Page of ms. P: 231V მოხუცებული გაიოზს საყუარელსა, რომელი მიყუარს ჭეშმარიტებით. Page of ms. P: 232R .
საყუარელო, ყოველისავეთჳს გლოცავ შენ წარმართებად, ვითარცა-ეგე წარუმართებიეს სულსა შენსა.
რამეთუ განვიხარე ფრიად მომავალთაგან ძმათა, რომელნი წამებდეს ჭეშმარიტებისა შენისათჳს, ვითარცა-ეგე შენ ჭეშმარიტებით ხუალ.
სიხარული უფროჲს ამისა არა მაქუს, რაჲთა მესმოდის შვილთა ჭეშმარიტებით სლვაჲ.
საყუარელო, სარწმუნოებით ჰზამ, რომელსა-იგი იქმ ძმათა მიმართ,
და ესე უცხოთა წამეს სიყუარულისა შენისათჳს წინაშე ეკლესიისა, რომელ კეთილსა უყოფ, და წარმოგზავნეს ღირსად ღმრთისა,
რამეთუ სახელისა მისისათჳს გამოვიდეს და არარაჲ გამოიღეს წარმართთაგან.
რამეთუ ჯერ-არს შეწყნარებაჲ ეგევითართაჲ მათ, რაჲთამცა] შემწე ვეყვენით ჭეშმარიტებასა,
მიწერად ეკლესიასა, არამედ მთავრობის მოყუარჱ იგი მათი დიოტროფე არა შემიწყნარებს ჩუენ.
ამისთჳს, უკუეთუ მოვიდე, მოვაჴსენნე საქმენი მისნი, რომელთა იქმს, სიტყჳთა ბოროტითა გუგმობს ჩუენ, და ვერ კმა-ეყოფვის ესე, არამედ არცა იგი შეიწყნარებს [ძმათა], რომელთა ჰნებავს შეწყნარების, მათ აყენებს და კრებულისაგან განასხამს.
საყუარელო, ნუ ჰბაძავ ბოროტსა, არამედ კეთილსა; რამეთუ კეთილის-მოქმედი იგი ღმრთისაგან არს, ხოლო ბოროტის-მოქმედსა მას არა უხილავს ღმერთი.
დემეტრე წამებულ არს ყოველთაგან და თჳთ მის ჭეშმარიტებისაგან, და ჩუენცა ვწამებთ და იცით, რამეთუ წამებაჲ ჩუენი ჭეშმარიტ არს.
მრავალი მინდა მიწერად შენდა, არამედ არა მელნითა და ლერწმითა მიწერად შენდა.
ვესავ აღრე ხილვასა შენსა და პირისპირ ვიტყოდით.
მშჳდობაჲ Page of ms. P: 232V შენდა, გიკითხვენ შენ მეგობარნი; კითხვაჲ არქუთ მეგობართა ჩემთა სახელით.
