ქმნილი, კეთილი გინა სიტყუა ბოროტი თქმული, - არა-რა დაეფარვოდა ყოვლად-ვე,
Line of edition: 2
არამედ რა-ოდენ-ცა ვის ფარულად ექმნის ანუ თუ ეთქჳს, ყოველი-ვე ცხად / იყო წინაშე
Line of edition: 3
მისსა, ვიდრემდის გ/ულის-სიტყუანი-ცა და მოგონებანი ვიეთნი-მე მიუთხრნის მათ,
Line of edition: 4
რომელთა ზარ-განჴდილ ყვნის. და მონაზონთა განშორებულთა სენაკთა შინა მათთა
Line of edition: 5
ქმნილნი ღუაწლნი და სათნოებანი უწყოდნის ცხადად, და სიშორე გზისა ვიდრე ეკლესიამდე
Line of edition: 6
ზომით იცოდის, და მოთმინებისათჳს აქებდის და ნატრიდის. ნუ ამას ეძიებ,
Line of edition: 7
მკითხველო, თუ ვითარ იქმნებოდა ესე, არამედ ამას ცნობდა, თუ რა სარგებელი
Line of edition: 8
პოვის ამათ მიერ. რამეთუ არა თუ ცუდად რად-მე და განსაკითხავად საგიობელთა
Line of edition: 9
საქმეთად, ანუ საკიცხელად ვიეთთათჳს-მე იქმოდის: ნუ იყოფინ ესე, წარვედ!
Line of edition: 10
არამედ დიდნი საქმენი და ფრიად სასწრაფონი წარმართნა ამით, და მრავალთა
Line of edition: 11
კეთილთა მიზეზ იქმნა ესე: პირველად ორგულებასა, და ზაკუასა, და ღალატსა რასა-მე
Line of edition: 12
ვერ-ვინ დიდი-ა / ანუ მცირეთაგანი იკადრებდა მოგონებად-ცა, არა თუ თქმად ვისდა,
Line of edition: 13
არ-ცა თუ მეუღლესა და ცხედრეულსა თჳსსა თანა, ანუ მოყუასსა თჳსსა, გინა ყრმათა
Line of edition: 14
თჳსთა თანა, ვინათგან / ესე მტკიცედ უწყოდა ყოველმან კაცმან, რომელ პირით აღმოსლვასა-ვე
Line of edition: 15
თანა სიტყჳსასა საცნაურ / ქმნილ არს უეჭუელად წინაშე მეფისა. და მრავალნი
Line of edition: 16
განპატიჟებულ-ცა იყვნეს და მხილებულ ესე-ვითართათჳს. ამისთჳს-ცა ვერ ოდეს
Line of edition: 17
ვინ განიზრახა ღალატი რაჲთურთით დღეთა მისთა, არამედ იყო ყოველთაგან საკრძალავ
Line of edition: 18
და სარიდო.
Line of edition: 19
და კუალად მღდელთ-მოძღუართა, მღდელთა და დიაკონთა, მონაზონთა და ყოველთა
Line of edition: 20
კაცთა ესე-ვე საქმე ექმნა წესიერებად და გზად ყოველთა სათნოებათა მიმართ.
Line of edition: 21
რამეთუ შიშითა მისითა ვერ იკადრებდიან უწესოდ სლვად, ვინათგან უწ/ყოდიან არა-რას
Copyright TITUS Project
Frankfurt a/M 1999-2000. No parts of this document may be republished in any form
without prior permission by the copyright holder.