Page of ms. P: 291V ამისთჳს და-ღა-უტეოთ დასაბამისა მის ქრისტჱსთა სიტყუაჲ და უსრულჱსსა მას მოვიდეთ; ნუ კუალად საძირკუელსა დავსდებთ სინანულისა მკჳდრთაგან საქმეთა და სარწმუნოებასა ღმრთისა მიმართ,
ნათლის-ღებასა და სწავლასა და დასხმასა ჴელთასა და აღდგომასა მკუდართასა და სასჯელსა მას საუკუნესა.
და ესე ვყოთ, უკუეთუ გჳბრძანოს ღმერთმან,
რამეთუ ვერ ჴელ-ეწიფოს ერთვე ნათელღებულთა მათ, რომელთა გემოჲ უხილავს ნიჭთა მათ ზეცისათაჲ, ზიარ-ყოფილ არიან სულითა წმიდითა.
და კეთილი ღუაწლი უხილავს, სიტყუაჲ ღმრთისაჲ, და ძალი იგი მერმეთა მათ საუკუნეთაჲ.
Page of ms. P: 292R და მერმე შესცოდეს, და კუალად განახლებაჲ იგი მათი სინანულითა, თანა ჯუარ-ცუმად თავი მათი ძესა ღმრთისასა და განქიქებაჲ.
რამეთუ ქუეყანამან, რომელმან სუს მას ზედა მოსრული იგი მრავალგზის წჳმაჲ და გამოიღის მწუანვილი, სარგებელი მათთჳს, რომლითაცა-იგი იქმნების და მიიღის კურთხევაჲ ღმრთისაგან.
ხოლო მან გამოიღის კუროჲსთავი და ეკალი ურგები და წყევისა მახლობელიცა, რომელი უკუანაისკნელ დასაწუველად არნ.
ხოლო ჩუენ გურწამს თქუენთჳს, საყუარელნო, უმჯობესი და მახლობელი ცხორებისაჲ, ესრჱთ ღათუ ვიწყოთ,
რამეთუ არა არს სიცრუვჱ ღმრთისა თანა, ვითარმცა დაივიწყნა საქმენი თქუენნი, და სიყუარულისა მისისათჳს, რომელ მსახურებდით წმიდათა და მსახურებთცა.
გუნებავს კაცად-კაცადისა თქუენისაჲ, რაჲთა მასვე აჩუენებდეთ მოსწრაფებასა აღსრულებადმდე,
რაჲთა არა მოჰმედგრდეთ, არამედ მობაძავ იყვენით მათა, რომელთა-იგი სარწმუნოებითა და სულგრძელებითა დაიმკჳდრნეს აღთქუმანი.
