TITUS
Corpus of Published Udi Texts
Part No. 10
Previous part

Part: IX  
IX


Page: 52 
Sentence: 1     beš kala ġirux evaxṭ baiġala, ema ġia, šamaṭa, xaša; kala ġirġox eḳaq̇un uksa, eḳa teq̇un uksa; mano ġina baiġala, č̣eġala?
   Beṡ kՙala ġirux ewaxt baiġala, ema ġia, ṡamata, xaṡa; kՙala ġirġox ekaqun ukՙsa, eka tՙequn ukՙsa; mano ġina baiġala, ċ̣eġala? -

Sentence: 2     vic̣ ġenaxo ośa baiġalle; kala ġirux ṗa͑q̇o muġ ġine, vuġ šamaṭṭe, sa xaš xib šamaṭṭe; kala ġirgox uq̇unkesa: paq̇la, uć̣, oq̇unun ḳać̣oli, c̣aḳeci uq̇, paq̇lin xup, keǯunun xup, badaḳ; ukal teq̇un: eq̇, qoxla, ć̣äin, naq̇əl, ġusme; kala ġirux ṗa͑šamaṭ ġinane baisa, šamaṭġinane čixarxesa, be͑inġġina uq̇unkesa, axc̣imaq̇un besa.
   Wic̣ ġenaxo ọṩạ baiġalle; kՙala ġirux pՙạq̇o muġ ġine, wuġ ṡamatte, sa xaṡ xib ṡamatte; kՙala ġirgox uqunkՙesa: pՙaqla, uc̣, oqunun kạc̣ọli, c̣ạkeci uq̇, pՙaqlin xupՙ, kՙeʒ̇unun xupՙ, badak; ukՙal tՙeq̇un: eq, qoqla, ċ̣ạin, naqyl, ġusme; kՙala ġirux pՙạṡamat ġinane baisa, ṡamaṭġinane ċixarxesa, beinġġina uqunkՙesa, axcimaqunbesa. -

Sentence: 3     ax! evaxṭ bakala kala ġirux usin eġane, usinal taġane, kala axc̣imina mu͑qluġen č̣eġen, taġen gergec̣a, dafṭarunq̇an xačna be͑ś beš günahax be͑inśax uḳen, ośa mugin aq̇en, bixaʒ́uġenal beš günahaxo kul aq̇ane.
   Ax! ewaxt bakՙala kՙala ġirux usin eġane, usinal tՙaġane, kՙala axcimina mụqlụġen ċ̣eġen, tՙaġen gergeca, dạftạrunqan xaċna beṩ beṡ günạḥạx beinṩạx uken, ọṩạ mugin aqen, Byxạʒụġenal beṡ günạḥạxo kՙul aq̇ane. -

Sentence: 4     kala ġirġoxo ǯoḳ, ṗuran ġirux bu beš; ema ġiruxa bu?
   Kՙala ġirġoxo ʒ̇ok, puran ġirux bu beṡ; ema ġiruxa bu? -

Page: 53 
Sentence: 5     xib: so exna-ġirux, so Mairam-nana ġirux, soal be͑inśun ġirux.
   Xib: so exna-ġirux, so Mairam-nana ġirux, soal beinṩun ġirux. -

Sentence: 6     moṭuġoxo ǯoḳ ġenen ġiruxal bune; ġenen ġirux ema käräna baksa šamaṭix?
   Motuġoxo ʒ̇ok ġenen ġiruxal bune; ġenen ġirux ema kՙäräna bakՙsa ṡamatiḥ? -

Sentence: 7     ġenen ġirux šamaṭix ṗa͑ käränne baksa; sa biṗšamaṭ ġi, saal parasḳi.
   Ġenen ġirux ṡamatiḥ pՙạ kՙäränne bakՙsa; sa bipṡamat ġi, saal pՙaraski.




Next part


This text is part of the TITUS edition of Corpus of Published Udi Texts.

Copyright TITUS Project, Frankfurt a/M, 17.12.2016. No parts of this document may be republished in any form without prior permission by the copyright holder.