პატიოსან არს წინაშე:
მრწმენა მე რასა:
ქებასა მართალთასა.
Ms. page: P8V ქებასა მართალთასა იხარებედ ერნი, მთავრობასა უღმრთოთასა კუნესიედ კაცნი.
კაცსა რომელსა უყუარნ სიბრძნჱ, მხიარულ არნ მამაჲ მისი, ხოლო რომელი სდევნ მეძავთა, წარწყმიდის სიმდიდრჱ.
მეფემან მართალმან აჰმართის სოფელი, ხოლო კაცმან უსჯულომან დაამჴჳს იგი.
რომელი განემზადოს ბრძოლად პირსა მეგობრისა თჳსისასა, შეიბლარდნენ ვითარცა საბლარდნელითა ფერჴნი მისნი.
კაცი ცოდვილი მრავალსა მახესა შეებას, ხოლო მართალი შუებასა და სიხარულსა შინა იყოს.
Ms. page: P8V ამისთჳს ესრე იტყჳს უფალი: რომელნი მე მმონებდენ, იგინი ჭამდენ, ხოლო თქუენ გშიოდის; და რომელნი მე მმონებდენ, იგინი სუმიდენ, ხოლო თქუენ გწყუროდის;
და რომელნი მე მმონებდენ, იგინი იხარებდენ სიხარულითა გულისა მათისაჲთა, ხოლო თქუენ ჰღაღადებდეთ სალმობითა გულისა თქუენისაჲთა და ჰგოდებდეთ.
რამეთუ დაუტეოთ სახელი ჩემი მაძღრივ რჩეულთა ჩემთა, ხოლო თქუენ მოგსრნეს უფალმან; ხოლო რომელნი მე მმონებდენ, მათ ეწოდოს სახელი ახალი,
რომელი იკურთხეოდის ქუეყანასა ზედა; რომელნი აკურთხევდენ ჭეშმარიტსა ღმერთსა და რომელნი ფუცვიდენ ქუეყანასა ზედა, ფუცვიდენ ჭეშმარიტსა ღმერთსა. რამეთუ დაავიწყდეს ჭირი იგი პირველი და არა მოიჴსენონ და არცაღა მოუჴდეს გულსა მათსა.
რამეთუ იყოს ცაჲ ახალი და ქუეყანაჲ ახალი Ms. page: P9R და არღარა მოიჴსენონ პირველთა მათ და არცაღა მოვიდეს გულსა მათსა,
არამედ სიხარული და მხიარულებაჲ პოონ მას შინა ...
აწ უკუე
Ms. page: P9R აწ უკუე ჩუენცა მაქუს ესოდენი გარემოდგომილი ჩუენსა სიმრავლჱ წმიდათა მოწამეთაჲ, სიმძიმჱ ყოველი განვიშოროთ და მწრაფლ მომავალი იგი ცოდვაჲ, მოთმინებით ვრბიოდით წინაგანმზადებულსა მას ჩუენსა ღუაწლსა.
და ვხედვიდეთ სარწმუნოებისა ჩუენისა წინამძღუარსა და სრულებისა მოქმედსა იესუს, რომელმან-იგი წინაგანმზადებულისა მის წილ სიხარულისა დაითმინა ჯუარი და სირცხჳლი შეურაცხ-ყო და საყდართა მარჯუენით ღმრთისა დაჯდა.
განიზრახეთ, რომელმან-იგი ესევითარი დაითმინა ჩუენ ცოდვილთათჳს, მისა მიმართი იგი სიტყჳს-გებაჲ, რაჲთა არა დაშურეთ სულითა თქუენითა და მოჰმედგრდეთ.
არღა სისხლთაგან წინადადგრომილ ხართ თქუენ ცოდვისა მიმართ ახოვნად
და მოჰმედგრდით ნუგეშინის-ცემისაგან, რამეთუ ვითარცა შვილთა გეტყჳს თქუენ: შვილო, ნუ სულმოკლე იქმნები სწავლასა უფლისასა, ნუცა დაჰჴსნდები მის მიერ მხილებასა;
რამეთუ რომელი უყუარნ უფალსა, სწავლის; და ტანჯის ყოველი შვილი, რომელი შეიწყნარის.
სწავლასა დაუთმეთ, რამეთუ ვითარცა შვილთა შეგიწყნარებს თქუენ ღმერთი. ვინმე არს შვილი, რომელი არა სწავლის მამამან?
უკუეთუ შორს ხართ სწავლასა, რომლისა ზიარ ქმნულ არიან ყოველნი, მწირნი ვიდრემე ხართ და არა შვილნი.
და აწ უკუეთუმცა გუესხნეს ჴორციელნი მამანი მასწავლელად, გუეკდიმებოდამცა; არამე უფროჲს დავემორჩილნეთა მამასა სულთასა და ვცხონდეთ?
რომელნი მცირეთა დღეთა მათისაებრ ნებისა სწავლიდენ; ხოლო ესე უმჯობჱსისათჳს, Ms. page: P9V რაჲთა მოიღონ სიწმიდისაგან მისისა.
ყოველივე სწავლაჲ მეყსეულად არა არნ სიხარულ, არამედ მწუხარება; ხოლო უკუანაჲსკნელ ნაყოფი მშჳდობისაჲ მის მიერ წურთილთა მოაგის -- სიმართლჱ.
ღმერთი დიდებულ არს ზრა{ხვასა}: ვიდრე
) მოიჴსენეთ
დიდსა ხუთშაბათსა:. ანდერძსა შინა.
) დასაბამითგანნი მცნებანი:
) შენდა მსხუერპლ{სა}:
