Page of ms. L: _ Page of ms. P: 267V რამეთუ ყოველივე მღდელთმოძღუარი, კაცთაგან მოყვანებული, კაცთათჳს დაადგინიან ღმრთისა მიერ, რაჲთა შესწირვიდეს იგი შესაწირავსა და მსხუერპლსა ცოდვათათჳს შენდობით.
და სწორად შემძლებელ არნ უმეცართა მათ შეცდომილთა; და მასცა ზედააცს [უძრულებაჲ].
[და ამისთჳს თანააცს] ვითარცა ერისათჳს, ეგრეცა თავისა თჳსისათჳს შეწირვად მსხუერპლი ცოდვათათჳს.
და არავინ თავით თჳსით მოიღოს პატივი, არამედ რომელიცა წოდებულ არნ ღმრთისა მიერ, ვითარცა-იგი აჰრონ.
ეგრე\ცა Page of ms. P: 268R ქრისტე არა თავით თჳსით ადიდა ყოფად იგი მღდელთმოძღურად, არამედ რომელი-იგი ეტყოდა მას: ძჱ ჩემი ხარი შენ, მე დღეს მიშობიე შენ.
ვითარცა-იგი სხუასა ადგილსა იტყჳს: შენ ხარ მღდელ უკუნისამდე წესსა მას ზედა მელქიზედეკისსა.
ვითარცა-იგი დღეთა მათ ჴორცთა მისთასა ვედრებასა და ლოცვასა შემძლებელისა მის მიმართ ჴსნად მისა სიკუდილისაგან ჴმითა მაღლითა და ცრემლითა შეწირა, და შეისმინა მისი მოშიშებისა მისგან.
და რამეთუ ძჱღა იყო, ისწავა, ვინაჲთგან-იგი ივნო მან მორჩილებით;
და სრულ იქმნა იგი და იყო ყოველთა მორჩილთა მისთა მიზეზ ცხორებისა საუკუნოჲსა;
და სახელ-ედვა ღმრთისა მიერ მღდელთმოძღუარ წესსა მას ზედა მელქიზედეკისსა.
