წყობად მისა, რამეთუ დაისწავლეს იგი, რომელსა / ეწერა მგელი
Line of edition: 13
და ლომი, და ვითარ-ცა იხილიან ვახტანგ, თქჳან: "დურ აზ გორგასალ", რომელ არს
Line of edition: 14
ესე: "მირიდეთ თავსა / მგლისასა" და მის მიერ სახელ-ედვა ვახტანგ მეფესა გორგასალ.
Line of edition: 15
განგრძელდა მათ შორის ბრძოლა ოთხ თუე ოდენ და მოვიდა მოციქული კეისრისაგან,
Line of edition: 16
და მოართუა ძღუენი ვახტანგს, და მოჰგუარა სპათაგან ბერძენთასა ოთხმოცი
Line of edition: 17
ათასი მჴედარი, და მოუწერა ვახტანგს, ვითარმედ: "შევექეც წყობასა ხაკანისასა,
Line of edition: 18
და მომივლენია შენდა ოთხმოცი ათასი მჴედარი, და მომიწერია ლეონისდა: უკეთუ
Line of edition: 19
გიჴმდეს შენ ლაშქარი, წინაშე შენსა არს მელიტენითგან ვიდრე ლამედმდე და მოღმართ
Line of edition: 20
ვიდრე კარნუ-ქალაქამდე, და მიბრძანებია ლეონისდა წინაშე შენსა იყოს.
Copyright TITUS Project
Frankfurt a/M 1999-2000. No parts of this document may be republished in any form
without prior permission by the copyright holder.
