TITUS
Biblia Udica, Versio Nizhensis: Novum Testamentum
Part No. 89
Previous part

Chapter: 21 

Isusi Iz šagirdxo göle börine aḳesun
İsusi İz şagirdxo göle börine ak'esun


Verse: 1  Link to udintLink to armntLink to ntkpl Me äšurxoxun oša Isus Ṭiberiya göle * börine ṗurum Iz šagirdxo aḳeci. Mo metäre bakey:
   Me əşurxoxun oşa İsus T'iberiya göle * börine p'urum İz şagirdxo ak'eśi. Mo metəre bakey:

Verse: 2  Link to udintLink to armntLink to ntkpl Simon P̣eṭer, "Äkiz" ḳaleġala Ṭomas, Galileyin Gana ayizexun bakala Naṭanail, Zavdayi ġarmux saal Šoṭay q̇eräz ṗä͑ šagird sagalaṭuniy.
   Simon P'et'er, "Əkiz" k'aleğala T'omas, Galileyin Gana ayizexun bakala Nat'anail, Zavdayi ğarmux saal Şot'ay q'erəz p'ə̌ şagird sagalat'uniy.

Verse: 3  Link to udintLink to armntLink to ntkpl Simon P̣eṭeren pine: "Čäli biq̇saz taysa". Mandi šagirdxon "yanal vaxun tayansa" piṭun. Šorox taci lodḳinaṭun laci, ama ṭe üše hiḳḳal biq̇es teṭun baki. *
   Simon P'et'eren pine: "Çəli biq'saz taysa". Mandi şagirdxon "yanal vaxun tayansa" pit'un. Şorox taśi lodk'inat'un laśi, ama t'e üşe hik'k'al biq'es tet'un baki. *

Verse: 4  Link to udintLink to armntLink to ntkpl Käybakaṭan Isus göle börine čurpeney, ama šagirdxon Šoṭay Isus baksuna teṭun avabaki.
   Kəybakat'an İsus göle börine çurpeney, ama şagirdxon Şot'ay İsus baksuna tet'un avabaki.

Verse: 5  Link to udintLink to armntLink to ntkpl Isusen šoṭoġo pine: "Ay vičimux, ukseynaḳ sa šey biq̇es bananki?" Šoṭo ǯoġabṭun tadi: "Tää".
   İsusen şot'oğo pine: "Ay viçimux, ukseynak' sa şey biq'es bananki?" Şot'o coğabt'un tadi: "Təə".

Verse: 6  Link to udintLink to armntLink to ntkpl Isusen pine: "Tora lodḳin yön täräf bosanan, ṭeṭiin biq̇alnan". Haketäräl biṭun. Šoṭoġon ṭeq̇ädär čäliṭun biq̇i ki, tora zapes teṭun baksay. *
   İsusen pine: "Tora lodk'in yön tərəf bosanan, t'et'iin biq'alnan". Haketərəl bit'un. Şot'oğon t'eq'ədər çəlit'un biq'i ki, tora zapes tet'un baksay. *

Verse: 7  Link to udintLink to armntLink to ntkpl Ṭe vädä Isusi čureġala šagirden P̣eṭera pine: "Mo *Q̣onʒ́uxe". Simon P̣eṭeren Šoṭay Q̣onʒ́ux baksuna ibakala ḳinäḳ iz looxun č̣eq̇i alin paltaren bäč̣üreci lodḳinaxun č̣eri xene boše ǯupi.
   T'e vədə İsusi çureğala şagirden P'et'era pine: "Mo *Q'ončuxe". Simon P'et'eren Şot'ay Q'ončux baksuna ibakala k'inək' iz looxun c'eq'i alin paltaren bəc'üreśi lodk'inaxun c'eri xene boşe cupi.

Verse: 8  Link to udintLink to armntLink to ntkpl Ṭe soġo šagirdxo isä čälin tora zapsun-zapsun lodḳinenṭun hari, šoṭaynaḳ ki, göle börinexun ä͑xil teṭuniy, ṗä͑bać ṗexusa * ə͑śa gane mandey.
   T'e soğo şagirdxo isə çəlin tora zapsun-zapsun lodk'inent'un hari, şot'aynak' ki, göle börinexun ə̌xil tet'uniy, p'ə̌baç̌ p'exusa * ı̌ša gane mandey.

Verse: 9  Link to udintLink to armntLink to ntkpl Šorox q̇ariluġa č̣eġaṭan aṭunḳi ki, ṭeṭiya boḳala c̣ile loxol čäline aṗsa, iz ṭo͑ġo͑l śumal buney.
   Şorox q'ariluğa c'eğat'an at'unk'i ki, t'et'iya bok'ala s'ile loxol çəline ap'sa, iz t'ǒğǒl šumal buney.

Verse: 10  Link to udintLink to armntLink to ntkpl Isusen šoṭoġo pine: "Häysä biq̇i čälinäxunal \ ečanan".
   İsusen şot'oğo pine: "Həysə biq'i çəlinəxunal \ eçanan".

Verse: 11  Link to udintLink to armntLink to ntkpl Simon P̣eṭer tora q̇ariluġa ešṭeynaḳ lodḳinane laci. Tore boš sabać älli xib dänä kala čäline buy. Čäli lap gele baalkayin, tor ḳac̣teneci.
   Simon P'et'er tora q'ariluğa eşt'eynak' lodk'inane laśi. Tore boş sabaç̌ əlli xib dənə kala çəline buy. Çəli lap gele baalkayin, tor k'as'teneśi.

Verse: 12  Link to udintLink to armntLink to ntkpl Isusen šoṭoġo pine: "Ekinan, savaxṭin śuma ukanan". Šagirdxoy sayǯäṭin Šoṭoxun "Hun šunu?" pi xavar haq̇suna üḳ tenebi. Šoṭay Q̣onʒ́ux baksuna avaṭuniy.
   İsusen şot'oğo pine: "Ekinan, savaxt'in šuma ukanan". Şagirdxoy saycət'in Şot'oxun "Hun şunu?" pi xavar haq'suna ük' tenebi. Şot'ay Q'ončux baksuna avat'uniy.

Verse: 13  Link to udintLink to armntLink to ntkpl Isusen śuma exṭi šoṭoġo payebi, haṭetäräl čälinäne paybi.
   İsusen šuma ext'i şot'oğo payebi, hat'etərəl çəlinəne paybi.

Verse: 14  Link to udintLink to armntLink to ntkpl Isus ṗuri ganuxun *be͑yinbakiṭuxun oša xibimǯi kärämey ki, šagirdxo aḳesay
   İsus p'uri ganuxun *běyinbakit'uxun oşa xibimci kərəmey ki, şagirdxo ak'esay



Isusi P̣eṭera tadi tapšuruġ
İsusi P'et'era tadi tapşuruğ


Verse: 15  Link to udintLink to armntLink to ntkpl Savaxṭin śumaxun oša Isusen Simon P̣eṭera pine: "Ay Ioani ġar Simon, hun Za koṭoġoxun gelen čuresa?" P̣eṭeren Šoṭo pine: "Hoo, ay Q̣onʒ́ux, Va čuresuna avanu". Isusen šoṭo pine: "Bezi q̇uziġo be͑ġa".
   Savaxt'in šumaxun oşa İsusen Simon P'et'era pine: "Ay İoani ğar Simon, hun Za kot'oğoxun gelen çuresa?" P'et'eren Şot'o pine: "Hoo, ay Q'ončux, Va çuresuna avanu". İsusen şot'o pine: "Bezi q'uziğo běğa".

Verse: 16  Link to udintLink to armntLink to ntkpl Šoṭin ṗä͑mǯi käräm P̣eṭera pine: "Ay Ioani ġar Simon, Za čurensa?" Šoṭinal Isusa pine: "Hoo, ay Q̣onʒ́ux, Va čuresuna avanu". Isusen šoṭo pine: "Bezi q̇uziġo otariša".
   Şot'in p'ə̌mci kərəm P'et'era pine: "Ay İoani ğar Simon, Za çurensa?" Şot'inal İsusa pine: "Hoo, ay Q'ončux, Va çuresuna avanu". İsusen şot'o pine: "Bezi q'uziğo otarişa".

Verse: 17  Link to udintLink to armntLink to ntkpl Xibimǯi käräm P̣eṭera pine: "Ay Ioani ġar Simon, Za čurensa?" P̣eṭeren xibimǯi käräm Isusen ičuxun "Za čurensa?" xavar haq̇suna görä pisbaki Šoṭo pine: "Ay Q̣onʒ́ux, Hun här šeya avanu, bezi Va čuresuna avanu". Isusen šoṭo pine: "Bezi q̇uziġo be͑ġa.
   Xibimci kərəm P'et'era pine: "Ay İoani ğar Simon, Za çurensa?" P'et'eren xibimci kərəm İsusen içuxun "Za çurensa?" xavar haq'suna görə pisbaki Şot'o pine: "Ay Q'ončux, Hun hər şeya avanu, bezi Va çuresuna avanu". İsusen şot'o pine: "Bezi q'uziğo běğa.

Verse: 18  Link to udintLink to armntLink to ntkpl Serina, serinaz va nex: ǯäyil bakaṭan vi q̇ayinša ġaćṗi čureġala gala tansay, ama q̇oža bakaṭan kulmoġo boxodalnu, q̇eräzṭin vi q̇ayinša ġaćṗi va vi nu čureġala gala tašale".
   Serina, serinaz va nex: cəyil bakat'an vi q'ayinşa ğaç̌p'i çureğala gala tansay, ama q'oja bakat'an kulmoğo boxodalnu, q'erəzt'in vi q'ayinşa ğaç̌p'i va vi nu çureğala gala taşale".

Verse: 19  Link to udintLink to armntLink to ntkpl Isusen me äyiten P̣eṭeren mani ǯürä bisunen Buxaʒ́uġoy c̣iya alabaleysa, šoṭone avabakesṭay. Moṭo piṭuxun oša "Bezi bać̣anexun eki" pine.
   İsusen me əyiten P'et'eren mani cürə bisunen Buxačuğoy s'iya alabaleysa, şot'one avabakest'ay. Mot'o pit'uxun oşa "Bezi bač'anexun eki" pine.

Verse: 20  Link to udintLink to armntLink to ntkpl P̣eṭerenal qoš be͑ġi Isusi čureġala šagirdi ičoġoy bać̣anexun eysunane aḳi. Mo haṭe biyäsin śum ukala vädine fərəpi Isusaxun "ay Q̣onʒ́ux, Va toydala amdar šuva?" pi xavar haq̇i šagirdey. *
   P'et'erenal qoş běği İsusi çureğala şagirdi içoğoy bač'anexun eysunane ak'i. Mo hat'e biyəsin šum ukala vədine fırıpi İsusaxun "ay Q'ončux, Va toydala amdar şuva?" pi xavar haq'i şagirdey. *

Verse: 21  Link to udintLink to armntLink to ntkpl P̣eṭeren me šagirdä aḳi Isusa pine: "Ay Q̣onʒ́ux, ṗoy me amdar hetär bakala?"
   P'et'eren me şagirdə ak'i İsusa pine: "Ay Q'ončux, p'oy me amdar hetər bakala?"

Verse: 22  Link to udintLink to armntLink to ntkpl Isusen šoṭo pine: "Ägär Zu qaybakamin * šoṭay dirisṭ mansṭuna čureġayiz, moṭoxun va hiḳä? Hun Bezi bać̣anexun eki".
   İsusen şot'o pine: "Əgər Zu qaybakamin * şot'ay dirist' manst'una çureğayiz, mot'oxun va hik'ə? Hun Bezi bač'anexun eki".

Verse: 23  Link to udintLink to armntLink to ntkpl Hametär, ṭe šagirdi nu bisuni barada ve͑bakalṭoġoy arane exlätxone yäymišäki. Ama Isusen šoṭo tene biyal tene pey, sayǯä "ägär Zu qaybakamin šoṭay dirisṭ mansṭuna čureġayiz, moṭoxun va hiḳä?" peney.
   Hametər, t'e şagirdi nu bisuni barada věbakalt'oğoy arane exlətxone yəymişəki. Ama İsusen şot'o tene biyal tene pey, saycə "əgər Zu qaybakamin şot'ay dirist' manst'una çureğayiz, mot'oxun va hik'ə?" peney.

Verse: 24  Link to udintLink to armntLink to ntkpl Me äšurxoy barada šahidluġbsun camḳalo haṭe šagirde. Yanal avayan ki, šoṭay šahidluġ serine.
   Me əşurxoy barada şahidluğbsun śamk'alo hat'e şagirde. Yanal avayan ki, şot'ay şahidluğ serine.

Verse: 25  Link to udintLink to armntLink to ntkpl Isusen q̇eräzäl gele äšurxone biq̇ey. Ägär šoroxal soġo-soġo cameciniy, zaynaḳ ṭetäre eysa ki, cameġala girkurxo sal dünyäne tene ṗaq̇oy.
   İsusen q'erəzəl gele əşurxone biq'ey. Əgər şoroxal soğo-soğo śameśiniy, zaynak' t'etəre eysa ki, śameğala girkurxo sal dünyəne tene p'aq'oy.




Next part


This text is part of the TITUS edition of Biblia Udica, Versio Nizhensis: Novum Testamentum.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.