აღდეგ უფალო განსასუენებელ{ად}:
მოიჴსენე უფალო დავით.
რაჲმეთუ შჯული
Ms. page: L504A რამეთუ შჯული იგი მზარდულ გუექმნა ჩუენ ქრისტეს მიმართ, რაჲთა სარწმუნოვებითა Ms. page: L504B ღმრთისაჲთა განვმართლდეთ;
ხოლო მო-რაჲ-იწია სარწმუნოვებაჲ, არღარა მზარდულთა ქუეშე ვართ;
არამედ ყოველნი შვილნი ღმრთისანი ვართ სარწმუნოვებითა ქრისტე იესუისითა;
რამეთუ რავდენთა ნათელ-გიღებიეს ქრისტეს მიმართ, ქრისტე შეგიმოსიეს.
არა არს ჰურიება, არცა წარმართება; არა არს მონება, არცა აზნაურება; არა არს მამაკაცება, არცა დედაკაცება; არამედ თქუენ ყოველნი ერთ ხართ ქრისტე იესუის მიერ.
უკუეთუ თქუენ ქრისტესნი ხართ Ms. page: P4R=50R [აბ]რაჰამისნი ვიდრემე შვილნი ხართ, აღთქუმისა მისგან მკჳდრნი.
ხოლო ამას ვიტყჳ: რაოდენ ჟამ მკჳდრი იგი ყრმაღა არნ, არაჲთ ჰმატნ მონასა, უფალ ღათუ არნ ყოვლისა.
არამედ ეზოჲსმოძღუართა და მნეთა ქუეშე არნ ვიდრე ადგილად მოდგომამდე მამისა თჳსისა.
ეგრეცა ჩუენ ვიდრე-იგი ყრმაღა ვიყვენით, წესსა ქუეშე ამის სოფლისასა ვიყვენით დამონებულ.
ხოლო ოდეს მოიწია აღსასრული იგი ჟამთაჲ, მოავლინა ღმერთმან ძჱ თჳსი, შობილი დედაკაცისაგან. და იქმნა იგი შჯულსა ქუეშე,
რაჲთა შჯულისა ქუეშე მყოფნი გამოგჳჴსნნეს, და რაჲთა შვილებაჲ იგი მოვიღოთ.
და რამეთუ ხართ თქუენ შვილ, გამოავლინა ღმერთმან სული იგი ძისა თჳსისაჲ გულთა შინა ჩუენთა, რომლითა ვღაღადებთ: აბბა, მამაო!
ამიერითგან არღარა ხართ მონა, არამედ შვილ; უკუეთუ შვილ, მკჳდრცა ღმრთისა მიერ.
უფალო ძალითა შენითა იხარ{ებდეს}.
) დ{ა} Ms. page: P4RB ჰპოო 123 
