TITUS Texts: Aegidius Romanus, De regimine principum

TITUS
Aegidius Romanus, De regimine principum
Part No. 14

Chapter: XIV
Capitulum XIV
Sentence: 318 Von der logene

Sentence: 319    Nu ist auch zcu sagene von der logene, die der warheit entgegin ist.
Sentence: 320    Logene ist eyn falsch bedutnisse der wort adder der werck mit eyner meynunge zcu betrigen.
Sentence: 321    Unde dar umme kompt is, das eyner luget nicht alleyne mit den worten, sunder auch mit den werckin.
Sentence: 322    Als wen her saget, man sulle vil gutee ding dun, her dut dach selbir anders.
Sentence: 323    Logene ist mancherleye.
Sentence: 324    Eyns heist eyn slechte logene, eyns heist meyneydee.
Sentence: 325    Eyne slechte logene ist, die an eyde unde an swern gescheit.
Sentence: 326    Aber meyneyde ist eyn logene, die mit eyden unde mit sweren zcu geet.
Sentence: 327    Die selbin beyderley logene sint vort, mancherleie.
Sentence: 328    Eyns heist eyn schympliche logene, die durch frolichkeit gescheit.
Sentence: 329    So ist eyns eyne holfliche logene, die eynem andern zcu holffe gescheite, als das her gros obel vormide adder das ym gros from entstehe.
Sentence: 330    Is ist auch eyne logenhaftige logene, als die durch betrygunge gescheit, dach an ymandis schadin.
Sentence: 331    So ist auch eyns eyne scheideliche logene, die dar umme gescheit, das man die lute vorliumdde ader yn schadin zcu czehe.
Sentence: 332    Under dissen logenen ist die holfliche logene mynner sunde wenne die andern, unde ist auch mynner wenne die schympliche logene, wenne sie brenget mer nucz.
Sentence: 333    Doch ist alle logene bose, wenne sie ist weder die warheit.
Sentence: 334    So ist auch die schympliche logene mynner bose wenne die logenhafftige logene.
Sentence: 335    Adder die scheideliche logene ist die ergiste, wenne sie ist nicht alleyn weder die warheit, sunder auch weder die gerechtikeit.

This text is part of the TITUS edition of Aegidius Romanus, De regimine principum.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.