Page of ms. P: 7R უკუეთუ განსრულებაჲ იგი ლევიტელთაგან მღდელობისაჲ იყო, რამეთუ ერი იგი მას ზედა შჯულდებულ არს, რაჲღა საჴმარ იყო წესსა მას ზედა მელქიზედეკისსა სხუაჲ აღდგინებად მღდელი და არა წესსა მას ზედა აჰრონისსა თქუმად?
რამეთუ ცვალებასა თანა მღდელობისასა ჩას, რამეთუ შჯულისაცა ცვალებაჲ იყოს,
რომელსაცა ზედა თქუმულ არს ესე სხჳსა ნათესავისამან დაიპყრას, რომლისაგანი არასადა საკურთხეველსა წარდგომილ იყო.
წინაჲსწარ ჩას, რამეთუ იუდაჲს ნათესავისაგან აღმოგჳცენდა ჩუენ უფალი, რომლისაჲ არარაჲ აჴსენა მოსემან,
უკუეთუ, მსგავსად მელქიზედეკისა, აღდგეს სხუაჲ მღდელთმოძღუარი,
რომელი არა შჯულისა მისებრ მცნებისა ჴორციელისა იყოს, არამედ ძალისა მისებრ ცხოვრებისა წარუვალისა.
რამეთუ ეწამების: შენ ხარ მღდელ უკუნისადმდე წესსა მას ზედა მელქიზედეკისსა.
რამეთუ შეურაცხ იქმნების პირველი მცნებაჲ უძრულებისა მისთჳს და ურგებისა,
რამეთუ არარაჲ სრული საქმჱ ქმნა შჯულმან, რამეთუ შემოსლვაჲ უმჯობჱსი სასოებისაჲ, რომლისაგან მივეახლენით ღმერთსა.
Page of ms. P: _ Page of ms. L: 594V ესეოდენისა და უმჯობესისა [აღთქუმისა] იქმნა თავს-მდებ იესუ.
და რომელნიმე მრავალნი არიან მღდელად დადგინებულ სიკუდილისაგან დაყენებითა დადგომად იგი უკუნისადმდე.
ხოლო ამას წარუვალი აქუს ცხორებაჲ,
რომლისაგანცა ცხორებად შემძლებელ არს [მათა], რომელნი-იგი მოუვლენ ღმერთსა, მარადის ცხოელ არს მათთუის.
Page of ms. L: _ Page of ms. P: 286V შე-ვე ესევითარი-ჰგვანდა ჩუენდა მღდელთმოძღუარი: წმიდაჲ, უმანკოჲ, შეუგინებელი, განშორებული ცოდვათაგან და უმაღლჱსი ცათაჲ.
რომელსა არა უჴმს დღითი დღე, ვითარცა მღდელთმოძღუართა მათ, პირველად თჳსთა ცოდვათათჳს მსხუერპლისა შეწირვაჲ და მერმე ერისათჳს, ხოლო თავადმან ერთგზის ყო ესე, თავი თჳსი შეწირა.
რამეთუ შჯულმან კაცნი დაადგინნა მღდელად, რომელთა აქუნდა უძრულებაჲ, ხოლო სიტყუამან ფიცისამან, რომელი შჯულისა შემდგომად იყო -- ძჱ განსრულებული.
