TITUS
Tatian, Gospel Harmony
Part No. 46
Previous part

Chapter: 45 
Sentence: 1    Link to gotnt
   Et die tertio nuptiæ factę sunt in Canan Galileae, et erat mater Ihesu ibi. Link to gotnt Vocatus est autem ibi et Ihesus et discipuli eius ad nuptias.
   In thritten tage brútloufti gitano uuarun in thero steti thiu hiéz Canan Galileę: thar uuas thes heilantes muoter. Gihalot uuas ouh thara ther heilant inti sine iungiron zi thero brutloufti.
Sentence: 2    Link to gotnt
   Et deficiente vino dicit mater Ihesu ad eum: vinum non habent. Link to gotnt Et dicit ei Ihesus: quid tibi et mihi est, mulier? nondum venit hora mea.
   Thó ziganganemo themo uúine quad thes heilantes muoter zi imo: sie ni habent uúin. Thó quad iru ther heilant: uuaz ist thih thes inti mih, uúib? noh nú ni quam mín zít.
Sentence: 3    Link to gotnt
   Dicit mater eius ministris: quodcumque dixerit vobis facite.
   Thó quad sín muoter zí then ambahtun: só uúaz só hér íu quede só tuot ír.
Sentence: 4    Link to gotnt
   Erant autem ibi lapideę hydrię sex positæ secundum purificationem Iudęorum, capientes singulæ metretas binas vel ternas.
   Thar uuarun steininu uuazzarfaz sehsu gisezitu after subernessi thero Iudeono, thiu bihaben mohtun einero giuuelih zuei méz odo thríu.
Sentence: 5    Link to gotnt
   Dicit eis Ihesus: implete hydrias aqua. Et implerunt eas usque ad summum.
   Thó quad ín ther heilant: fullet thiu faz mit uuazaru. Inti sie fultun siu únzan enti.
Sentence: 6    Link to gotnt
   (82) Et dicit eis Ihesus: haurite nunc et ferte architriclino. Et tulerunt.
   (82) Thó quád ín ther heilant: skephet nú inti bringet themo furistsizzenten. Inti sie bráhtun.
Sentence: 7    Link to gotnt
   Ut autem gustavit architriclinus aquam vinum factam, et non sciebat unde esset (ministri autem sciebant qui haurierant aquam), vocat sponsum architriclinus, Link to gotnt et dicit ei: omnis homo primum bonum vinum ponit, et cum inebriati fuerint, tunc id quod deterius est; tu autem servasti bonum vinum usque adhuc.
   Tho gicorota thie furistsizzento thaz uuazzar zí uuine gitán inti hér ni uuesta uuanan íz uúas (thie ambahta uuestun íz, thie thar scuofun thaz uuazar), thó gihalota then brutigomon thie furistsizzento inti quad imo: íogiuuelih man zi erist guotan uúin sezzit, inti mit thiu sie foltruncane sint, thanne thaz thar uúirsira ist; thú gihielti then guoton uúin unzan nú.
Sentence: 8    Link to gotnt
   Hoc fecit initium signorum Ihesus, in Chana Galileae, et manifestavit gloriam suam.
   Thaz teta in anaginne zeichano ther heilant in thero steti thiu hiez Chana Galileę, inti offonota sina diurida.

Next part


This text is part of the TITUS edition of Tatian, Gospel Harmony.

Copyright TITUS Project, Frankfurt a/M, 15.10.2021. No parts of this document may be republished in any form without prior permission by the copyright holder.