რამეთუ / იყო იგი მჴნე გოლიათი და შემმართებელი, და გამოიტანნის მჴედარნი
Line of edition: 2
სინდეთისანი, და იყვის ბრძო/ლა ბუმბერაზთა; რომელსა-მე დღესა მათ სძლიან და
Line of edition: 3
რომელსა-მე მათ. და სინდთა მეფემან სძლო თავის-თავითა ყოველთა ბუმბერაზთა
Line of edition: 4
მბრძოლთა მისთა, და არა მიხუდეს იგი და ვახტანგ ბრძოლასა შინა დღეთა მრავალთა.
Line of edition: 5
მაშინ სინდთა მეფემან ველსა მას ზედა, კართა ქალაქისათა, / ღამე თხარა
Line of edition: 6
მთხრებლი დიდი დასამალავად შიგა მჴედართა, და სიმარჯჳთ დაუტევნა გზანი გამოსავალნი,
Line of edition: 7
და ჩაადგინნა მუნ შინა მჴედარნი ათნი რჩეულნი. და დილასა ადრე გამოგზავნა
Line of edition: 8
ბუმბერაზი ერთი. და მას დღესა ხუედრი იყო ვახტანგისი კართა ცვისათჳს.
Line of edition: 9
და მიდგა ესე ბუმბერაზი და სთხოვა ბრძოლა თავის-თავ, რათა-მცა წარიტყუა და
Line of edition: 10
შეჰჴადა მჴედართა მათ ზედა. მაშინ საურმაგ, ეჯიბი ვახტანგისი, განვიდა და რქუა:
Line of edition: 11
"არა ხარ შენ კადნიერ ბრძოლად მეფისა, არამედ მე გებრძოლო, მონა მონასა", და
Line of edition: 12
მიეტევა. ხოლო სინდელი იგი გაიქცა, და მისდევდა საურმაგ ჩუეულებისაებრ: რამეთუ
Line of edition: 13
მრავალ-გზის ბრძო/ლილ იყო ველსა მას ზედა. და ვითარ წარჴდა დამალულთა მათ,
Line of edition: 14
მჴედართა, გამოუჴდეს ზურგით მისსა / და იგი მეოტი შემოიქცა. ხოლო საურმაგ
Line of edition: 15
სცნა ჰოროლნი წინასა მას და მოკლა, ხოლო ათთა მათ მოკლეს საურმაგ.
Line of edition: 16
მაშინ მიეტევა თჳთ ვახტანგ მეფე და მის თანა სამნი იგი წარჩინებულნი მისნი:
Line of edition: 17
არტავაზ, ბივრიტიან და ნასარ, და / მათ თანა ლეონ ბერძენი. ხოლო სინდელნი
Line of edition: 18
იგი ივლტოდეს, და მისდევდა ვახტანგ მოყუსით-ურთ ვიდრე კართამდე ქალაქისათა, და
Line of edition: 19
სინდნი იგი შეივლტოდეს ქალაქად. მაშინ ვახტანგ სავსე მწუხარებითა შეიქცა, და
Line of edition: 20
იგლოვდა გუამსა ზედა საურმაგისსა, ვითარ-ცა ძმისა საყუარელისასა. რამეთუ თანა-ზრდილ
Line of edition: 21
იყო მისი, ძმის-წული მამა-მძუძისა მისისა, არტავაზის მამისა, ერთ-გული, მისანდობელი
Line of edition: 22
და ქუელი.
Copyright TITUS Project
Frankfurt a/M 1999-2000. No parts of this document may be republished in any form
without prior permission by the copyright holder.