TITUS
Nevm.dzlisp.
Part No. 10
Previous part

Canon: g-add.  
Ode: ug.  
უგალობდითსა ჴმაჲ გ


Hymn number: 827(1)  
Hymn type: h     მკლავით მით მაღლითა განარინე ერი ისრაელთაჲ, კაცთ-მოყუარე და დაანთქ ფარაო ზღუასა მეწამულსა ძლიერებით.
Hymn type: t     მკლავთა ზედა იტჳრთე უბიწო, რომელსა უტჳრთვან ყოველნი ნათესავნი სიტყჳთა ძლიერებისა თჳსიაჲთა.

Hymn number: 828(2)  
Hymn type: h     უგალობდეთ უფალსა, რომელმან ყო სასწაულთა ნიშები ზღუასა მეწამულსა, რამეთუ სიღრმესა დაანთქა წინააღმდგომი თჳსი და იჴსნა ისრაელი, მას მხოლოსა უგალობდეთ, რომელიცა დიდებულ არს.
Hymn type: t     გიგალობთ შენ, ქალწულო უბიწო[ო], რომელმან გჳშევ ცათა დაუტევნელი; აღემატა ქებაჲ შენი ცნობათა ჩუენთა, არამედ შეიწირე ვედრებაჲ ჩუენი და შენმიერი შეწევნაჲ გარდამოგჳვლინე.



Ode: moix.  
მოიხილესა


Hymn number: 829(1)  
Hymn type: h     ვითარცა წჳმაჲ მწუანვილსა ზედა Ms. page: 183r   Page of ed.: 853  და ვითარცა ცუარი ზედა თივასა, გარდამოედინ ქუეყანად სიტყუანი ჩემნი.
Hymn type: t     --

Hymn number: 830(2)  
Hymn type: h     ღმრთის-მხილველმან მოსე პირველ იხილა სახე ქალწულისაჲ მაყლოვანსა მას შინა, ვითარ-იგი მაყუალი უვნებელად ცეცხლისაგან, ეგრევე დაიცვა ქალწულებაჲ უვნებელად შობასა.
Hymn type: t     ღრუბლითა საღმრთოჲსა მის ცუარისა მტჳრთველსა უბიწოებით მოჰყვანდა წიაღითა დაუტევნელი ქერაბინთაჲ, რომელსა უტჳრ[თ]ვან წამისყოფითა ყოლად უბიწოჲსა ქალწულისაჲთა.



Ode: gandzl.  
განძლიერდასა


Hymn number: 831(1)  
Hymn type: h     მშჳლდები მტერთაჲ შეჰმუსრე მკლავითა მაღლითა, ქრისტე, და უძლურნი ძალითა განაძლიერენ მგალობლად შენდამი, არავინ არს წმიდაჲ შენებრ, კაცთ-მოყუარე.
Hymn type: t     ქალწულისაგან მიიხუენ ჴორცნი, ქრისტე მაცხოვარო ჩუენო, რაჲთა მიზიარნე ბუნებანი ღმრთეებასა შენსა და დაჰგლახაკენ ჩუენთჳს, რაჲთა განამდიდრო სიგლახაკე ჩუენი, წმიდა ხარ შენ უფალო.

Hymn number: 832(2)  
Hymn type: h     არავინ არს წმიდაჲ შენებრ, კაცთ-მოყუარე, რომელმან აღამაღლე რქაჲ ქრისტეანეთაჲ, დაამტკიცე ეკლესიაჲ კლდესა ზედა და მას შინა წარმართნი შემოკრიბენ, რომელნი ესრეთ ჴმობენ: არავინ არს წმიდაჲ შენებრ, კაცთ-მოყუარე.
Hymn type: t     --

Hymn number: 833(3)  
Hymn type: h     განძლიერდი, სულო ჩემო, უფლისა მიმართ ღმრთისა და მისა მიმართ ღაღადებდ: არავინ არს წმიდაჲ შენებრ, კაცთ-მოყუარე. Ms. page: 183v   Page of ed.: 855  განჴორციელდა შენგან, სძალო, სიტყუაჲ ღმრთისაჲ უქცეველად და დაგიცვა შენ უბიწოდ შემდგომად შობისა, ყოლად უბიწო[ო].
Hymn type: t     --



Ode: upm.  
უფალო მესმასა


Hymn number: 834(1)  
Hymn type: h     მთაჲ, რომელი იხილა პირველ ჩრდილოჲთ ამბაკუმ და ღაღატ-ყო შენთჳს ქალწულო: თემანით მოვიდეს მჴსნელი და წმიდაჲ იგი მთით ჩრდილოჲთ მაღნართაჲთ, რამეთუ საშოჲსა შენისაგან შეიმოსა კაცებაჲ სიტყუამან ღმრთისამან ჴსნისათჳს ჩუენისა.
Hymn type: t     შენთჳს ღაღადებდა ამბაკუმ პირველვე, ვითარმედ: მზე ამაღლდა და მთოვარე დადგა წესსა თჳსსა, რამეთუ ქალწულადვე ეგე, რომელმან მოეც მორწმუნეთა ცხორებაჲ საუკუნოჲ და პირველი ნეტარებაჲ.

Hymn number: 835(2)  
Hymn type: h     წინაჲსწარ ღაღატ-ყო წინაჲსწარმეტყუელმან შენმან აბაკუმ საიდუმლოჲ იგი განკაცებისა შენისაჲ, რომელი აჩუენე ჩუენ ცოდვილთათჳს, რამეთუ დასდევ წყალობით სიყუარული მტკიცე და ზეცით სიმდაბლით გარდამოჰჴედ, რაჲთა ჩუენ გამომიჴსნე მადიდებელად ძალსა შენსა.
Hymn type: t     --



Ode: gham.  
ღამითგანსა


Hymn number: 836(1)  
Hymn type: h     ნათელი შენი წარუვალი, ქრისტე, გამოაბრწყინვე ჩუენ ზედა და წარუძეღუ სულთა ჩუენთა ალაგსა მცნებათა შენთასა, რამეთუ ნათელ არიან ბრძანებანი შენნი.
Ms. page: 184r  
Page of ed.: 857 
Hymn type: t     ნათელი და ცხორებაჲ, უფალი გამოვიდა შენგან, სძალო, რომელმან განანათლნა მსხდომარენი ბნელსა და მიმიძღუა ნათელსა ჭეშმარიტსა.



Ode: ghagh.  
ღაღატყავსა


Hymn number: 837(1)  
Hymn type: h     სიღრმენი ვნებათანი და ღელვაჲ ქართა ცოდვისათა განძჳნდეს ჩემ ზედა, არამედ შემეწიე და მიჴსენ, მაცხოვარო, ვითარცა იჴსენ იონა სიღრმეთაგან.
Hymn type: t     სამებაჲ ერთარსებაჲ ერთარსებით მოგუესწავა თაყუანის-საცემელად, ხოლო ჩუენ, არიოზს და ნისტორს, საბელიოზს და პეტროზს შევაჩუ[ენ]ებთ ყოველნი.



Ode: akrtx.  
აკურთხევდითსა


Hymn number: 838(1)  
Hymn type: h     ცანი უთხრობენ ქმნულსა ჴელთა შენთასა, უფალო, და მნათობნი ჰმსახურებენ ჴელმწიფებით წამისყოფასა შენსა, და კიდენი სოფლისანი მათ თანავე გაკურთხევენ შენ, კაცთ-მოყუარე.
Hymn type: t     ცათა და ქუეყანისა და ქუესკნელთა მპყრობელი მეუფე საუკუნოჲ, არსება-დაუბადებელი სამებაჲ აღვიაროთ, მორწმუნენო, და ავამაღლებდეთ მას აწ და უკუნისამდე.

Hymn number: 839(2)  
Hymn type: h     აქუნდა სამთა მათ ყრმათა ღმერთ-შემოსილთა ცეცხლი საღმრთოჲსა შურისაჲ Ms. page: 184v   Page of ed.: 859  გონებასა და მით მძლე ექმნეს ალსა აგზებულსა საჴუმილისასა, სიხარულით ჴმა-ყვეს: ღმერთო, ყოველთა მჴსნელო, აგამაღლებთ შენ.
Hymn type: t     აღგიარებთ შენ მორწმუნენი ერთობით ერთარსებასა დაუბადებელსა სამებისასა, რომლისა სუფევისა არა არს საზღვარ, მართლმადიდებლობით თაყუანის-ვსცემთ მას და ქებით ავამაღლებთ.



Ode: adid.  
ადიდებდითსა


Hymn number: 840(1)  
Hymn type: h     გიხაროდენსა შენდამი ყოველნი ვიტყჳთ, უბიწო[ო], რამეთუ რომელი-იგი შევ შენ ძე, განხეთქნა ჯოჯოხეთისა საკრველნი, აღდგა, მაცხოვნნ[ა] ჩუენ ქრისტემან კაცთ-მოყუარემან.
Hymn type: t     --

Hymn number: 841(2)  
Hymn type: h     გიხროდენ, შენ, ღრუბელო სულმცირეო, გიხაროდენ მარიამ, ბჭეო ცათაო, გიხაროდენ, საყდარო მაღლისაო, რომელსა გიტჳრთავს ცუარი ღრუბლითა და მოგაქვს ნაყოფი სიმართლისაჲ, რომელმან აჴოცა წყევაჲ იგი პირველისა ძელისაჲ შენგან შობილმან, გიხაროდენ, მარიამ, ბჭეო ცათაო, მეოხ გუეყავ ჩუენ.
Hymn type: t     --





Next part


This text is part of the TITUS edition of Nevm.dzlisp..

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.