TITUS
Heliand-Fragment S
Part No. 7
Previous part

Manuscript Page: 4r  

Chapter: VIII  
VIII


Verse: 671       The uurekkian fellun
Verse: 672    ti them kinde an kneobeda   endi ine an cuninguuiſa
Verse: 673    godan grottun   endi im the geua dragun
Verse: 674    gold endi uuihrok   bi godeſ teknun

Manuscript Line: 1   Verse: 675    endi myrren thar mid · the menn ſtodun garre
Manuscript Line: 2   Verse: 676    holde for ira herean the it mid ira hondun ſón
Manuscript Line: 3   Verse: 677    fagara atfengun · Tha giuuitun im the ferhtan
Manuscript Line: 4     menn Verse: 678  ſeggi ti ſeliđun · ſiđuuarige Verse: 679  gumun an
Manuscript Line: 5     gaſtſeli thar im godeſ engil Verse: 680  ſlapandiun an
Manuscript Line: 6     naht ſuueƀan gitagde Verse: 681  gedrag im an drame all ſo it
Manuscript Line: 7     drohtin ſelf Verse: 682  uualdand uuelde that im thuh
Manuscript Line: 8     te that man im mid uuordun gibudi Verse: 683  that ſie im

      thanan ođran uueg, erloſ forin,
Verse: 684    liđodin ſie te lande endi thana leđan man,
Verse: 685    Erodeſan eft ni ſohtin,
Verse: 686    modagna cuning. Tho uuarđ morgan cuman
Verse: 687    uuanum te theſero uueroldi. Tho bigunnun thea uuiſon man
Verse: 688    ſeggean iro ſueƀanoſ; ſelƀon antkendun
Verse: 689    uualdandeſ uuord, huuand ſie giuuit mikil
Verse: 690    barun an iro brioſtun: badun alouualdon,
Verse: 691    heron heƀencuning, that ſie moſtin iſ huldi forđ,
Verse: 692    giuuirkean iſ uuilleon, quađun that ſea ti im habdin giuuendit hugi,

Manuscript Line: 19   Verse: 693    ira mod morgan gihuilike ·
Manuscript Line: 20     Tha forun eht the menn thonan Verse: 694  erlaſ
Manuscript Line: 21     aſtrunie all ſo im the engil godeſ Verse: 695  uor
Manuscript Line: 22     dun giuuiſde namun im uueg ođerne · Verse: 696  ful
Manuscript Line: 23     gengun godeſ lerun ni uueldun them giude
Manuscript Line: 24     an cuninge Verse: 697  umbi thaſ barneſ giburð bodan
Manuscript Line: 25     aſtrunie Verse: 698  ſiđuuarige menn ſeggian iauuiht


Next part


This text is part of the TITUS edition of Heliand-Fragment S.

Copyright TITUS Project, Frankfurt a/M, 15.10.2021. No parts of this document may be republished in any form without prior permission by the copyright holder.