TITUS
Minor Old High German Monuments
Part No. 40
Previous part

Text: Predigtsamml.B  
Page: S168  
Manuscript: Vind._2681  
XXXII. Predigtsammlung B
Section: 1  
1.

Cod. Vind. (ÖNB) 2681, p. 212r


Ms. page: 212ra  
Line: 1        Daz1 ęuangelium zélit uns, daz unser herro Ihesus Christus zuo
Line: 2     
den heiligen bóton imo iruueliti sibinzic2 unta ziuueni iungerun,
Line: 3     
der er îe Ms. page: 212rb   ziuueni unte ziuueni3 fure sante mit sinera predige in îegiliche
Line: 4     
burch unte stat, dare er selbi chomen4 uuolti. Die ziuueni
Line: 5     
iungerun, die er sante in dera brediga, die pizeichinent die ziuuei
Line: 6     
kibot dere minne, die niemir irfullet5 nimagen uuerdén, niuuari
Line: 7     
iêdoh zi minniste unter ziuuain. In imo selbemo nimac si nieman
Line: 8     
irfullen, suntir er scol si6 irfullen an einemo anderemo. Der die minne
Line: 9     
uuider sinen nahisten nieth nihat,7 der scol niemir daz ambahte
Line: 10     
kiuuinnen8 der bredigi. Daz er die ziuueni9 iungerun so fure sante10
Line: 11     
in alla die stete, dare er selbi chomen11 uuolti, daz bizeichinet:12
Line: 12     
suenne unseriu muot13 imo kilúteret14 uuerdent mit dera heiligen


Cod. Vind. (ÖNB) 2681, p. 212v


Line: 13     
bredige unte mit demo brunnen dera Ms. page: 212va   zahire,15 dare nah chumet16
Line: 14     
er unte pisizzet17 siu mit sinemo liêhte. Do er siu do hina sante, do
Line: 15     
sprah er, daz der arin michel uuare unte dero snîtare18 luzil uuari.
Line: 16     
Nu sprichit sanctus Gregorius "pittit den almahtigen got, daz er senti19
Line: 17     
die uuerhmanne in sinen aren. Diu uuerlt ist fol dero, diê dir habent
Line: 18     
den phaflichen namen: da ist auer unter uile unmanic uuerhman,
Line: 19     
der sin ambahte so irfulle, so iz gote liche oder imo selbemo nuzze
Line: 20     
si oder dero diheinigemo,20 demo er iz spenten scol." Daz kiscihet21
Line: 21     
ofto, daz der predigare irstummet:22 ettisuenne durh sin selbis unreth,
Line: 22     
daz er dei nieth vuurchen niuuile, dei er da brediget;23 ettisuenne
Line: 23     
so kiscihet21 iz24 Ms. page: 212vb   durh25 des liutis unreth, daz si is nieth uuert nisint
Line: 24     
ze firnemenne. Daz ist unsemfte zi firstênni, uona uues sculden iz
Line: 25     
si:26 taret iz ettesuenne demo hirte, iz taret27 aue iêntie demo quartire,
Line: 26     
uuante nimac der bredigare nieth sprechen, er chan iêdoh daz reth
Line: 27     
wurchen,28 unte doh iz der liut uuelle wurchen,29 er nichan, iz niuuerde
Line: 28     
imo kichundit. Vone diu so sprah unser herro zi sinen iungerin, do
Line: 29     
er siu zi dera brediga sante. Er sprah "Ih sento iûuuih30 also dei scaf
Line: 30     
unter die uuolfe". Er gab in den kiuualt prediginnis unte hiez siu
Page: S169   Line: 31     
haben die miteuuari des lampis, so daz si íre crimme nieth niûobten1
Line: 32     
in diê ire untertanen, so sumelichere site ist, so si kiuualt kiuuinnent,2
Line: 33     
daz si denno den tarent, den si frúme scolten.



*
Section: 2  
Page: S169  
2.

Cod. Vind. (ÖNB) 2681, p. 232rb


Ms. page: 232rb  
Line: 1        
Daz3 ęuangelium zelit uns, daz daz himilrih kelih si demo hûsherro,
Line: 2     
der des morgenis fruo in sinan uuinkarten samenoti dei uuerhliuti.
Line: 3     
Vuer uuirdit rehtere kikagenmazzit4 demo husherren, denne unser
Line: 4     
herro der heilige Christ, der dir rihtet5 alla, die er kiscuof, also der
Line: 5     
hushérro rihtet5 die imo untertanen?6 Der huosherro ladote allen


Cod. Vind. (ÖNB) 2681, p. 232v


Line: 6     
den tac die uuerhliûte7 Ms. page: 232va   in sinan uuinkarten, sumeliche fruo, sumeliche
Line: 7     
ze mittemo morgene, sumeliche zi mittemo taga, sumeliche ze nona,
Line: 8     
sumeliche ana demo abanda oder in suêlihemo cite si imo zuo chomen.8
Line: 9     
Also negistilte unser herro der almahtige got uone anakenge dere
Line: 10     
uuerlti unzi ana den ente die predigare ci sentenna zi dera lera sinere
Line: 11     
iruuelitono. Der uuinkarte pizeichinet die gotis e, in der dir kisezzet
Line: 12     
unde kerihtet uuerdent elliu9 reht, also diu uuinréba kerihtet10 vuirdit
Line: 13     
in demo scuzzelinge. Dei uuerh, dei man dar inna uuurchen11 scol,
Line: 14     
daz ist diu12 Ms. page: 232vb   miteuuare,13 diu chûske, diu kidult, diu guôte, diu
Line: 15     
ensticheit14 unte andere tugendi desin keliche. Nu15 sehen, mit
Line: 16     
uuelichemo flîzza uuir den gotis uuinkarten ûoben.16 Adam17 uuart
Line: 17     
kescaffen, daz er uuari ûoberi18 des19 paradysi; do er do firbrah daz
Line: 18     
gotis kebot, do uuart er dannen kistozzen in daz ellentuom disere
Line: 19     
uuenicheite. Also biren uuir kisezzet, daz uuir sin ûobare20 dere
Line: 20     
gotis e: uirruochelon uuir die, so uuerde uuir firstozzen uone demo
Line: 21     
gotis riche also die iuden. Suer die sunta uuurchet,21 der ziuueibet22
Line: 22     
den gotis uuinkarte, der dir aua vuurchet23 daz 24 gotis reth, der ûobet25


Cod. Vind. (ÖNB) 2681, p. 233r


Line: 23     
inan wole. Vuir nesculen niéth ûoben26 Ms. page: 233ra   die27 irdisgen acchera durh
Line: 24     
den uuerltlichen rihtuom, suntir durh den rihtuom des euuigen lonis.
Line: 25     
Die uinf28 uuile, in den dir dér huosherro ladote die uuerhliuti in
Line: 26     
sinan uuinkarten, die pizeichinent die uinf29 uuerlti, die dir uore
Line: 27     
Christis30 kiburte uuaren; áua die uuérhliute pizeichinent diê, die
Line: 28     
dir der almahtige got in den uinf uuerlten lachte zi demo euuigen lîbe.
Line: 29     
Daz uuas in dere eristen Adam31 unde sin kislahte, in dere anderen
Line: 30     
Noe unde sin kislahte, in dere dritten Abraham32 unde sin kislahte,
Line: 31     
in dere uierde Moyses unde sin kislahte. An demo ente33 dere uinften
Line: 32     
uuerlte do gáreti sanctus Iohannes baptista den34 uuech35 demo
Ms. page: 233rb  
Line: 33     
gotis36 sune durh die touffa unde durh die riuuua.37 In dere sehsti
Page: S170   Line: 34     
uuerlti, in dere uuir nu piren, do chom1 selbo unser herro der filius
Line: 35     
dei unte pichêrte mit sinera euangelisgen prediga unte mit sinen
Line: 36     
zeichenin die heidinen,2 uona den dir iruuohs3 diu heiliga christinheit,
Line: 37     
diu dir stet unzi an den enti dere uuerlte. Fore sinere kiburte
Line: 38     
so santi er die patriarchas unde die prophetas; suîe uuole die kiuuorhte
Line: 39     
nah sinere hulde, so niphiegin si doh sa nieth des lonis, uuande si
Line: 40     
alla zi helli fuoren. Ava nu zi gunste sîet4 sinere kiburti do santi er


Cod. Vind. (ÖNB) 2681, p. 233v


Line: 41     
die boton; suîe die zi iungisti5 Ms. page: 233va   chomen,6 so inphiegen7 si doh folliz
Line: 42     
lon, uuande in daz himelrih offen stuont, so si aller erist got uolgetin.
Line: 43     
So iz auh noh uns allen tuot, suenne uuir unsih durhnahtlichen bicherin.
Line: 44     
Die uinf8 uuila, die da fore pizeichinent die uinf8 uuerlti, die magen
Line: 45     
auh uuole kigagenmazzit uuerdun zi demo menniskinen altere. Diu
Line: 46     
friû9 diu pizeichinet10 die chindiska, der mitti morgen die iúgent,
Line: 47     
der mitte tac die tugent, daz ist diu metilscaft des menniskinen
Line: 48     
alteris, in demo er aller starchist ist, also diu sunna ze mittemo taga
Line: 49     
aller heizzist ist, so si chumet Ms. page: 233vb   in11 die métilscaft des himilis. So pizeichinet12
Line: 50     
diu nona daz altir, der abant daz bibint altir. Der in dera
Line: 51     
chindiska nieth pidenchan niuuella sina heila, der pidenche siâ doh
Line: 52     
in dera iungende odar in dere tugende odar in demo altere oder doh
Line: 53     
ana demo enti. In suelichemo dero altere er sih durnahtlichen picherit,
Line: 54     
so si kiuuis uone gote ze inphahenne daz selbi lon, daz ouh der
Line: 55     
inphahet,13 der uone sinere chindiska in gote arbeitet14 unzi an sinen
Line: 56     
ente. Do ana demo abande do sah der hûsherro dei liuti da muozic
Line: 57     
sten: do frâcti15 er si, umbe uuaz si allan tac da mûozic stuonten. Do


Cod. Vind. (ÖNB) 2681, p. 234r


Line: 58     
antuurten si, daz si niemen16 rihti zi demo uuerchi.17 Do Ms. page: 234ra   hiez18 er si gen
Line: 59     
in sinan uuinkarten umbe lon. Vuelihe stent muozic,19 niuuani die
Line: 60     
dir nieth durnahtlichen niuuurchent20 alla die gotis ê? Die huorare,
Line: 61     
die roubare,21 die trinchare, die manslecken, die luginare, die diûbe,
Line: 62     
die sint piheftit mit des tiufalis uuerhi: uone danne niuuerdunt si
Line: 63     
nieth kinennit muozzige, sunter tode. Die dir aue fliziclichen22 vurchent
Line: 64     
die gotis e unte elliu gûotiu uuerh, die sint chomen23 in den
Line: 65     
uuinkarten dere heiligen christinheite unte uuurchent24 samit iri.
Line: 66     
Der huosherro gab in allen kilichiz25 lon unte gab iz doh zerist den,
Line: 67     
die dir zi gunste chomen.26 Daz Ms. page: 234rb   pimurmilotin27 die eristen, die allen
Line: 68     
den tac arbeiten, daz er in nieth zi erist nigab unte in auh nieth mera
Line: 69     
nigab. Daz uuirdet28 uuole firnomen29 uona den rehtin unte uona den
Line: 70     
guoten, die uore Christis30 kipurte allan íri lib arbeiten nah demo
Line: 71     
himilriche unte si doh dara31 nieth nichomen,32 e der filius dei her
Line: 72     
in uuerlt chom unte in iz intlouh mit sinera martyre. Die phenninge
Page: S171   Line: 73     
pizeichinent daz himelrih, die dir alla uuare einis uuerdis, also daz
Line: 74     
himelrih ist: den er daz gibet,1 die nidurfen nieth murmilon, uuande


Cod. Vind. (ÖNB) 2681, p. 234va


Line: 75     
da niheinir ist hereri Ms. page: 234va   noh2 smahere demo anderemo. Manige sint
Line: 76     
dara kiladit durh die kiloube, unmanige choment aue dara, uone diu3
Line: 77     
uuande si nieth niwurchent4 daz si kiloubent, also diu heilige scrift
Line: 78     
chuit "Diu kiloube ist tot ane dei uuerh".



Section: 3  
Page: S171  
3.

Cod. Vind. (ÖNB) 2681, p. 234v


Ms. page: 234va  
Line: 1        
Unser5 herro der almahtige got der sprichet6 in desmi euangelio7
Line: 2     
"suenne der acchirman sait sinen samen, so fellit sumelichiz pi demo
Line: 3     
uuege unde uuirdet8 firtretin oder iz ezzant die uogile; sumelichiz
Line: 4     
fellit uf den stein unte irdorret9 sa, uuande iz dere fûohte nieth nihabit.
Line: 5     
Sumelichiz fellit unter die Ms. page: 234vb   dorne:10 daz pichumet11 ouh unte pidruchent
Line: 6     
iz die dorne, daz iz nieth nimac fure bringen daz wuôcher.12 Sumelichez
Line: 7     
fellit ana die guôten erda unte fure bringet13 cehincicualtigiz wuocher."14
Line: 8     
Der accharman der pizeichinet15 unseren herrun den heiligen Christ,
Line: 9     
der dir tagilichen in dera heiligun christinheite durh die munda dere
Line: 10     
lerari sait in dei herzi sinere holden die keistlichan lera. Diu misseliche
Line: 11     
dere guoten unte dere ibilen erde diu pizeichinet15 dei16 misselichen
Line: 12     
muot17 dere menniscono, den dir emzic kiprediget18 uuerdunt die
Line: 13     
gotis uuort. Der sami pizeichinet19 daz gotis uuort,20 der acchir


*

Cod. Vind. (ÖNB) 2681, p. 235r


Ms. page: 235ra  
Line: 14     
diu dornigi21 erda pizeichinet22 die, die dir minnent die uuerltlichen
Line: 15     
scazze, uona den si kiirret23 uuerdent dero guoten uuerchun.
Line: 16     
Diu guote erda, diu dir uone demo samen24 furi bringet25 cehinzicualtigiz
Line: 17     
wûochir,26 diu pizeichinet27 die, die got furhtent unte minnent unte
Line: 18     
dar ána uoleuuonent,28 so daz si alla uuila uuilliclichen vuurchent
Line: 19     
siniu uuerh. Daz29 sint30 sa die kihietin, die dir lebent chuosclihen,31
Line: 20     
rehte unte einualtlichen unte andere mit íre gûoten siten lerent unte
Line: 21     
leitent zi demo euuigan libe: die pringent trizicualtigiz uuuocher32 unte
Line: 22     
inphahent auh drizicualtigiz lon. Daz andere daz sint die uuitiuun,33
Ms. page: 235rb  
Line: 23     
die sih mit gotis helfa inziehint dere uuerltlichen vuunne,34 in der35
Line: 24     
si fordis lebetin zartlichen: die pringent sehzicualtigiz uuuochir36
Line: 25     
unte inphahint ouh sehzicualtigiz lon. Daz dritte sint die gotes
Line: 26     
iruueliten magide, die imo ire chûske pihaltent, pediu in demo lihnamen
Line: 27     
unte in demo muôte, unte imo flizziclichen dienont alla uuila:
Line: 28     
die pringent cehinzicualtigiz uuuocher37 unte inphahent ouh cehinzicualtigiz
Page: S172   Line: 29     
lon. Diu erda1 diu fure bringet2 ire wuocher3 durh
Line: 30     
die kidult: daz sculi uuir so firsten, daz unsera uuerh nieth guot


Cod. Vind. (ÖNB) 2681, p. 235va


Line: 31     
nisint, Ms. page: 235va   ube4 uuir si gote nieth zi lobe nipizellin unte ube uuir nieth
Line: 32     
kidultlichen nifirtragen die urdrizze unserin nahisten. Vuir sculen
Line: 33     
daz pidenchin, daz der uuin unte daz ole niemir liûtter5 noh guot
Line: 34     
niuuerdunt, e dei peri kitretan unte kipressit uuerdunt, noh daz
Line: 35     
chorin niemir nichumet6 in daz chorenhus, e iz kidroskin uuirdit:
Line: 36     
nieth mera nimac unser niheinir chomen7 in daz himelrih, uuir niuuerdan
Line: 37     
kiluteret8 durh die fillate des uuerltlichen truobesalis.



Section: 4  
Page: S172  
4.

Cod. Vind. (ÖNB) 2681, p. 235v


Ms. page: 235va  
Line: 1        
Daz9 euangelium zelit uns, do unser10 herro der filius dei fuor Ms. page: 235vb   zi
Line: 2     
dere martyri, do chom12 er zi dere burgi Hiericho, da saz ein plinte
Line: 3     
pi demo uuege unte bat kinadone;13 den intluhte er zi dera anasihte
Line: 4     
sinere14 iungerone, zi diu15 daz er siu kiuestinote in dera heiligon
Line: 5     
kiloube. Hiericho uuirdet kantfristet16 manin: diu pizeichinet17
Line: 6     
die zigengida unserere totliche. So pizeichinet17 aua der plinte daz
Line: 7     
menniscliche kislahte, daz dir plintiz firstoezzen uuart uone den mandungen
Line: 8     
des paradysi in dezzi ellentuom, in demo iz uuas unuuizzente
Line: 9     
unzi an daz, daz iz intluhte der filius dei mit demo kiuualte sinere
Line: 10     
gotheite, so daz iz do uuider chunde kidenchin zi den euuigen
Page:    Section:    Manuscript:    Ms. page:   



Next part



This text is part of the TITUS edition of Minor Old High German Monuments.

Copyright TITUS Project, Frankfurt a/M, 15.10.2021. No parts of this document may be republished in any form without prior permission by the copyright holder.