ხოლო აწ თქუენცა, მდიდარნო, ტიროდეთ და გოდებდით უბადრუკებათა მათთჳს, თქუენ ზედა მომავალთა.
სიმდიდრჱ თქუენი დალპა და სამოსელი თქუენი მოილთა შეჭამეს.
ოქროჲ თქუენი და ვეცხლი თქუენი დაგესლებულ არს და გესლი იგი მათი საწამებელად თქუენდა იყოს და შეშჭამდეს ჴორცთა თქუენთა ვითარცა ცეცხლი: დაი\უნჯეთ Page of ms. P: 209V დღეთა მათთჳს უკუანაჲსკნელთა.
აჰა ესერა სასყიდლის-მოქმედთა მათ რომელთა გალეწეს ყანაჲ თქუენი. დაკლებულ არს და დაკლებული იგი თქუენგან ღაღადებს, და ღაღადებაჲ იგი მომკალთაჲ ყურთა უფლისა ყოვლისა მპყრობელისათა მიიწია.
იშუებდით თქუენ ქუეყანასა ზედა და იხარებდით. განზარდენით ჴორცნი თქუენნი ვიდრე დღედ კრძალვისა.
დასაჯეთ და მოჰკალთ მართალი და არა წინა-აღგიდგა თქუენ Page of ms. P: 210R .
სულ-გრძელ იქმნენით, ძმანო, ვიდრე მოსლვადმდე უფლისა. აჰა ესერა მოელის მუშაკი პატიოსანსა ნაყოფსა ქუეყანისასა და სულ-გრძელ არნ მას ზედა. ვიდრემდის მოიღოს [წჳმაჲ] მსთუაჲ და მცხუედი.
სულ-გრძელ იქმნენით თქუენცა, განიმტკიცენით გულნი თქუენნი, რამეთუ მოსლვაჲ უფლისაჲ მოახლებულ არს.
ნუ სულთ-ითქუამთ, ძმანო ჩემნო, ურთიერთას, რაჲთა არა განიკითხნეთ. აჰა ესერა განმკითხველი კართა ზედა დგას.
სახედ ძჳრის-ხილვისა და სულ-გრძელებისა გესხნედ, ძმანო ჩემნო. წინაწარმეტყუელნი, რომელნი იტყოდეს სახელითა უფლისაჲთა
აჰა ესერა ვჰნატრით მოთმინეთა მათ, მოთმინებაჲ იობისი გასმიეს და აღსასრული უფლისაჲ იხილეთ, რამეთუ ფრიად მოწყალე არს უფალი და ტკბილ.
Page of ms. P: _ Page of ms. L: 439R ყოვლისა წინა, ძმანო ჩემნო, ნუ ჰფუცავთ ნუცა ცასა, ნუცა ქუეყანასა, ნუცა სხუასა ფიცსა; იყავნ თქუენდა: ჰჱ ჰე და არაჲ არა, რაჲთა არა ორგულებასა შესცუივეთ.
შჭირდეს თუ ვისმე თქუენგანსა, ილოცევ\დინ; Page of ms. L: 439V მოლხინე თუ არს, გალობდინ.
უძლურ თუ ვინმე არს, მოუწოდენ მღდელთა ეკლესიისათა, ილოცო[ნ] მისთუის და სცხონ მას ზეთი სახელითა უფლისაჲთა.
და ლოცვამან სარწმუნოვებისამან აცხოვნოს სნეული იგი და აღადგინოს იგი უფალმან; დაღათუ ცოდვაჲ რაჲმე ექმნეს, მო-ვე-ეტევნენ მას.
აუარებდით ურთიერთას ცოდვათა და ულოცევდით ერთი-ერთსა, რაჲთა განიკურ[ნეთ].
