{და განეფინა ქადაგება მაჰმად უსჯულოსა და მრავალი ერი შეუდგა მას შემდგომად
Line of edition: 2
მისსა გამოვიდეს სპარსნი და პონტომდე მოიწინნეს, და ყოველი კაბადუკია დაიპყრეს ღ~ჲვ.}
Line of edition: 3
ხოლო ამან ჯუანშერ შეირთო ცოლი ნათესავი ბაგრატონიანთა, ასული ადარნასესი,
Line of edition: 4
სახელით ლატავრი, და აბრალა დედამან მისმან მოყვანება მისი ცოლად: არა-თუ-რე
Line of edition: 5
კეთილად მეცნიერი იყო, ვითარმედ არიან იგინი ნათესავნი დავით წინასწარმეტყუელისანი,
Line of edition: 6
რომელი-იგი ჴორციელად მამად ღმრთისად იწოდა. და ვითარ იხილა
Line of edition: 7
ძის ცოლი თჳსი, შეუყუარდა, აკურთხა და დალოცა.
Line of edition: 8
და ვითარ გარდაჴდეს ამას შინა წელიწადნი მრავალნი, მოვიდა ამირა აგარიანი,
Line of edition: 9
რომელი მთ/ავრობდა სომხითს, ქართლს და ჰერეთს, სახელით ხუასრო; ამან აღაშენა
Line of edition: 10
ტფილისი ქალაქი, მოოჴრებული ხაზართაგან.
Line of edition: 11
ხოლო რაჟამს მოუძ/ლურდეს ბერძენნი, გადგა მათგან ერის-თავი აფხაზთა, სახელით
Line of edition: 12
ლეონ, ძმის-წული ლეონ ერის-თავისა, რომლისად მიეცა სამკჳდროდ აფხაზეთი.
Line of edition: 13
ესე მეორე ლეონ ასულის წული იყო ხაზართა მეფისა, და ძალითა მათითა გაადგა
Line of edition: 14
ბერძენთა, დაიპყრა აფხა/ზეთი და ეგრისი ვიდრე ლიხამდე, სახელ-იდვა მეფე აფხაზთა,
Line of edition: 15
რამეთუ მიცვალებულ იყო იოვანე და დაბერებულ იყო ჯუანშერ. და შემდგომად ამისსა
Line of edition: 16
ჯუანშერ-ცა მიიცვალა.
Line of edition: 17
არამედ სიცოცხლესა-ვე ჯუანშერისსა იცვალა ადარნასე ბაგრატონიანმან ნასამალი
Line of edition: 18
კლარჯეთისა, შავშეთისა, აჭარისა, ნიგალისა, ასისფორისა, არტანისა და ქუემოსა ტაოსა,
Line of edition: 19
და ციხეთაგან-ცა რომელნი ჰქონდეს შვილის-შვილთა ვახტანგ მეფისათა. და წარვიდა
Line of edition: 20
ადარნასე კლარჯეთად და მუნ მოკუდა.
Copyright TITUS Project
Frankfurt a/M 1999-2000. No parts of this document may be republished in any form
without prior permission by the copyright holder.
