TITUS
Minor Old High German Monuments
Part No. 50
Previous part

Text: St.Emm.Geb.B  
Page: S310  
Manuscript: Clm_14345  
XLII. Altbayrisches [Sanct Emmeramer] Gebet

B

Cod. Lat. Monac. (Clm) 14345, p. 117r


Ms. page: 117r  
Line: 1        Trohtin, dir uuirdu ih pigihtig
Line: 2     allero minero suntono enti minero
Line: 3     missatateo, alles des ih eo
Line: 4     missasprahhi oda missatati oda
Line: 5     missadahti, uuorto enti uuercho
Line: 6     enti gadancho, des ih kihugku
Line: 7     oda nigihugku, des ih uuizzanto
Line: 8     geteta oda unuuizzanto, notag
Line: 9     oda unnotag, slaffanto oda uuahhento:
Line: 10     meinsuerto enti lugino,
Line: 11     kiridono enti unrehtero uizusheito,
Line: 12     hurono so uue so ih1* sio
Line: 13     giteta, enti unrehtero firinlusto
Line: 14     in musa enti in trancha enti in
Line: 15     unrehtemo slaffa; daz du mir,2*
Line: 16     trohtin, kenist3* enti ginada
Line: 17     farkip, daz ih fora dinen ougun
Line: 18     unscamanti mozzi uuesan, enti
Line: 19     daz ih in desaro uueralti minero
Line: 20     missatato riuun enti harmscara
Line: 21     hapan mozzi, soliho4* so dino miltada
Line: 22     sin. alles uualtanto trohtin,
Line: 23     got almahtigo, kauuerdo mir helfan
Line: 24     enti gauuerdo mir fargeban keuuizzida
Line: 28     enti furistentida, cutan
Line: 29     uuillun mit rehtan galoupon za
Line: 30     dinemo deonosta.
Line: 31     trohtin, du in desa uuerolt quami
Line: 32     suntiga za generienna, kauuerdo
Line: 33     mih gahaltan enti ganerien.
Line: 34     Christ,   cotas sun, trohtin,
Page: S311   Line: 1     soso du uuelles enti soso dir gezeh
Line: 2     si, tua pi mih
Line: 3        scalh dinan.
Line: 4     trohtin, ganadigo kot, keuuerdo
Line: 5     mir helf an
Line: 6     dinemo scalhe.
Line: 8     du eino uuest, trohtin,
Line: 9     uue mino1* durfti sint. in dino
Line: 10     genada,
Line: 11     trohtin, pifilhu min herza,
Line: 12     mina gadancha, minan uuillun,
Line: 13     minan mot, minan lip, miniu
Line: 14     uuort, miniu uuerh. leisti,
Line: 15     trohtin, dino ganada uper
Line: 16     mih suntigan
Line: 17     dinan scalh. kaneri mih, trohtin,
Line: 18     fonna allemo upila.
Page:    Section:    Manuscript:    Ms. page:   

Line: n.310B_1     hi ^
Line: n.310B_2     daz du mir dem Anschein nach auf Rasur ^
Line: n.310B_3     kenis ^
Line: n.310B_4     davor ein Wort ausradiert; es scheint foliho oder feliho gestanden zu haben. ^
Line: n.311B_1     uuemo, verderbt aus uue m,no ^




Next part


This text is part of the TITUS edition of Minor Old High German Monuments.

Copyright TITUS Project, Frankfurt a/M, 15.10.2021. No parts of this document may be republished in any form without prior permission by the copyright holder.